Display Style:
Column Style
कोरोना सीपि १६ लाख स्वया अप्वो जुल
लहानान्युज | थिंलाथ्व द्धितीया ११४१, पुस १ गते
कोरोना संक्रमणया कारण विश्वन्यकं सीपि १६ लाख १८ हजार स्वया अप्वो जुइ धुकुगु दु।
विश्व स्वास्थ्य संठगनया तथ्यांक कथं आःतक १६ लाख १८ हजार ३७४ म्ह कोरोना संक्रमितपि सी धुकुगु दु ।
वःगु २४ घण्टाया दुने ८ हजार ४४३ म्ह कोरोना संक्रमितपि सी धुकुगु दु।
उगु हे इलय् ४ लाख ९६ हजार १५६ म्ह कोरोना संक्रमितपि थपे जुइ धुकुगु दु।
थ्व नाप आःतक विश्वन्यक कोरोना संक्रमितपि ७ कारोड १५ लाख ८१ हजार ५३२ म्ह थ्यःने धुकुगु दु।
राष्ट्रपतीय चुनावय् जो बाइडेन त्याःगु पुष्टि
रमित | थिंलाथ्व पारु ११४१, मंसिर २० मंगलवाः
अमेरिकी इलेक्टोरल कलेजया सदस्यपिन्स राष्ट्रपतीय चुनावय् जो बाइडेन त्याःगु पुष्टि जूगु दु।
थ्व नाप अमेरिकाय् राष्ट्रपति निर्वाचित जूम्ह जो बाइडेनयात त्याःगु औपचारिकताय् अन्तिम चरण थ्यःगु दुु। आः बाइडेनयात त्याःगु आधिकारिकता वःगु दु। वःगु नोभेम्बर ३ य् जूगु चुनावय् बाइडेनं ३०६ इलेक्टोरल मत काःगु खः।
वर्तमान राष्ट्रपति डोनाल्ड ट्रम्पं २३२ इलेक्टोरल कलेज मत काःगु खः। अमेरिकी प्रणाली कथं मतदातापिन्स इलेक्टोरल कलेजया लागि मत बिइ व उगु इलेक्टोरल कलेज सदस्यपिन्स राष्ट्रपतिया लागि मत बिइ। राष्ट्रपति ट्रम्पं धाःुसा चुनावी परिणाम स्वीकार याःगु मदुनि।
राष्ट्रपति ट्रम्पं चुनावय् धाँधली जूगु आरोप बिया वयाच्वंगु खः। तर अदालतं थुगु आरोपय् छु न सत्यता मदुगुलि उजुरी खारेज याःगु खः । राष्ट्रपति निर्वाचित बाइडेन नं आः वइगु जनवरी २० तारिखय् राष्ट्रपतिया लागि शपथ कायेत्यःगु खः ।
कोरोना सीपि १६ लाख स्वया अप्वोल
रमित | थिंलाथ्व पारु ११४१, मंसिर २० मंगलवाः
कोरोना संक्रमणया कारण विश्वन्यक सीपि १६ लाख स्वया अप्वो जुइ धुकुगु दु।
विश्व स्वास्थ्य संगठनया तथ्यांक कथं आःतक १६ लाख ८ हजार ६४८ म्हेसित कोरोना संक्रमितपि सी धुकुगु दु ।
वःगु २४ घण्टाय् जक ८ हजार ७२६ म्ह कोरोना संक्रमितपि सी धुकुगु दु।
उगु हे इलय् ५ लाख ७४ हजार ९६९ म्ह कोरोना संक्रमितपि थपे जूगु दु।
अमेरिकाय् छन्हु हे निगु लाख स्वया अप्वोसित सक्रमण
लहानान्युज | कछलागा त्रयोदशी ११४१, मंसिर २७ सनिवाः
अमेरिकाय् कोरोना संक्रमणया कारण वःगु २४ घण्टाय् आःतक हे दकलय् अप्वोसित संक्रमण पुष्टि जूगु दु।
विश्व स्वास्थ्य संगठनया तथ्यांक कथं वःगु २४ घण्टाय् जक हे आःतकया हे दकलय् अप्वो २ लाख ३० हजार ८५२ म्हेसित संक्रमण पुष्टि जूगु दु।
अमेरिकाय् कोरोना संक्रमितपि १ करोड ५२ लाख ३२०८ म्ह थ्यःगु दु।
तथ्यांक कथं वःगु २४ घण्टाया दुने ३ हजार ३९० म्ह कोरोना संक्रमित सीगु दु। अमेरिकाय् कोरोनाया कारण सीपि २ लाख ८७ हजार ३८४ ह थ्यःगु दु
।
बिश्वन्यकं कोराना सीपि १५ लाख स्वया अप्वोल
लहानान्युज | कछलागा दशमी ११४१, मंसिर २५ बिहीवाः
वःगु २४ घण्टाया दुने विश्वन्यकं १० हजार स्वया अप्वो कोरोना संक्रमितपिनिगु ज्यान वःगु दु।
विश्व स्वास्थ्य संगठनया कथं वःगु २४ घण्टाया दुने १० हजार १३२ म्ह संक्रमितपि सीगु दु ।
उगु हे इलय् ५ लाख ४६ हजार ७०३ म्ह संक्रमितपि थपे जूगु दु।
संगठनया कथं आःतक १५ लाख ५१ हजार २१४ म्ह कोरोना संक्रमितपि सी धुकुगु दु।
