Display Style:
Column Style
‘ए बेबीज् मदर’ व ‘पामिला’ नं पिदन
लहनान्युज | दिल्लाथ्व चौथी ११३८ ( जुलाई १६ २०१८ )
वरिष्ठ उपन्यासकार भाषाथुवाः मथुरा साय्मिया पुलांगु उपन्यास “मचायामां” या अंग्रेजी अनुवाद “ए बेबीज् मदर” व उपन्यासकार राज साय्मिया सामाजिक उपन्यास “पामिला”या पितब्वज्या जूगु दु ।
येँय् जूगु छगू ज्याझ्वःया दथुइ वरिष्ठ भाषाविद् डा. तेजरत्न कंसाकारं उगु सपूmया पितब्वज्या यानादीगु खः । कविकेशरी चित्तधर हृदयया “सुगत सौरभ”अनुवाद यानादीम्ह डा. कंसाकारं नेवाः सभ्यता, संस्कृति, कला, साहित्ययात तब्याका यंकेगु नितिं नेवाः साहित्य, कृतिया अनुवाद जुइ माःगु खँय् बः बियादिल ।
ज्याझ्वलय् पितब्वज्या जूगु उपन्यासकार साय्मिया उपन्यासयात पत्रकार राजेन मानन्धरं अंग्रेजीभासं अनुवाद याना दीगु खःसा “पामिला” जासुसी उपन्यास च्वया वयाच्वना दीम्ह उपन्यासकार राज साय्मिया न्हापांगु सामाजिक उपन्यास खः ।
ज्याझ्वः कुतः पिकाकया ग्वसालय् जूगु खः ।
चित्तधर सिरपाः लःल्हात
नृपेन्द्रलाल श्रेष्ठ | तछलागा एकादशी ११३८ ( जुलाई ९ २०१८ )
नेपालभाषा परिषदया ग्वसालय् कविकेशरी चित्तधर हृदयया ११२ क्वःगु बुन्हिया लसताय् थौं सोमवाः छगु ज्याझ्वः दथुइ चित्तधर सिरपाः लःल्हाःगु दु ।
नेपालभाषाया साहित्य ख्यलय् तसकं प्रतिष्ठित सिरपाः व सम्मान कथं भाषा, साहित्य ख्यलय् ज्वःमदुग योगदान बियाच्वपिन्त भाषाथुवाः उपाधि बिइगु याना वयाच्वंगु खः । थसुगुसि साहित्यकार यज्ञरत्न धाख्वाःयात थुगु सम्मान देछाःगु खः ।
मूपाहाँ वाङमय शताब्दी पुरुष संस्कृतिविद् डा. सत्यमोहन जोशीं थौं उगु ज्याझ्वलय् सम्मानित जुयादीपिन्त हनापौ देछानादीगु खः ।
थौंया ज्याझ्वलय् डा. योगेन्द्र प्रधानयात चित्तधर सिरपाः, डा. पुष्पराज राजकर्णिकारयात ठाकुरलाल सिरपाः, लोचनतारा तुलाधरयात मोतीलक्ष्मी सिरपाः, अनिता तुलाधरयात केशवलाल बाखं सिरपाः व मोतिलक्ष्मी शाक्ययात पूर्णहेरा सिरपाः देछाःगु खः ।
परिषदया नायः प्रा. सुवर्ण शाक्यया सभानायःसुइ न्ह्याःगु उगु ज्याझ्वलय् रसियन सेन्टर अफ साइन्स एण्ड कल्चरया निर्देशक मय्जु लुलिया एन्ड्रोशोभा विशेष पाहाँ कथं झायादीगु खः ।
ज्याझ्वलय् थःगु नुगःखँ तयेगु झ्वलय् मूपाहाँ शताब्दी पुरुष जोशीं नेपालभाषा परिषदय् नेपालभाषाया साहित्य बिकास यायेत एकेदेमी माःगु बिचा वःगुलि हे चित्तधरया बिचाः कथं थौं नेपालभाषा एकेदेमी पलिस्था जुगु बिचा तयादीगु खः ।
मूपाहाँ शताब्दी पुरुष डा.जोशीं योगवीर सिंह कंसाःया काव्य कृति “योगमाया”या न पितब्वज्या यानादीगु खः ।
