Display Style:
Column Style
निम्ह गुरुपिन्त हन
नृपेन्द्रलाल श्रेष्ठ | चौलागा सप्तमी (अप्रिल ७ २०१८)
ज्यापु कल्याणकारी कोषया ग्वसालय् वंगु थौं शनिवाः परम्परागत त्वाःया गुरुपिं हनेगु झ्वलय् मूगुरुपिं असं त्वाःया कृष्णबहादुर महर्जन व ब्रम्हत्वाः नःबहाः, दगू दाफा खलःया मचाभाइ डंगोलयात ज्याझ्वःया मूपाहाँ येँँ मनपाया मेयर बिद्यासुन्दर शाक्यं हनादीगु दु ।
उगु ज्याझ्वलय् गुरुपिन्त ‘रत्न–आशा गुरु सिरपां’ नाप नगद १५००० तका लःल्हाना सम्मान यायेगु खः ।
पुख्र्योली पेशा बुँज्यां विमुख जुया वनेधुंकुपिं ज्यापु समुदायया भाषा, संस्कृतिया उत्थान यानाच्वनादिइपिं गुरुपिंन्त प्रोत्साहन विया सामाजिक ज्या याना वनेगु तातुना नीस्वंगु ज्यापु कल्याणकारी कोषया वार्षिक ज्याझ्वलय् थथे हनेगु ज्याःयाःगु खः ।
समुदायया निंतिं समर्पित जुयाः भाषिक सांस्कृतिक उत्थानया ज्याय् निरन्तर योगदान यानादिइपिं परम्परागत त्वाःया गुरुपिं मध्ये हरेक दँय् निम्ह गुरु हनेगु ज्याझ्वः दुगु व मेगु दँय् स्वंगु थप ज्याझ्वः हयेगु ग्वसाःदुगु कोषया छ्याञ्जे बाबुराजा महर्जननं जानकारी वियादिल ।
येँय् मनपाया मेयर विद्यासुन्दर शाक्यं गुरुपिन्त कदर पत्रविसें सम्मानयात धेवाय् तुलना यायेमज्यु धयादिसें स्थानिय सरकार वयेधुंका भाषा, संस्कृति व तजिलजिया ज्याय् महानगरपालिकां जोडविया वनेगु वचंविसें स्थानिय जनसमुदाय नं थुगु विषयस ध्यानतया वंगु खँय् थः लयेतानागु खँ कनादिल ।
मदुपिं रत्नमाया महर्जन व आशाकाजी महर्जनया नीगु लखं न्ह्यागु थुगु कोषं निम्ह गुरुपिन्त हना वया च्वंगु खःसा आ रत्न—आशा मय्जु सिरपा व छगु खलः पुचःयात रत्न—आशा खलः सिरपा बिइगु न ग्वसाः ग्वया तःगु दु ।
किपूया मेयर व हलिं नेवाः दबूया नायः दथुइ सहलह
लहनान्युज | चौलागा षष्ठी ११३८ (अप्रिल ६ २०१८)
हलिं नेवाः दबूया नायः सिजन श्रेष्ठ, डा. बालगोपाल श्रेष्ठ, श्रीलक्ष्मी श्रेष्ठ, दिव्य हाडा, शौभाग्य अमात्य, समिर महर्जनपिन्त किर्तिपुर नगर पालिकाका मेयर रमेश महर्जनं लसकुस यासे हनाबना याःगु दु ।
वय्क पिन्त नापलायेगु झ्वलय् सतक बिस्तार, स्मार्ट सिटि, बागमती करिडोर, फास्ट ट्रयाकं नेवाः तय्त विस्थापित याना वनाच्वंगु विषयस सहलह जूगु खः । किपुलिइ थीथी राजनैतिक घटनाया हुनी गैर नेवाः तय्गु ल्या अप्वया वना च्वंगुलिइ मेयर रमेश महर्जनं च्यूताः प्वंकादिल ।
नेपालभाषा, साहित्य, संस्कृतियात म्वाका तयेत व च्वन्ह्याकेया नितिं हलिं नेवाः दबूया व किपू नगरपालिका दथुइ दुग्यंक सहलह ब्याकाः फक्वचाक्व यानावनेगु खँय् मेयर महर्जन व दबूया नायः श्रेष्ठ दथुइ सहलह जुगु दु ।
उगु ज्याझ्वलय् बडा नं. २ या वडा अधक्ष्य रमेश मान डंगोल, कलाकार लक्ष्मी कुमार महर्जन, शाक्य सुरेन, पूर्ण बहादुर महर्जन, रत्न महर्जन, विकास महर्जन, पत्रकारपिं नजर राम महर्जन, रत्न मन व राजेन्द्र रञ्जितपिनिगु ब्वतिदुगु खः ।
बुखँ नेवाः सूचना केन्द्र
किपा राजेन्द्र रञ्जित
भाईकाजी तिवारीया पुत्ला च्याकल
