Display Style:
Column Style
बाम गठबन्धनं ४३ पदय् राष्ट्रियसभाय् उम्मेदवारी बिइगु
लहनान्युज | पोहेलागा औंसी (जनवरी १७ २०१८)
एमाले व माओवादी केन्द्र दथ्यागु वाम गठबन्धनं राष्ट्रियसभाया ५६म्ह दुजलय् जुइगु निर्वाचनय् ४३ म्हेसिया मंकाः उम्मेदवारी बिइगु जुगु दु ।
निगु पार्टीया मंकाः कार्यदलया मुँज्यां थ थे निर्णय यागु खः । एमाले पाखें २९ म्ह माओवादी केन्द्र पाखें १४ म्हसिया राष्ट्रियसभायया दुजलय् उम्मेदवारी बिइगु क्वछिगु खः । बाँकि दुगु १३ म्ह दुजलय् धाःसा लिपा जकः क्वछिइगु न धाःगु दु ।
राष्ट्रियसभायय् प्रत्येक प्रदेशं स्वम्ह मिसा, छम्ह दलित व छम्ह अपांग जुम्ह वा अल्पसंख्य मनू नाप मेपि स्वम्हयाना च्याम्हसिया दुजःया ल्यःज्या जुइगु खः ।
राष्ट्रियसभाय् जम्मा ५९ म्ह दुजः दइ । बाकि दुगु दुजलय् छम्ह मिसा व स्वम्ह दुजः सरकारया सिफारिसय् राष्ट्रपतिं मनोनित यागु ब्यपस्था दु ।
सक्वय् लच्छियंक धलं दनिगु ः माधव नाराण मेला
लहनान्युज | पोहेलागा औसी ११३८ (जनवरी १६ २०१८)
दँय्दसं थें थुगुसी नं सक्वया नादी खुसी माधव नारायण स्वस्थानी धलं दनीगु ज्या पौष १७ गते सोमवाःनिसें निसि यानाः म्वः ल्हुयाः चि भ्वय् नया वयाः कन्हय् कुन्हुनिसें सुरु जूगु दु ।
मिला पुन्हिनिसें सि पुन्हितक लच्छियंक माधबनारायण स्वस्थानी धलं दनीगु झ्वलय् माधबनारायण द्यःया नापनापं नियमकथं जूपिं नेवाःत, गैरनेवाःत नं स्वस्थानी धलं दनीगु खः । छेँय् छेँय् च्वनाः स्वस्थानी धलं दनेगु नियम स्वयां बिस्कं अले थाकूगु नियमय् च्वनाः सक्वया नादी खुसि सिथय् धलं दनेगु ज्याझ्वः सक्वया मौलिक बिस्कं च्वनाः धलं दनेगु ज्या याना वःगु खनेदु ।
मिला पुन्हि छन्हु न्ह्यः सक्वया ज्योतिर्लिङ्गेश्वर महाद्यःया न्ह्यःने न्ह्यानाच्वंगु सुन्दरीघाट धइगु धलय् म्वः ल्हुयाः महाद्यःया दर्शन यानाः माधवनारायण द्यःयात किसलि छायाः जल कयाः धलं दनेगु सुरु याइ । उबलेनिसें नीसी यानाः व्यागलं क्वथाय् च्वनाः लच्छियंक लाकां मोजा तकं मथ्यूसें चि अमय भ्या मयासें सुथ न्हापं शंख पूवलकि सक्वं दनाः नादी खुसि सिथय् थ्यंक वनेमाः ।
मिजं धलं दनीपिं जक छन्हु न्ह्यः नीसी यानाः माधव नारायण द्यःनापं हे नादी खुसी सिथय् धलंपुलि द्यनाच्वंपिं दनाः नीसी यानाः माधब नारायण द्यःनापं नादी खुसी बिज्याकाः म्वः ल्हुकिबलय् मिसा मिजं सकलें छक्वलं म्वः ल्हुइगु ज्या याइ । नारायण द्यःयात आसनय् विज्याकीसा मिस्तय्सं द्यःयात लः पासः छानाः दर्शन भागी याइ ।
मिजंतय्सं लखय् म्हनापं दुनाः म्ह दुछिं दुं दनाः नारां द्यः भागी यानाः अष्टमातृका स्वस्थानी पीठ भागी याइ । सञ्चरवाः व एकादशी कुन्ह, श्रीपञ्चमी व लला सप्तमी कुन्हmु भिंद्यः, ससुद्यः व गंछि द्यःपिं थ्यंक म्हं दुं दनाः भागी याःवने माःगु नियम दुु ।
न्हिं छक्वः धलं दंकाः सक्वय् नारांद्यः बिज्याकाः सक्वय् देशं दुने पिने यंकाः सच्छि व च्याथाय् सहश्रजलधारा माधवनारायण द्यः दुगु कलशय् लः हाय्काः थीथी द्यःपिंत दर्शन याइसा मिस्तय्सं कलशय् लः छाय्गु याइगु खः ।
