अमेरिकां ५० गु राज्यय् हे सुरक्षा सतर्कता अप्वोकुगु दु। वइगु बुधवाः जुइगु राष्ट्रपतिं सपथ काइगु ज्याझ्वः जुगुलि सम्भावित हिंसा रोके यायेत दक्को राज्यय् उच्च सुरक्षा सतर्कता अपने याःगु दु धका बीबीसी धाःगु दु।

राष्ट्रपति डोनाल्ड ट्रम्पया समर्थकपिन्स थ्व स्वया न्ह्यः संसद भवनय् हे आक्रमण याःगु खः व हाकन आक्रमण याये फइगु खतरा दुगुलि कारण सैनिक परिचालन सतर्कता अपने याःगु खबरय् उल्लेख याःगु दु ।

दक्को राज्यया संसद भवनय् थ्व स्वया न्ह्यः ट्रम्प समर्थकपिन्स प्रदर्शन याइगु सूचं वःगुलि सुरक्षा व्यवस्था तसकं कडा याःगु दु धका धाःगु दु।

राष्ट्रपति पदय् निर्वाचित जो बाइडेनं बुधवाः शपथ काइगुलि राष्ट्रपति  ट्रम्पं औपचारिक रुपं बुगु स्वीकार यागु मदुनि। ट्रम्पविरुद्ध महाअभियोग तक दर्ता जुइ धुकुगुलि अमेरिकाय् सुरक्षा खतरा जुगु दु धका धाःगु खः।

Categorized in अन्तर्राष्ट्रिय