विश्वकप छनौटया कासाय् पोर्चुगल त्यात
चिल्लागा तृतीया ११४१, चैत्र १८ बुधवाः
विश्वकप फुटबल ल्यज्या अन्तर्गत युरोपेली पुचःया कासाय् पोर्चुगल, बेिल्जयम, नेदरल्याण्ड्स व क्रोएसिया त्याःगु दु । वंगु चान्हय् लक्जेम्बर्गय् जूगु कासाय् भ्रमणकारी टोली पोर्चुगल ३–१ गोलं त्यात ।
थ्व हे पुचःया मेगु कासाय् सर्वियां अजरबैजानयात २–१ गोलं बुकल । विश्वकप फुटबल ल्यज्या युरोपेली पुचः ‘इ’ या कासाय् बेल्जियमं बेलारुसयात ८–० या तःधंगु अन्तरय् बुकूबलय् वेल्सं चेक रिपब्लिकयात १–० गोलं त्याकल ।
पुचः ‘जी’ या कासाय् नेदरल्याण्ड्सं जिब्रल्टारयात ७–० ल्यूने लाकूबलय् नर्वें मोन्टेनेग्रोयात १–० बुकल । थ्व हे पुचःया मेगु कासाय् टर्की व लात्भियां ३–३ गोलया ज्वलिंज्वः म्हितूगु दु ।
अथे हे, पुचः एच या कासाय् क्रोएसियां माल्टायात ३–० बुकूबलय् स्लोभाकियां रुसयात २–१ अले साइप्रसं स्लोभेनियां १–० गोलं ल्यूने लाकाबिल ।
Categorized in कासा
