कोरोना खोपया प्लान्टय् मिं नया ५म्ह सीत
पोहेलाथ्व नवमी ११४१, माघ ९ शुक्रवाः
कोरोना भाइरसविरुद्धया खोप दयेकाच्वंगु भारतया सिरम इन्स्टिच्युट अफ इण्डियाया छगू प्लान्टय् मिं नःगु दु ।
इन्स्टिच्यूटया पुनेय् च्वंगु प्लान्टया छगू टर्मिनलय् मिं नःगु खः । मिंनया ६म्ह सीगु दु । ‘सिरम इन्स्टिच्युटया छगू भवनया दकले च्वयेया तल्लाय् च्वपंपिं ६म्ह मिंनया सीगु खः ।
मिं नःगुया कारण धाःस सीके मपूmनिगु व क्षतीया विवरण नं मवःनिगु अन्तराष्ट्रिय संचार माध्यमं न्ह्यथंगु दु । सीपिनिगु ल्याः अझ अप्वेफइगु धाःगु दु ।
मिंनया दकले च्वयेयाःगु तल्ला पूवंक हे च्याःगु खः । अक्सफोर्ड–एस्ट्राजेनेकाया कोरोना खोप कोभिशिल्ड सिरम इन्स्टिच्युट अफ इण्डियां दयेकाच्वंगु खः ।
सिरम इन्स्टिच्युट अफ इण्डिया विश्व स्वास्थ्य सङ्गठनया कोभ्याक्स स्किमया हिस्सा खः । थुकिया आज्जु चिमी देय्पिन्त खोप उपलब्ध यायेगु खः ।