नेपाल नर्सिङ संघया आन्दोलन थौं न जारी
लहनान्युज | पोहेलागा औसी ११३८ (जनवरी १६ २०१८)
अधिकार सहितया नर्सिङ सेवा महाशाखा पुर्नस्थापना माग तया ंिझछःगु माग तया देँय् न्यकः न्ह्याना च्वंगु नेपाल नर्सिङ संघया आन्दोलन मदिक्क थौं न जुयाच्वंगु दु ।
थौं स्वया न्ह्यन्हु न्ह्यः हाकुगु पति चिना न्ह्याःगु आन्दोलन म्हिगः निसें न्हि स्व घौ तक यागु दु ।
सम्बन्धित निकाय नं स्वास्थ्य मन्त्रालय नं इलय् बिचाः मयासा नर्सिङ्ग ज्या थप यायेगु न धाःगु दु ।
पल्पसा बचतया गुक्वःगु साधारण सभा क्वचाल
लहनान्युज | पोहेलागा चतुर्दशी ११३८ (जनवरी १५ २०१८)
पल्पसा बचत तथा ऋण सहकारी संस्था लि. या प्यक्वगू अधिवेशन व गुक्वःगु क्वगू साधारण सभा क्वचागु दु ।
संस्थाया नायः नन्द किशोर शाहीया सभाधक्ष्यय् जुगु थुगु ज्याझ्वलय् पाहाँ कथं गितारिस्ट व संगितकार अनिल शाही, जे पी. प्रोजेक्टया अध्यक्ष भाजु पञ्चलाल महर्जन झायादीगु खः ।
न्हूगू ज्यासना पुचलय् नन्द किशोर शाही नायः जुयादीगु दु सा । अथेहे श्याम कृष्ण शाही न्वकु, सुरेश खड्गी छ्याञ्जे, मिलन शाही ल्यू छ्याञ्जे, सुरेन्द्र खड्गी दाँभरी जुयादीगु दुुसा दुजलय् न्हुच्छे रत्न शाही, अशोक शाही, भगवती शाही, किरन शाही, दिल बहादुर शाही, श्रीकृष्ण शाही जुयादीगु दु ।
उगु निर्वाचन मण्डलया नायः भाजु रमेश शाहीं ज्यासना पुचःयात सपथ नका दिइगु खः ।
उत्साहंजाःगु बूदिंया भिंतुना म्ये कासा
लहनान्युज | पोहेलागा चह्रे ११३८ (जनवरी १५ २०१८) |
पेजथ्री नेपालभाषा बाःछिपौया ग्वसालय् जुयाच्वंगु चेज बूदिंया भिंतुना म्ये कासाय् आःतक ६१ म्हसिन ब्वति काःगु दु ।
पौष १ गतेनिसें माघ ८ गते तक म्येया भिडियो अपलोड यायेत ई बियातःकथं माघ १ सुथय् तक ब्वति कयादीपिं प्राप्ति मानन्धर, रोशन श्रेष्ठ, नदिम शाक्य, तोषण शाक्य, हरिकृष्ण महर्जन, रेइना महर्जन, जयन्द्र ताम्राकार, संंजिव शाक्य, सजगता मानन्धर (५ दँ), सिद मानन्धर, शारदा श्रेष्ठ, दया बज्राचार्य, पुष्प मानन्धर, पुष्पराज शाक्य, मिनर्वा राजोपाध्याय, सचेतना मानन्धर, सुशीला मानन्धर, सब्ना बज्राचार्य, श्रीजना शाक्य, राजु बज्राचार्य (दथुलँ), रितु रोविनशन, अनिता महर्जन लूमिला, दिपेश महर्जन, विजयकुमार श्रेष्ठ, राजेन्द्र बज्राचार्य, लजना मानन्धर, रेशमा शाक्य, विपिन शाक्य, ज्ञानेन्द्रराज बज्राचार्य, सेटिश्फाइ महर्जन, नेवेरा बज्राचार्य, विगेन तुलाधर, विधान तुलाधर (१० दँ), सविन डंगोल, रुपा श्रेष्ठ न्याँछ्यों, लोकराज बज्राचार्य, रमा महर्जन, सुवि श्रेष्ठ, सुमन मानन्धर, राजु बज्राचार्य, सुरेन्द्रराज बज्राचार्य, ताराराम मुनकर्मी, रत्नशोभा बज्राचार्य, रत्न सम्भव शाक्य, रमेश महर्जन, राजिव योगल श्रेष्ठ, पुष्परत्न बज्राचार्य, प्रतिमा बज्राचार्य, मन्जिल शाक्य, निरोज महर्जन, किर्तिसुदन जोशी, ज्याक महर्जन, चिधिबाबु शाक्य, हेमरत्न शाक्य, विनय राजोपाध्याय, वीरेन्द्रमान शाक्य, चन्द्रदेवी शाक्य, वन्धुदत्त बज्राचार्य, भुपेन शाक्य, अमोघवीर बज्राचार्य, रविनशन कसाः खः । कासाय् ब्वति कायेगु नितिं अझं ८ न्हु ल्यं दनि ।
