२०८० चैत्र १६, शुक्रबार

टोटनह्याम हट्सपर तब्यागु गोल अन्तरं त्यात

पोहेलाथ्व त्रयोदशी ११४१, माघ १३ मंगलवाः

एफए कप फुटबल अन्तर्गत वंगु बहनी जूगु कासाय् टोटनह्याम हट्सपर त्याःगु दु । लण्डन क्लब टोटनह्यामं वाइकोम्बी वान्डर्सयात वयागु हे ख्यलय् ४–१ गोलं बुकल ।
टोटनह्यामयात तब्यागु गोल अन्तरं त्याकाबीत दोम्बेलें २ गोल याःबलय् ग्यारेथ बेल व ह्यारी विङ्कसं १÷१ गोल यात । बूगु टोली वाइकोम्बीया फ्रेड ओनेदिम्बां न्हापांगु गोल याःगु खः ।
कासा त्याःगुलिसें टोटनह्याम हट्सपर एफ.ए कप फुटबलया न्यागूगु चरणय् थहांवंगु दु । न्यागूगु चरणया कासाय् टोटनह्यामं प्रिमियरसिप प्रतिद्वन्द्वी एभर्टनलिसे धेंधें बल्लाः याइ ।
Categorized in कासा