नविता बिजेश्वरी स्कूलया ब्राण्ड एम्बेसेडर
नृपेन्द्रलाल श्रेष्ठ | तछलागा षष्ठि ११३८ ( जुलाई ४ २०१८ )
नेपाःया टेविल टेनिस कासा ख्यलय् न्ह्यक्वःतक त्याका राष्ट्रिय किर्तिमान तयेत ताःलाम्ह नविता श्रेष्ठयात थौं छगु ज्याझ्वः दथुइ बिजेश्वरी माध्यामिक बिद्यालय न हने कथं ब्राण्ड एम्बेसेडर नियुक्त याःगु दु ।
वि.स. २०३७ सालय् पलिस्था जुगु थुगु स्कूलय् नविता श्रेष्ठं २०५१ निसे २०६३ तक ब्बःगु खः ।
थौ वयकःयात छगु लख नीन्याद्धः नगद विया दँछिया लागि ब्राण्ड एम्बेसेडर नियुक्त याःगु खः ।
सांस्कृतिक पत्रकारिता तालिम शुरु
नृपेन्द्रलाल श्रेष्ठ | तछलागा षष्ठि ११३८ ( जुलाई ४ २०१८ )
नेवाः पत्रकार राष्ट्रिय दबुया ग्वसालय् यल महानगरपालिकाया ग्वहालि थौं मूर्त व अमूर्त संपदा प्रवद्र्धनया लागि सांस्क ्राकार समाजया छेँय् थौ निसे स्वन्हु तक पत्रकारिता तालिम न्ह्याःगु
खः ।
तालिमया न्हापागु दिं बरिष्ठ पत्रकार प्राध्यापक रामकृष्ण रेग्मीं जात्रा, नखः चखः, बाखं, जीवन शैली, भजन लोकम्ये नाप सम्पदाया गुकथं बुखँया रिपोटिङ्ग यायेगु धका स्यनादीगु खः ।
दबुया महासचिव नाप तालिमया कजि सुनिल महर्जनं थुगु तालिम धुका सास्कृति व सम्पदा ख्यलय् आ रिपोटिङ्ग यायेगु ह्युपाः वइ धकाः बिचाः तयादील ।
पद्मरत्न तुलाधरया जंक्वया नितिं निर्देशन पुचः नीस्वन
लहनान्युज | तछलागा षष्ठि ११३८ ( जुलाई ४ २०१८ )
जाति, भाषा, मानव अधिकार, आदिवासी जनजाति व नागरिक आन्दोलनया न्ह्यलुवाः भाजु पद्मरत्न तुलाधरया ज्या जंक्वया लसताय् जुइगु नागरिक अभिनन्दन ज्याझ्वःयात व्यवस्थित यायेगु लागिं जाति भाषा आन्दोलनया न्ह्यलुवाःपिनिगु छगू निर्देशन पुचः नीस्वंगु दु ।
भाषासेवी, समाजसेवी लिसें उद्योगपति लक्ष्मीदास मानन्धरया अध्यक्षताय् ने.सं. ११३८ तछलागा षष्ठि (वि.सं. २०७५ असार २० गते) बुधवाः च्वंगु मुँज्यां उगु पुचः नीस्वंगु खः ।
पुचलय् जनकवि दुर्गालाल श्रेष्ठ, जनगायक भृगुराम श्रेष्ठ, नेवाः न्ह्यलुवाःपिं मल्ल के. सुन्दर, नरेशवीर शाक्य व ख्यालः स्यनामि गणेश साय्मि च्वनादीगु दु ।
निर्देशन पुचलं थ्वहे वइगु आइतवाः छगू तःजिगु भेला सःतुसें अभिनन्दन ज्याझ्वःया नितिं माःगु थीथी कवः व न्हियान्हिथं ज्या यायेत छगू सचिवालय नं नीस्वनेगु निर्णय याःगु दु ।
भाजु तुलाधरया ज्याःजंक्व थ्वहे वइगु गुंला (भाद्र १६ गते) य् लानाच्वंगु दुसा वय्कःयात नागरिक अभिनन्दन भाद्र २३ गते तःजिक याइगु जूगु दु ।
