प्रतिनिधिसभा विघटनविरुद्ध दर्ता जूगु रिट निवेदनय् थौं नं सुुनुवाई
डंगोल | पोहेलाथ्व द्धितीया ११४१, माघ २ शुक्रवाः
प्रतिनिधिसभा विघटनविरुद्ध सर्वोच्च अदालतय् दर्ता जूगु रिट निवेदनय् संंवैधानिक इजलासय् थौं नं सुुनुवाई जुइत्यंगु दु ।
प्रधानन्यायाधीश चोलेन्द्रशम्शेर जबरा लिसें न्यायाधीश सपना मल्ल प्रधान, विश्वम्भरप्रसाद श्रेष्ठ, अनिलकुमार सिन्हा व तेजबहादुर केसीया संंवैधानिक इजलासय् सुनुवाइ जुयाच्वंगु दु ।
थ्व कचवं संंवैधानिक इजलासय् सुनुवाई यायेगु वा बृहतपूर्ण इजलासय् सुनुवाइ यायेगु धइगु कचवं अझं अथेस्तुं दनिइ । थांै नं थ्व मुद्दाया सुनुवाइ गन यायेगु धइगु क्षेत्राधिकारया हे विषयस बहस जुइगु धाःगु दु ।
रिट निवेदक १३म्ह मध्ये ११ म्हसिनं थ्व विषय बृहतपूर्ण इजलासय् सुनुवाइ यायेमाःगु माग यासें पूरक निवेदन बिउगु दु ।
प्रतिनिधिसभा विघटन कचवंया सुनुवाइ जुइमाःगु सः थ्वगु दुसा सरकारयापाखें महान्यायाधिवक्तां संविधानया व्याख्या याइगु इजलास दूगुलिं संंवैधानिक इजलासय् हे सुनुवाइ जुइमाःगु तर्क तःगु दु ।
सर्वोच्च अदालतया संंवैधानिक इजलासय् प्रतिनिधिसभा विघटनया मुद्दायात संवैधानिक इजलासय् हे तयेगु वा बृहतपूर्ण इजलासय् छ्वयेगु विषयस थ्वयान्ह्यः अधिवक्तापिं व न्यायाधीश दथुइ सवाल जवाफ जूगु दु ।
महान्यायाधिवक्ता अग्नि खरेलं प्रतिनिधिसभा विघटनया मुद्दा संवैधानिक इजलासय् हे सुनुवाइ यायेमाःगु तर्क न्ह्ब्वयादीगु दु ।
Categorized in राष्ट्रिय
