Display Style:
Column Style
भारतय् कोरोना संक्रमितपि ६६ लाख स्वया अप्वोल
रमित | अनलागा ४ ११४०,असोज २० मंगलवाः
भारतय् कोरोना संक्रमितपि ६६ लाख स्वया अप्वो जुइ धुकुगु दु। भारतय् आःतक ६६ लाख २३ हजार ८१५ म्ह कोरोना संक्रमण पुष्टि जुइ धुकुगु दु धका विश्व स्वास्थ्य संगठनं धाःगु दु।
२४ घण्टाया दुने भारतय् ७४ हजार ४४२ म्ह कोरोना संक्रमण जुइ धुकुगु दु।
आःतक भारतय् कोरोना संक्रमणपि १ लाख २ हजार ६८५म्ह सी धुकुगु दु।
वःगु २४ घण्टाय् जक भारतय् ९०३ म्ह कोरोना संक्रमितपि सी धुबुगु दु धका विश्व स्वास्थ्य संगठनया तथ्यांकय् उल्लेख याःगु दु।
युरोपेली देशय् हाकन कोरोना सक्रमितपि अप्वोया वल
शोभा श्रेष्ठ | अनलागा ३ ११४०,असोज १९ सोमवाः
कोरोना भाइरस (कोभिड–१९) या कारण युरोपेली देशय् हाकन प्रभावित जुगु दु । निक्वःगु लहर सुरु जुइवं उगु देशय् थप प्रतिबन्ध घोषणा याःगु दु।
बेलायतय् शनिवाः जक छन्हु हे संक्रमितपि १२ हजार ८७२ म्ह थ्यःगु दु। यद्यपि प्राविधिक समस्याया कारण ल्याखाय् गुलिं द्धःगुु दु धका सरकारं दावी याःगु दु। शनिवाः सुथय् ९ बजे तकया तथ्यांक कथं बेलायतय् कुल संक्रमित ल्याः ४ लाख ८० हजार १७ पुष्टि जुगु खः।
उगु दिं फ्रान्सय् १६ हजार ९७२ म्ह संक्रमित जूगु खःसा नेदरल्यान्ड्सय् २४ घण्टाया दुने ३ हजार ९६७म्ह व बेल्जियमय् ३ हजार १७५ म्हेसित संक्रमित जुगु धका धाःगु दु। युरोपय् दकलय् अप्वो जनसंख्या दुगु रसियाय् ९ हजार ८५९ म्ह संक्रमित जुगु खः। थ्व धइगु जुन व मे लिपा हे दकलय् अप्वो खः।
बेलायतय् वःगु २४ घण्टाय् थप ४९ म्ह कोरोना संक्रमितपि सीगु दु। थ्व नाप बेलायतय् सीपिनिगु ल्याः कोरोनापाखे ४२ हजार ३१७ म्ह थ्यःगु दु। आःतक बेलायतय् ४ लाख ८० हजार १७ म्हेसितु कोरोना संक्रमण पुष्टि जूगु दु।
कोरोना भाइरस संक्रमण अप्वो जुइवं शनिवाः निसे नर्दन इंग्ल्यान्डया छु भागय् थप प्रतिबन्ध लागू याःगु दु। आ उगु थाय् लिभरपुल सिटी, हार्टलपुल, मिडल्सबरो व वारिंगटनय् छखाछेँय् मेगु
छेँय् या परिवार नाप लाये दइ मखु।
थुगु वाःया दुने न्यु क्यासल, नर्थ उम्बरल्यान्ड, गेट्सहेड, नर्थ टाइनसाइड, साउथ टाइनसाइड, सन्डरल्यान्ड व डरहाम काउन्टी नाप नर्थ वेल्सया प्यःगु थासय् थप प्रतिबन्ध याःगु दु। न्यु क्यासलया नर्थ उम्ब्रिया विश्वविद्यालय ब्वना च्वपि ७७० विद्यार्थीपिन्त कोरोना पोजिटिभ वःगु न्हुगु प्रतिबन्ध लागू याःगु खः।
फ्रान्सेली स्वास्थ्यमन्त्री ओलिभियर भेरानं पेरिसया अवस्था झन् खतरनाक जुगुलि हाकन लकडाउनया सम्भावना दुगु धका धाःगु दु।
