स्वस्थानी व्रत न्ह्यात
स्वस्थानी व्रत न्ह्यात
हिन्दु धर्मावलम्बीपिनिगु धार्मिक आस्थां जाःगु स्वस्थानी व्रत थौंनिसें न्ह्याःगु दु ।
पुस शुक्ल पूर्णिमानिसें न्ह्यानाः माघ शुक्ल पूर्णिमातक स्वस्थानीया व्रत च्वंसा सुख, शान्ति, समृद्धि चूलानाः रोगव्याधिं मथीगु धार्मिक विश्वास दु । व्रत च्वंगु ईलय् भगवान् शिवया पूजा आराधना याइ ।
सत्य युगय् भगवान् विष्णुया छ्याताकथं हिमालय पुत्री पार्वतीं महाद्यः मिजं दयेमा धकाः स्वस्थानी व्रत च्वंगु अले मनोकामना पूवंगु बाखनय् उल्लेख यानातःगु दु ।
व्रत च्वंगु प्रभावं शिव–पार्वतीया ईहिपा जूगु पौराणिक धर्म ग्रन्थय् चर्चा यानातःगु दु । स्वस्थानी व्रत न्ह्याःगु दिंनिसें येँ जिल्लाया उत्तरपूर्वी क्षेत्रया सक्वय् शालीनदी मेला जुइगु याः ।
ब्रतालुपिं सक्वया शालीनदीइ म्वः ल्हुयाः मेलाय् ब्वति कायेगु परम्परा दु । शालीनदीइ माधवनारायणया मेला न जुइगु याः ।
Categorized in राष्ट्रिय
