२०८१ बैशाख १०, सोमबार

ताम्रकार समाजं प्रमुख जिल्ला अधिकारीयात लसकुस

लहनान्युज | पोहेलागा षष्ठी ११४४, माघ १७ बुधवाः

प्रमुख जिल्ला अधिकारी तुलसी बहादुर श्रेष्ठं संस्कृति व सभ्यताया संरक्षण याय्गु ज्याय् जातीय समाजया तःधंगु भूमिका दइगु खँ कनादीगु दु।

ताम्रकार समाजं जावलाखेलय् ग्वसाः ग्वःगु लसकुस व हना ज्याझ्वलय् नुगः खँ तयादिसें प्रजिअ श्रेष्ठं थुज्वःगु समाजं सक्रिय व सचेत जुयाः समुदायया कला, संस्कृतियात ल्यंके फय् माःगु बिचाः प्वंकादिल ।

“संस्कृति व सभ्यताया संरक्षण याय्गु ज्याय् जातीय समाजया तःधंगुभूमिका दइ, थुज्वःगु समाजं सक्रिय व सचेत जुयाः समुदायया कला, संस्कृति ल्यंके फय्केमाः । समाजं सामाजिक उत्तरदायित्व निर्वाह याय्त महत्त्वपूर्ण भूमिका म्हितेमाः” श्रेष्ठं धयादिल।

यलया प्रहरी प्रमुख बरिष्ठ प्रहरी उपरीक्षक शेखर खनालं प्रहरी नं थ्व हे समाजया मनू खः धासें प्रभावकारी रुपय् ज्या यानाः शान्ति सुरक्षाया निंतिं न्ह्याबलें क्रियाशील जुया च्वनेगु खँ कनादिल । “प्रहरी न्ह्याबलें समाजया आवश्यकताय् लाइ ।

अपराधिक क्रियाकलापत पनेगु जिमिगु आज्जु खः, अपधाररहित व भय मुक्त समाज निर्माण याय्गु अभियानय् दु।” खनालं धयादिल । यल नेवा समाजया न्वकु न्हुच्छेबहादुर नेमकुलं यलया १९ गू जातीय समाजयात छगू हे थासय् स्वाय् माःगु परम्परागत संस्कृतिया जगेर्ना याय्त, सामाजिक अस्तित्व व सद्भाव कायम याय्गु लिसेंया ज्या याय् माःगु ताय्काः यल नेवाः समाज स्वनेज्या जूगु कनादिल।

ताम्रकार समाजया नायः विनोद ताम्रकारं समाजं शिक्षा व स्वास्थ्यया लिसें कुलदेवता देगः उग्रचण्डीमाईया संरक्षण, जेष्ठ नागरिकपिन्त तिर्थाटन याकेगु, धार्मिक गतिविधिइ ब्वति काय्केगु ज्या यानावयाच्वनागु खँ कनादिल।

Categorized in राष्ट्रिय