नृपेन्द्रलाल श्रेष्ठ | चौलागा षष्ठी ११३८ (अप्रिल ६ २०१८)
काठमाडौं उपत्यका विकास प्राधिकरणया आयुक्त भाईकाजी तिवारीं नेवाःतय्त हेपेयाःगु आदिवासी जनजाति मखु धकाः अभिव्यक्ति ब्यूगु विरोधय् नेवाःतयेसं थौं शुक्रवाः सनिलय् असनं जुलुस पिकया ओमबहाः, खिचापुखू, बसन्तपू जुया असनयु क्वच्याकुगु दु ।
उगु जुलुस क्वचायेवं थायमदुं मसाल जुलुस न पिकाःगु दु ।
भाईकाजी तिवारी विरुद्ध जूगु जुलसया झ्वलय् थौं हे सनिलय् उगु जुलुस मरुइ थ्यंकाः भाईकाजी तिवारीया पुत्ला तकं च्याकूगु खः ।
किपा रबि महर्जन
आदिवासी जनजाति पत्रकार महासंघया खुक्वःगु तःमुँज्या
नृपेन्द्रलाल श्रेष्ठ | चौलागा षष्ठी ११३८ (अप्रिल ६ २०१८)
नेपाल आदिवासी जनजाति पत्रकार महासंघ(फोनिज)या खुक्वःगु तःमुँज्या येँयाभृकुटीमण्डपया महेन्द्र पुलिस क्लबय् मूपाहाँ उपराष्ट्रपति नन्दकिशोर पुनं छगु ज्याझ्वः दथुइ उलेज्या यानादीगु दुे ।
उगु ज्याझ्वलय् मूपाहाँ उपराष्ट्रपति पुनं आर्थिक अभावं याना यक्वो हें पत्रकारपि विदेश पलायन जुया च्वंगु दु धयादीसें गुलीं ला पेशा हे हिला यकुगु दु थःज्यागु ज्या दीके माःगु खँय् सम्बद्ध पक्षया ध्यानाकर्षण यानादीगु दु ।
मूपाहाँ उपराष्ट्रपति उपराष्ट्रपति पुनं पत्रकारिता धइगु आवाजविहीन आवाज धाःसा नेपालया सन्र्दभय् सच्छि दँ निसें राज्यसत्तापाखें उत्पीडित वर्ग व समुदायया सः यात सञ्चारमाध्यमं उचित प्राथमिकता बिइ माःगु खँय् बः बियादीगु दु ।
अथेहे उगुु ज्याझ्वलय् सूचना तथा सञ्चार प्रविधि राज्यमन्त्री गोकुल बास्कोटां प्रेस स्वतन्त्रता व छाडापन आधारभुत भिन्नता दगु बिचाः तयादीसें यः यः थें च्वय मजिगु धका नं धयादीगु ख । राज्यमन्त्री बा“स्कोटाले समावेशी सञ्चार नीतिको कार्यान्वयन गर्न सरकार तत्पर रहेको पनि बताउनुभयो ।
उगु ज्याझ्वलय् नेपाल पत्रकार महासंघका अध्यक्ष गोविन्द आचार्य, नेपाल आदिवासी जनजाति पत्रकार महासंघ(फोनिज)का अध्यक्ष डण्ड गुरुङ्गं नं थः थःगु नुँगः खँ तयादीगु खः ।
थौं व कन्ह्ये निन्हु यकं न्ह्याइगु उगु तःमुँज्याय्
फोनिजया ५८ जिल्लाया पार्षाद, फोनिजया आबद्ध च्यागु पत्रकार संगठन राई पत्रकार संघ, नेपाल मगर पत्रकार संघ, लिम्बु पत्रकार संघ, थारु पत्रकार संघ , नेवाः पत्रकार राष्ट्रिय दबू, शेर्पा सञ्चार समूह, तमु (गुरुङ्ग) सञ्चारकर्मी संघ, तामाङ्ग पत्रकार संघ याना नाप पर्यवेक्षक याना स्वसः व न्यय् म्हेसिया ब्बति काःगु दु ।
सफू सहकारीं हन
लहनान्युज | चौंलागा पंचमी ११३८ (अप्रिल ५ २०१८)
थौं नेपालभाषा सफू बहुउद्देश्यीय सहकारी संस्था लिमिटेडया ग्वसालय् वल्र्ड नेवाः अर्गनाइजेशनया दुजःपिन्त हना ज्याझ्वः याःगु दु ।
बरिष्ठ साहित्यकार मथुरा साय्मिया नायःसुइ न्ह्यागु ज्याझ्वलय् वल्र्ड नेवाः अर्गनाइजेशनया नायः सिजन श्रेष्ठ, डा. बालगोपाल श्रेष्ठ, दिब्य भक्त अमात्य, सौभाग्य हाडा, व श्रीलक्ष्मी श्रेष्ठपिन्त हःगु खः ।
बुखँ नेवाः सूचना केन्द्र
किपा राजेन्द्र रञ्जित
