Display Style:
Column Style
अमेरिकाय् कोरोना संक्रमितपि ८० लाख स्वया अप्वोल
लहानान्युज | कौलाथ्व चतुर्थी ११४०,कार्तिक ४ मंगलवाः
अमेरिकाय् कोरोना संक्रमितपि ८० लाख स्वया अप्वो जुगु दु।
विश्व स्वास्थ्य संगठनया लिपागु तथ्यांक कथं अमेरिकाय् आःतक कोरानो संक्रमितपि ८० लाख १९ हजार २३७ म्ह थ्यःगु दु।
वःगु २४ घण्टाय् जक ५२ हजार ५०८ म्ह कोरोना संक्रमणपि पुष्टि जूगु दु।
विश्व स्वास्थ्य संगठनया कथं आःतक २ लाख १७ हजार ६५९ म्ह कोरोना संक्रमितपि सी धुकुगु दु।
लिपागु २४ घण्टाया दुने कोरोनाया कारण ५८८ म्ह संक्रमितपि सी धुकुगु दु।
हलियकं कोरोना संक्रमितपि ४ करोड थ्यनिन
कौलाथ्व चतुर्थी ११४०,कार्तिक ४ मंगलवाः | कौलाथ्व चतुर्थी ११४०,कार्तिक ४ मंगलवाः
हलियकं कोरोना संक्रमितपि ४ करोड न्ह्यने थ्यःगु दु।
विश्व स्वास्थ्य संगठनया तथ्याक कथं आःतक विश्वय् कोरोना संक्रमितपि ३ करोड ९९ लाख ४४ हजार ८८२ म्ह थ्यःगु दु।
वःगु २४ घण्टाया दुने ३ लाख ३८ हजार ९६ म्ह संक्रमितपि थपे जूगु दु।
कोरोनाया कारण हलियकं ११ लाख ११ हजार ९९८ म्ह संक्रमितपि सी धुकुगु दु।
भारतय् कोरोना संक्रमितपि ७५ लाख स्वया अप्वोल
लहानान्युज | कौलाथ्व चतुर्थी ११४०,कार्तिक ४ मंगलवाः
भारतय् कोरोना संक्रमितपि ७५ लाख स्वया अप्वो जुइ धुकुगु दु।
विश्व स्वास्थ्य संगठनया लिपागु तथ्यांक कथं आःतक भारतय् संक्रमितपि ७५ लाख ५० हजार २७३ म्ह थ्यःगु दु।
वःगु २४ घण्टाय् जक भारतय् ५५ हजार ७२२ म्हेसित कोरोना संक्रमण पुष्टि जूगु दु।
अथेहे उगु हे इलय् भारतय् ५७९ म्ह संक्रमितपि सी धुकुगु दु धका संगठनया तथ्यांकय् उल्लेख याःगु दु।
भारतय् कोरोना संक्रमण आःतक १ लाख १४ हजार ६१० म्ह संक्रमितपि सी धुकुगु दु।
इटालीइ कोरोनाया निक्वःगु लहर सुरु जुल
लहानान्युज | कौलाथ्व तृतिया ११४०,कार्तिक ३ सोमवाः
इटालीइ कोरोना भाइरसया सङ्क्रमण हाकन अप्वोया वःगु दु।
सङ्क्रमण अप्वाया वनेवं इटाली सरकारं लकडाउनया विकल्प मालेगु ज्या यासे न्हुगु प्रतिबन्धात्मक नियमया घोषणा याःगु दु। प्रधानमन्त्री जुसेपे कोन्तें हाकन लकडाउनया अवस्था वयेके मबिगु लागि प्रतिबन्धात्मक उपायय् लागू यायेगु धका धाःगु दु।
स्कुलया च्वयेगु कक्षाया विद्यार्थीपिन्त स्कूलय् ई कम यायेगु व फयाफतले छेँय् ने ब्बकेगु व्यवस्था मिले यायेगु, बार व रेस्टुरेन्ट चान्ह्यय् बन्द यायेगु, हुलमुल मयासे खुम्ह अप्वो जम्मा जुइ दइ मखु व स्थानीय सभा सम्मेलन व उत्सव याये दइ मखु।
इटाली लिपागु इलय् लगातार सङ्क्रमितपि अप्वोया वःगु दु। म्हिगः जक छन्हु हे ११७५ म्हेसित सङ्क्रमण पुष्टि जुगु दु। कोरोना भाइरसया महामारीया न्हापागु लहरय् युरोपय् दकलय् अप्वो प्रभावित जूगु देय् इटाली खः। आः कोरोना महामारीया निक्वःगु लहर सुरु जुगु दु।
इटाली नाप युरोपया मेमेगु देशय् न कोरोना सङ्क्रमण अप्वोया वना च्वंगु दु।
अमेरिकाय् कोरोना संक्रमितपि ७९ लाख ६६ हजार स्वया अप्वोल
रमित | कौलाथ्व तृतिया ११४०,कार्तिक ३ सोमवाः
अमेरिकाय् कोरोना संक्रमितपि ७९ लाख ६६ हजार ७२९ म्ह थ्यःगु दु। विश्व स्वास्थ्य संगठनं पिकाःगु लिपागु तथ्याक कथ २४ घण्टाय् ६९ हजार ८३४ म्ह कोरोना संक्रमण पुष्टि जुगु दु धका धाःगु दु।
विश्व स्वास्थ्य संगठनया लिपागु तथ्यांक कथं आःतक २ लाख १७ हजार ७१ म्ह कोरोना संक्रमितपि सी धुकुगु दु धका उल्लेख याःगु दु। वःगु २४ घण्टाया दुने जक कोरोनाया कारण ९९८ म्ह संक्रमितपि सी धुकुगु दु।
वःगु छु दिं निसे हाकन अमेरिकाय् कोरोना संक्रमितपि अप्वोया वना च्वंगु दु। अमेरिका कोरोनाया कारण विश्वय् दकलय् प्रभावित जूगु देय् खः।
