निषेधाज्ञाया इलय् छेँ च्वना हे सेवाग्राहीया ध्यानय् तया नेपाल टेलिकमं अफर सार्वजनिक यागु दु ।

टेलिकमं सार्वजनिक यागु ’लकडाउन स्टे कनेक्टेड’ अफर थौंनिसे लच्छि तक लागू जुइ धका प्रवक्ता राजेश जोशीं जानकारी बिगु दु। वयकःया कथं अफर अन्तर्गत लच्छिया लागि अनलिमिटेड ‘डे डाटा प्याकेज’ व ‘रिचार्जमा डाटा बोनस’ उपलब्ध यागु दु।

अनलिमिटेड डे डाटा प्याक अफर ३९ रुपैयाँय् उपलब्ध जुइ कथं डाटा प्याकया स्पिड १ एमबीपीएस तक जुइ ।

लकडाउन स्टे कनेक्टेड अफर अन्तर्गत खरिद यातकि प्याक चले याये फइगु उगु ई २४ घण्टा तक जुइ धका धागु दु। थुगु डाटा न्हि छकः सुथय् ५ बजेनिसे बहनि ५ बजे तक चले याये फ धका धागु दु। अथेहे, टेलिकमं निषेधाज्ञाया इलय् एमपोस अथे धइगु थीथी भुक्तानी सेवा प्रदायकया माध्यमं मोबाइलपाखे रिचार्ज यायेगु इलय् बोनस डाटा तक दइगु व्यवस्था दु।

निसः निसे ४९९ रुपैयाँ तक रिचार्ज याय वलय् बोनस कथं पाँच सय एमबी डाटा उपलब्ध दइ । डाटा निन्हुया दुने प्रयोग यायेमाः । अथेहे न्यासः स्वया अप्वो रिचार्ज यातकि एक हजार २४ एमबी डाटा उपलब्ध दइ। थुगु डाटा प्यन्हुया दुने प्रयोग यायेमाः।

Categorized in राष्ट्रिय