वःगु २४ घण्टाया दुने विश्वयकं ५ लाख ९४ हजार ५४२ म्हेसित कोरोना संक्रमित जूगु दु।

विश्व स्वाथ्य संगठनया तथ्यांक कथं आःतक संक्रमितपिनिगु ल्याः ५ करोड ५९ लाख २८ हजार ३२७ म्ह थ्यःगु दु।

वःगु २४ घण्टाया दुने ९ हजार ९८९ म्ह कोरोना संक्रमितपि सीगु दु।

दक्षिण कोरियाय् मानवरहित हवाइ ट्याक्सीया परीक्षण याःगु दु।

पूर्वाधार व यातायात मन्त्रालयया कथं ६५० किलोया इलेक्ट्रिक हवाइ ट्याक्सीइ निगु सिट दु। ट्याक्सीं १३० किलोमिटरया गतिइ उडान भरे यायेफु धका धाःगु दु।

दक्षिण कोरियां हवाइ ट्याक्सीया परीक्षण याःगु थ्व निक्वःगु पटक खः। थुगु पटक खुगः हवाइ ट्याक्सी परीक्षण याःगु खः। उगु हवाइ ट्याक्सीयात चिनियाँ पाइलटलेस एयर ट्याक्सी फर्म इहाङं दयेकूगु खः।

ड्रोन ट्याक्सी कार्यक्रमं शहरी हवाइ गतिशीलता विकास व भूमिगत यातायातया भीड कम यायेगु उदेश्य खः।

अथेहे सहरी भागय् ट्राफिक व्यवस्थापनया लागि ग्वाहालि जुइगु भलसा काःगु दु। वःगु अप्रिलय् ७० किलो जाकिया बोरा नाप हवाइ ट्याक्सीया परीक्षण याःगु खः।

भारतय् कोरोना संक्रमितपि ९० लाख न्ह्यने थ्यःगु दु।

विश्व स्वास्थ्य संगठनया कथं आःतक भारतय् कोरोना संक्रमितपि ८९ लाख १२ हजार ९०७ म्ह थ्यःगु दु।

वःगु २४ घण्टाया दुने भारतय् ३८ हजार ६१७ म्ह संक्रमितपि थपे जूगु दु।

वःगु २४ घण्टाया दुने ४७४ म्ह कोरोना संक्रमितपि सीगु धका संगठन धाःगु दुु।

थ्व नाप आःतक भारतय् कोरोना सीपि १ लाख ३० हजार ९९३ म्ह थ्यःगु दु।

अमेरिकाय् कोरोना संक्रमितपि छगू करोड १० लाख स्वया अप्वो जुइ धुकुगु दु।

अमेरिका विश्वय् कोरोनाया कारण दकलय् अप्वो संक्रमित जुपि व सीपि देया धलखय् न्हापां दु।

विश्व स्वास्थ्य संगठनया कथं आःतक अमेरिकाय् १ करोड १० लाख ८५ हजार १८४ म्हेसित कोरोना संक्रमण पुष्टि जूगु दु।

वःगु २४ घण्टाय् जक १ लाख ५१ हजार २६६ म्हेसित संक्रमितपि थपे जुगु दु।

तथ्यांक कथं अमेरिकाय् आःतक २ लाख ४५ हजार १६४ म्ह कोरोना संक्रमण सी धुकुगु दु।

वःगु २४ घण्टाय् अमेरिकाय् ७५३ म्ह संक्रमितपि सीगु दु। 

कोरोना संक्रमणया कारण विश्वय् सीपिनिगु ल्याः १३ लाख ३३ हजार ७४२ म्ह थ्यःगु दु।

विश्व स्वास्थ्य संगठनया कथं वःगु २४ घण्टाया दुने विश्वय् ९ हजार २२० म्ह कोरोना संक्रमितपि सीगु दु।

थ्व नाप वःगु २४ घण्टाय् विश्वय् ५ लाख ३६ हजार २२४ म्ह कोरोना संक्रमित थपे जुगु दु।

आःतक कोरोना संक्रमितपि ५ करोड ५३ लाख २६ हजार ९०७ म्ह थ्यःगु दु।