नेपालभाषाया ख्यलय् नेवाः म्येया प्रतियोगिता मजूगु तःदँ दयेधुंकूगु व बूदिंया भिंतुना म्ये कासां उकिया पूर्ति यासें ब्वति कायेगु नितिं अति अःपुगु सामाजिक संजालया माध्यम जूगुलिं नं थुकथं ब्वतिइ उत्साह खनेदुगु खः ।
स्मुल एपपाखें बाय् युट्युबलय् दुगु ट्रयाक हायका बूदिंया भिंतुना म्ये हालाः मोबाइलय् भिडियो रेकर्ड यानालि उकियात थःगु हे फेसबुक पेज दुने अपलोड यायेमाः । अपलोड जूगु भिडियोया लिंक कपि यानाः बुदिंया भिंतुना म्ये कासा पेजय् पेष्ट/पोष्ट यातकि कासामिकथं थुगु कासाय् दुथ्याइ । अनंलि स्वकुमिया ल्याः (views) अप्वयेकेगु नितिं कासामिपिन्सं अपिल यानाः सेयर याइ । माघ १ गते सुथय् तक न्हाप लानाच्वंम्ह सुमन मानन्धरया म्ये भिडियो स्वःगु ल्याः ५१००० सिबें अप्वयेधुंकूगु दुसा ल्यू लानाच्वंम्ह मन्जिल शाक्यया म्ये भिडियो स्वःगु ल्याः ३८००० सिबें अप्वयेधुंकूगु दु । लियांल्यू लानाच्वंम्ह अमोघवीर बज्राचार्यया स्वःगु ल्याः धाःसा २९००० सिबे अप्वल ।
दकले अप्वः भ्यूज दुगु भिडियो बाय् म्येहालामियात २४ इन्चया चेज लिड टेलिभिजन सिरपाकथं बीगु ग्वसाः खलःया धापू दुसा दकले बांलाम्ह म्येहालामियात २४ इन्चया चेज लिड टेलिभिजननापं छपु म्ये रेकर्डिङया सिरपा देछायेगु नं ग्वसाः खलकं धाःगु दु । नेपालभाषाया ख्यलय् बांलापिं म्येहालामिपिन्त दुतहयेगु नितिं थुगु कासाय् दुथ्याःपिं कासामि छम्ह सिबे अप्वः बांलापिं लुत धाःसा म्ये रेकर्डिङया सिरपाः तनेफइगु संकेत नं ग्वसाः खलकं ब्यूगु दु ।
न्हूगु प्रविधिया चेज टिभी वितरक गोल्मा कम्पनी प्रालिं प्रायोजन याःगु थुगु कासाय् आर्टोम्यूज रेकर्डिङ स्टुडियोपाखें म्ये रेकर्डिङया सिरपा सुरजवीर बज्राचार्यया च्वसाय् थुगुसी पेजथ्री अवार्ड त्याकादीम्ह जुगल डंगोलया संगीत व संगीत संयोजनय् थुगु हे रेकर्डिङ स्टुडियोय् म्ये रकर्डिङ जुइ ।
मंगल धूनय् सुरजवीर बज्राचार्यया सः व च्वसाय् रेकर्ड जूगु बूदिंया भिंतुना म्येया संगीत संयोजक नं जुगल डंगोल हे खःसा थुगु म्येया रेकर्ड नं आर्टोम्यूजय् हे जूगु खः ।
थुगु म्येहालामि बज्राचार्य थः जहान रमा बज्राचार्यया बूदिं लाकाः थुगु म्ये पिथंगु खःसा म्हो इलय् हे अतिकं लोकं नं ह्वाःगु खः ।
थुगु म्येय् बूदिं लाःम्हेसिया किपाः तयाः भिंतुनेगु, थुगु म्ये हाय्का सगं बीगु, सामाजिक संजालय् थुगु म्ये पोष्ट यानाः बूदिंया भिंतुना देछाय्गु जक मखःसे कभर म्ये हालामिपिंं नं आपालं खनेदयावःगु खः ।
म्ये पाेष्ट यायेगु नितिं budinya Bhintuna Mye Kasa https://www.facebook.com/Surajbir123
बूदिंया भिंतुना म्ये लिंक _ Budinya Bhintuna Song Link
https://youtu.be/yhc_-hmig44
https://youtu.be/2smu7eLz7Hg
बूदिंया भिंतुना काराओके ट्रयाक लिंक _ Karaoke Track Link
https://youtu.be/aSSny6sQaf8
कासाय् दुग्याःगु म्ये स्वयेगु नितिं जक
https://www.youtube.com/channel/UCk1bTrmCdgMx5zj4z_UN_nQ/playlists?view_as=subscriber
