लीड्सयात १—० बुका वुल्भ्स ११गूगु थासय्
लहानान्युज | सिल्लाथ्व अष्टमी ११४१, फागुन ८ सनिवाः
इंग्लिस प्रिमियर लिग फुटबल अन्तर्गत वंगु चान्हय् जूगु कासाय् वुल्भ्सं त्यागु दु । घरेलु ख्यःलय् जुगु कासाय् वुल्भ्सं लीड्स युनाइटेडयात १–०या गोल अन्तरं बुकुगु खः ।
वुल्भ्स त्यागुलिइ गोल धाःसा लीड्सं याःगु खः । लीड्सया मेस्लिएरं ६४गूगु मिनेटय् याःगु आत्मघाती गोल हे वुल्भ्सया जित व भ्रमण टोलीया बुइमाःगु हुनिं जुल ।
लीड्सया नितिं कासाया लिपांगु इलय् प्याट्रिक बामफोर्डं ज्वलिन्ज्वः गोल याःगु खः तर उगु गोलं मान्यता चूलाके मफुत । कासा त्यायेधुंका २५गू कासां ३३गू ल्याः मुंकुगु वुल्भ्स ११गूगु थासय् थाहाँवंगु दु ।
२४गू कासां ३२गू ल्याः नापं लीड्स १२गूगु थासय् दु ।
अथेहे थौं चान्हय् धाःसा लिग अन्र्तगत ३गू कासा जुइ । साउथह्याम्टन विरुद्ध चेल्सी, ब्रुन्लेविरुद्ध वेस्ट ब्रोमविच अलबीन व लिभरपुलविरुद्ध एभर्टनया धेंधेंबल्ला जुइत्यंगु दु ।
Categorized in कासा
