लुँया भाः थौं तोलाय् खुसः क्वहावःगु दु धका नेपाल सुन चाँदी व्यवसायी महासंघ धाःगु दु ।

बुधवाःया लागि छापावाल लुँया भाः ९२ हजार रुपैयाँ कायम जूगु दु धका महासंघं धाःगु दु । म्हिगः मंगलवाः लुँ तोलां ९२ हजार ६ सय रुपैयाँ न कारोबार जूगु खः। महासंघं थौंया लागि तेजावी लुँ तोलाया ९१ हजार ५ सय रुपैयाँ कायम जुगु दु धका धाःगु दु।

अथेहे वहः तोलाय् न ६० रुपैयाँ क्वहावःगु दु । म्हिगः मंगलवाः १३८० रुपैयाँ तोलां कारोबार जुगु खःसा थौं बुधवाः १३२० रुपैयाँ कायम जुगु दु धका महासंघं धाःगु दु।

Categorized in राष्ट्रिय