चिनियाँ खोप सिनोफार्मंयात डब्ल्युएचओं बिल आपतकालीन अनुमति
चौलागा द्धादशी ११४१,बैसाख २५ सनिवाः
बिश्व स्वास्थ्य संगठन डब्ल्युएचओं चिनियाँ कम्पनी सिनोफार्मं दयेकुगु कोरोना बिरुद्धया खोपयात आपतकालीन छ्यलेगु नितिं अनुमति बिउगु दु ।
सिनोफार्मं उत्पादन याःगु खोप थ्वयान्ह्यः हे चीनलिसें हलिंया थी थी देशय् १०गू लख मनूसिवें आपासित बिइधुंकुगु दु । डब्लुएचआें थ्वयान्ह्यः फाइजर, एस्ट्राजेनेका, जोन्सन एण्ड जोन्सन व मोदेर्नाया खोपयात जक स्वीकृति बिउगु खः । तर थी थी द ेय्या नियामक निकायत, विशेष याना अफ्रिका, ल्याटिन अमेरिका व एसियाया गरिब देयेतयेसं चिनियाँ खोपयात आकश्मिक छ्येगुलिया नितिं स्वीकृति बिउगु खः ।
सिनोफार्मया खोप १८ दँ च्वयेय्या नितिं निगू मात्रा बिइमाःगु उल्लेख दु । थुकिया प्रभावकारीता ७९गू प्रतिशत दूगु उत्पादकं धाःगु दु । आः छुं इलय् सिनोभाकं उत्पादन याःगु मेगु चिनियाँ खोपं नं स्वीकृति चूलाकिगु संभावना दु ।
अथेहे रुसी खोप स्पुट्नीकया खँय् मुल्यांकन जारी जुयाच्वंगु डब्ल्युएचओं न्ह्यथंगु दु ।
Categorized in अन्तर्राष्ट्रिय
