भारतय् कोरोना संक्रमितपि ९० लाख न्ह्यने थ्यःगु दु।

विश्व स्वास्थ्य संगठनया कथं आःतक भारतय् कोरोना संक्रमितपि ८९ लाख १२ हजार ९०७ म्ह थ्यःगु दु।

वःगु २४ घण्टाया दुने भारतय् ३८ हजार ६१७ म्ह संक्रमितपि थपे जूगु दु।

वःगु २४ घण्टाया दुने ४७४ म्ह कोरोना संक्रमितपि सीगु धका संगठन धाःगु दुु।

थ्व नाप आःतक भारतय् कोरोना सीपि १ लाख ३० हजार ९९३ म्ह थ्यःगु दु।

अमेरिकाय् कोरोना संक्रमितपि छगू करोड १० लाख स्वया अप्वो जुइ धुकुगु दु।

अमेरिका विश्वय् कोरोनाया कारण दकलय् अप्वो संक्रमित जुपि व सीपि देया धलखय् न्हापां दु।

विश्व स्वास्थ्य संगठनया कथं आःतक अमेरिकाय् १ करोड १० लाख ८५ हजार १८४ म्हेसित कोरोना संक्रमण पुष्टि जूगु दु।

वःगु २४ घण्टाय् जक १ लाख ५१ हजार २६६ म्हेसित संक्रमितपि थपे जुगु दु।

तथ्यांक कथं अमेरिकाय् आःतक २ लाख ४५ हजार १६४ म्ह कोरोना संक्रमण सी धुकुगु दु।

वःगु २४ घण्टाय् अमेरिकाय् ७५३ म्ह संक्रमितपि सीगु दु। 

कोरोना संक्रमणया कारण विश्वय् सीपिनिगु ल्याः १३ लाख ३३ हजार ७४२ म्ह थ्यःगु दु।

विश्व स्वास्थ्य संगठनया कथं वःगु २४ घण्टाया दुने विश्वय् ९ हजार २२० म्ह कोरोना संक्रमितपि सीगु दु।

थ्व नाप वःगु २४ घण्टाय् विश्वय् ५ लाख ३६ हजार २२४ म्ह कोरोना संक्रमित थपे जुगु दु।

आःतक कोरोना संक्रमितपि ५ करोड ५३ लाख २६ हजार ९०७ म्ह थ्यःगु दु।

भारतय् कोरोना संक्रमितपि नाप सीपि न म्हो जुयावःगु दु।

न्हि करिब ९८ हजार तक कोरोना संक्रमित जुगु भारत आः घट जुया ५० हजार स्वया म्हो जुया वयाच्वंगु दु। वःगु २४ घण्टाय् जक भारतय् ४७ हजार ९०५म्हेसित कोरोना संक्रमण पुष्टि जगु दु। भारतय् सेप्टेम्बर १७ जक ९७ हजार ८९४ म्हेसित छन्हु हे कोरोना संक्रमण जुगु दु धका विश्व स्वास्थ्य संगठनया तथ्यांकय् उल्लेख दु। थ्व आःतक हे दकलय् अप्वो खः।

भारतय् न्हि थपे जुपि कोरोना संक्रमितपि क्वहावया च्वंगु दु सा सीपि न म्हो जुया वयाच्व्वंगु दु। वःगु २४ घण्टाया तथ्यांक कथं भारतय् ५५० म्ह कोरोना संक्रमणं सीगु दु। भारतय् जुन १७ य् छन्हस हे २ हजार ३ म्ह संक्रमितपि सीगु दु। भारतय् आःतक ८६ लाख ८३ हजार ९१६ म्हेसित कोरोना संक्रमण पुष्टि जुइ धुकुगु दु।

अथेहे अन सीपि १ लाख २८ हजार १२१ म्ह थ्यःगु दु। भारत विश्वय् कोरोना संक्रमित जुगु देय् या धलखय् निगु थासय् दु।