टी–ट्वान्टी क्रिकेटय् भारतविरुद्ध इंग्ल्याण्डया न्हापांगु जीत, भारत ८ विकेटं बुत
सिल्लागा आंैसी ११४१, फागुन २९ सनिवाः
रेलु टिम भारतविरुद्धया न्हापांगु टी–ट्वान्टी क्रिकेटय् इंग्ल्याण्ड त्याःगु दु । अहमदाबादइ्र वंगु बहनी जूगु कासाय् इंग्ल्याण्डं भारतयात ८ विकेटं बुकूगु खः ।
भारतं ब्यूगु सच्छि व २५ रनया आज्जु इंग्ल्याण्डं २ विकेट तंकाः २७ बल ल्यं दुबलय् पूवंकूगु खः । थ्वलिसें इंग्ल्याण्ड टी ट्वान्टीइ १–० या अग्रता कायेत नं ताःलाःगु दु ।
भारतं ब्यूगु सच्छि व २५ रनया आज्जु इंग्ल्याण्डं १५ ओभर ३ बलय् २ विकेट जक तंकाः पूवंकल । इंग्ल्याण्डयात त्याकेत जासन रोयं ४९ रनया योगदान ब्यूबलय् जोस बटलरं २० रन दयेकल ।
जोनी बेयर्स्टों अविजित २६ रन दयेकल । डाविड मालन २४ रनइ्र अविजित जुल । भारतया युजभेन्द्र चाहल व वासिङ्गटन सुन्दरं १÷१ विकेट काल ।
थ्वयां न्ह्यः न्हापां ब्याटिङ याःगु भारतं २० ओभरय् ७ विकेट तंकाः सच्छि व २४ रन दयेकूगु खः । भारतया श्रेयस एयरं ६७ रनया अर्धशतकीय इनिङ्स म्हितल ।
अथे हे, ऋषव पन्तं २१ रन दयेकूबलय् हार्दिक पाण्डयं १९ रन मुंकल । इंग्ल्याण्डया जोफ्रा आर्चरं ३ विकेट काल । कासा त्याःगुलिसें इंग्ल्याण्डं ५ कासाया सिरिजय् १–० या अग्रता दयेकूगु दु ।
Categorized in कासा
