अमेरिकाय् कोरोना संक्रमितपि छगू करोड १२ लाख स्वया अप्वो जुगु दु।

अमेरिका विश्वयकं कोरोनाया कारण दकलय् अप्वो संक्रमित व सीपि न्हपा लागु देय् या धलखय् दु।

विश्व स्वास्थ्य संगठनया कथं आःतक अमेरिकाय् १ करोड १२ लाख ४९ हजार २२८ म्हेसित कोरोना संक्रमण पुष्टि जुइ धुकुगु दु।

वःगु २४ घण्टाय् जक १ लाख ६४ हजार ४४ म्हेसित कोरोना संक्रमित थपे जूगु दु।

संगठनया तथ्यांक कथं अमेरिकाय् आःतक २ लाख ४६ हजार ७४६ म्ह कोरोना संक्रमितपि सी धुकुगु दु। वःगु २४ घण्टाय् जक अमेरिकाय् १ हजार ५८२ म्ह संक्रमितपि सी धुकुगु दु।

भारतय् कोरोना संक्रमितपि ८९ लाख ५८ हजार ४८३ म्ह थ्यःगु दु।

विश्व स्वास्थ्य संगठनया कथं भारतय् वःगु २४ घण्टाया दुने ४५ हजार ५७६ म्ह संक्रमितपि थपे जुग दु।

वःगु २४ घण्टाया दुने ५८५ म्ह कोरोना संक्रमितपि सीगु दु।

थ्व नाप आःतक भारतय् कोरोनाया कारण सीपि १ लाख ३१ हजार ५७८ म्ह थ्यःगु दु।

भारत विश्वयकं कोरोना संक्रमित जुगु देय् या धलखय् निगु थासय् दु।

बिश्वयकं कोरोना संक्रमणया कारण सीपि १३ लाख ४४ हजार ३म्ह थ्यःगु दु।

विश्व स्वास्थ्य संगठनया कथं वःगु २४ घण्टाया दुने विश्वयकं ९ हजार ९८९ म्ह कोरोना संक्रमितपि सी धुकुगु दु।

अथेहे वःगु २४ घण्टाय् जक विश्वयक ५ लाख ९४ हजार ५४२ म्हेसित कोरोना संक्रमित जुइ धुकुगु दु।

आःतक कोरोना संक्रमितपि ५ करोड ५९ लाख २८ हजार ३२७ म्ह थ्यःगु दु।

वःगु २४ घण्टाया दुने विश्वयकं ५ लाख ९४ हजार ५४२ म्हेसित कोरोना संक्रमित जूगु दु।

विश्व स्वाथ्य संगठनया तथ्यांक कथं आःतक संक्रमितपिनिगु ल्याः ५ करोड ५९ लाख २८ हजार ३२७ म्ह थ्यःगु दु।

वःगु २४ घण्टाया दुने ९ हजार ९८९ म्ह कोरोना संक्रमितपि सीगु दु।

दक्षिण कोरियाय् मानवरहित हवाइ ट्याक्सीया परीक्षण याःगु दु।

पूर्वाधार व यातायात मन्त्रालयया कथं ६५० किलोया इलेक्ट्रिक हवाइ ट्याक्सीइ निगु सिट दु। ट्याक्सीं १३० किलोमिटरया गतिइ उडान भरे यायेफु धका धाःगु दु।

दक्षिण कोरियां हवाइ ट्याक्सीया परीक्षण याःगु थ्व निक्वःगु पटक खः। थुगु पटक खुगः हवाइ ट्याक्सी परीक्षण याःगु खः। उगु हवाइ ट्याक्सीयात चिनियाँ पाइलटलेस एयर ट्याक्सी फर्म इहाङं दयेकूगु खः।

ड्रोन ट्याक्सी कार्यक्रमं शहरी हवाइ गतिशीलता विकास व भूमिगत यातायातया भीड कम यायेगु उदेश्य खः।

अथेहे सहरी भागय् ट्राफिक व्यवस्थापनया लागि ग्वाहालि जुइगु भलसा काःगु दु। वःगु अप्रिलय् ७० किलो जाकिया बोरा नाप हवाइ ट्याक्सीया परीक्षण याःगु खः।