क. एसएमएस अलर्ट

 

थीथी मोबाइल नम्बरय् छु न विषय वस्तुया बारेमा जानकारी बिइमाःगु व मेगु छ् न लिसःया अपेक्षा मदुगु अवस्थाय् एसएमएस अलर्टयात प्रयोग यायेफइ। थीथी बैंक व वित्तीय संस्थापिन्स आर्थिक कारोबारया बारेमा जानकारी बिइत, पेमेन्ट पक्का जुगुे जानकारी बिइत, थःगु व्यवसायया जानकारी बिइत व व्यापार प्रवर्द्धन यायेगु उपयुक्त जुइगु सन्देश छ्वयेत एसएमएस अलर्टयात प्रयोग याये फइ।

 

ख. एसएमएस सर्टकोड

 

एसएमएस सर्टकोड प्रयोग याना दोहोरो अन्तरक्रिया याये फइ । छु न मोबाइलय् सर्टकोड पाखे छु न एसएमएस वल धाःसा एसएमएस काइम्ह ग्राहकं उगु जानकारीमूलक सामग्रीया बारेय् प्रतिक्रिया छ्वयेगु व थप जानकारीका लागि इनाप याये फइ । थीथी परीक्षाया नतिजा लिच्वः सिइकेत, थीथी विषयवस्तु बारय् पोलिङ यायेत, भोटिङ यायेत, क्विज सर्भिस सञ्चालन यायेत व थःगु व्यवसायया बजारीकरण नाप प्रवद्र्धन यायेत तक थुगु सेवा उपयोगी जुइ।

थुगु सेवा सञ्चालन पूर्वप्राविधिक परीक्षण यायेमाः व ५ अंकया सर्टकोडया लागि नेपाल दूरसञ्चार प्राधिकरणयाके स्वीकृति कायेमाः । थुगु सेवा सञ्चालन यायेत व सेवा प्रदायकयात न्युमेरिक सर्टकोड अर्थात अंकया आधारित सर्टकोड प्रदान याइ । 

 

ग. वेब–बेस्ड बल्क एसएमएस

 

वेबया आधारित बल्क एसएमएस छगु प्रकारया ब्रोडकास्ट सर्भिस खः। थुकिइ उगु हे सन्देश छकलं यक्को मोबाइल नम्बरय् छ्वये फइ । विद्यालय, कलेज, व्यापारिक प्रतिष्ठान, चिधःगु व्यवसायी वा मेगु छु न संस्थां थुकियात छ्यले फइ । यक्को ई याउक तरिकां दःकः यक्को व्यक्तियात छकलं एसएमएस छुवये फइगु थुकिया मुख्य विशेषता खः ।

 

अतिरिक्त परीक्षणबिना म्हो इलय् थुगु सेवा उपलब्ध याये फइ । थुकिया लागि सेवा प्रदायकयात संस्था नाप मिले जुगु नां ११ क्यारेक्टरय् अप्वो मयाये प्रदान याइ व उगु हे नामं यक्को नम्बरय् एसएमएस छ्वये फइ ।

गये याना कायेग थ्व सुविधा ?

 

एसएमएस अलर्ट व सर्टकोड सुविधा उपयोग याये चाहे जुगु संस्थां थःगु एसएमएस एप्लिकेसन वा सिस्टम दगु आवश्यक दु धाःसा वेब–बेस्ड बल्क एसएमएस छ्वयेत चाहे जुगु संस्थाया लागि नेपाल टेलिकमं हे आवश्यक व्यवस्था मिलेयाना बिइगुलि छु न थप एप्लिकेसन वा सिस्टमया आवश्यकता मदु।

 

वेब–बेस्ड बल्क एसएमएस सेवाया हकय् टेलिकमपाखे स्वीकृति प्रदान जुगु लिपा एसएमएस भोल्युम कोटाया आधारय् तोके याःगु रकम बैंक खाताय् बुझे यायेमाः। वया लिपा टेलिकमं ग्राहकयात युजर एकाउन्ट दयका ग्राहकयात उपलब्ध याइ। थुकिया आधारय् ग्राहकं एसएमएस सेवा प्रदान याये फइ।