पोल्यान्डय् शनिवाः २३६७ कोरोना सक्रमित पिहावःगु दु। अथेहे इटाली न शनिवाः अप्रिल २४ लिपा दकलय् अप्वो २८४४ न्हुपि सक्रमित पिहावःगु दु। जर्मनीइ न वःगु शुक्रवाः २६०६ पिहा वयेवं छु दिं न्ह्य जक जर्मन चान्सलर एन्जेला मर्केल नं थुगु दँय् अन्त्य तक थःगु देशय् न्हि १९ हजार स्वया अप्वो संक्रमण जुइ फइगुे चेतावनी बिःगु खः।
संक्रमण जुया वयेवं स्पेनया राजधानी म्याड्रिड हाकन लकडाउन याःगु दु धका धाःगु दु। अन जागिर, पढाइ व मेमेगु स्वास्थ्य सम्बन्धी ज्याबाहेक छेँ न पिहा मवेयत, खुम्ह अप्वोे जमघट मयायेत, बार रेस्टुरेन्ट १० बजे न्ह्यः हे बन्द यायेत व ग्राहक ५० प्रतिशत कम यायेत धाःगु दु।
स्पेनय् कोरोना भाइरस १५ मिनेटय् लिच्वः पिहावइगु पत्ता लगे जुल
लहानान्युज | अनलागा ३ ११४०,असोज १८ आइतवाः
स्पेनय् कोरोना भाइरस सङ्क्रमण जुगु वा मजूगु स्वयेगु १५ मिनेटय् सिइ दइगु पत्ता लगे जूगु दु।
निक्वःगु पटक कोरोनाया लहर सुरु जूगु स्पेनय् आः १५ मिनेटया दुनेय् हे कोरोना परीक्षणया लिच्वः वयेगु प्रविधि विकास जुुगु धका बीबीसी धाःगु दु।
थुगु लिच्वः ९५ प्रतिशत सही जुगु धका स्पेनया स्वास्थ्य अधिकारीपिन्स दाबी याःगु दु। आःतक ८ लाख १० हजारपिन्त कोरोना पुष्टि जुइ धुकुगु धका धाःग दु। अथेहे स्पेनय् आःतक ३२ हजार मनू सी धुकुगु दु।
स्पेनय् वःगु २४ घण्टाया दुने साढे ३ हजार न्हुपि सङ्क्रमित थपे जूगु धका धाःगु दु। अथेहे वःगु २४ घण्टाया दुने ११३ म्हेसिगु ज्यान वःगु दु।
भारतय् कोरोना संक्रमितपि ६४ लाख स्वया अप्वोल
मनिष | अनलागा ३ ११४०,असोज १८ आइतवाः
भारतय् कोरोना संक्रमणया कारण सीपि १ लाख स्वया अप्वो जूगु दु।
विश्व स्वास्थ्य संगठनया तथ्यांक कथं भारतय् आःतक १ लाख ८४२ म्ह संक्रमितपिनिगु ज्यान वने धुकुगु दु।
वःगु २४ घण्टाय् जक भारतय् १०६९म्ह कोरोना संक्रमितपि सीगु दु धका संगठनया तथ्यांकय् धाःगु दु।
वःगु २४ घण्टाया दुने ७९ हजार ४७६म्ह कोरोना संक्रमित थपे जूगु दु।
थ्व नाप आःतक भारतय् कोरोना संक्रमितपि ६४ लाख ७३ हजार ५४४म्ह थ्यःगु दु धका विश्व स्वास्थ्य संगठनं धाःगु दु।
२४ घण्टाय् विश्वयकं ८ हजार संक्रमितपि मन्त
मनिष | अनलागा ३ ११४०,असोज १८ आइतवाः
वःगु २४ घण्टाय् विश्वयकं कोरोनाया कारण ८ हजार ६७९ म्हेसिगु ज्यान वःगु दु। वःगु २४ घण्टाया दुने ३ लाख २० हजार ५२७म्ह संक्रमित थपे जूगु दु धका विश्व स्वास्थ्य संगठनं धाःगु दु।
आःतक विश्वयकं ३ करोड ४४ लाख ९५ हजार १७६म्हेसित कोरोना संक्रमण खनेदुगु दु।
आःतक विश्वय् १० लाख २५ हजार ७२९म्ह संक्रमितपिनिगु ज्यान वने धुकुगु दु धका विश्व स्वास्थ्य संगठनया तथ्यांकय् उल्लेख याःगु दु।
