लुँ तोलां ६००, वहः तोला झीतका क्वहावल
शोभा श्रेष्ठ | सिल्लागा एकादशी ११४१, फागुन २५ मंगलवाः
लुँया भाः थौं न क्वहावःगु दु । लुँ तोलां थौं खुसः क्वहावःगु दु।
लुँ तोलां खुसः क्वहावया ८५ हजार ६ सय रुपैयाँ थ्यःगु दु धका नेपाल सुनचाँदी व्यवसायी महासङ्घं धाःगु दु ।
म्हिगः लुँ तोलाया ८६ हजार २ सय रुपैयाँ कायम जुगु खः । महासङ्घया कथं अन्तर्राष्ट्रिय बजारय् लुँया भाः अस्थिरता वयेवं नेपाली बजारय् न प्रभाव लागु धका धाःगु दु।
अथेहे, थौं वहः न भाः क्वहावःगु दु । वहः तोलां थौं झीतका क्वहावःगु दु ।
वहः तोलां झीतका क्वहावया १२५५ रुपैयाँ थ्यःगु दु धका धाःगु दु ।
Categorized in राष्ट्रिय