एस्ट्राजेनेकाय् त्रुटी मदुगु डब्ल्युएचओया धापू
चौलाथ्व तृतीया ११४१, चैत्र ३ मंगलवाः
विश्व स्वास्थ्य संगठन (डब्लुएचओं) कोरोना भाइरसविरुद्धया खोप अभियान मदिकेत अपिल याःगु दु ।
युरोपया थी थी देशं अक्सफोर्ड–एस्ट्राजेनेकाया खोप थथेंया नितिं कायेगुलिइ दिकुगु इलय् डब्लुएचओं अभियानयात निरन्तरता बिइत इनाप याःगु खः । खोप व ब्लड कल्ट दथुइ छुं नं स्वापूया छुं नं दसि मदूगु डब्लुएचओं न्ह्यथंगु दु ।
डब्ल्युएचओया सुरक्षा बिशेषज्ञपिनि टोलीं याःगु अध्ययन अनुसन्धानय् एस्ट्राजेनेकाय् छुं नं त्रुटी मदूगु उमिसं स्पष्ट याःगु खः ।
हलिंया १गू क्वःति ७०गू लख मनूखं कायेधुंकुगु अक्सफोर्ड–एस्ट्राजेनेकाया खोपं मनूखय् समस्या खनेदूगु धासें हलिंया थी थी देशं थुगु खोपय् रोक तःगु दु ।
थ्वहे दथुइ डल्ब्लुएचओया स्वास्थ्य बिशेषज्ञपिनि विशेष मुँज्या थौं च्वनेत्यंगु दु । अक्सफोर्ड–एस्ट्राजेनेकाया खोपया खँय् सहलह यायेत मुँज्या च्वनेत्यंगु खः ।
Categorized in अन्तर्राष्ट्रिय
