Display Style:
Column Style
विश्वयकं सक्रमितपि ३ करोड ५३ लाख स्वया अप्वोल
मनिष | अनलागा ५ ११४०,असोज २१ बुधवाः
कोरोना संक्रमितपि विश्वयकं ३ करोड ५३ लाख स्वया अप्वो जुइ धुकुगु दु।
विश्व स्वास्थ्य संगठनया कथं आःतक विश्वयकं कोरोना संक्रमितपि ३ करोड ५३ लाख ४७ हजार ४०४ म्ह थ्यःगु दु।
वःगु २४ घण्टाया दुने २ लाख ३५ हजार ८६०म्ह संक्रमित थपे जुगु दु।
कोरोनाया कारण विश्वय् आःतक १० लाख ३९ हजार ४०६ संक्रमितपि सी धुकुगु दु।
भारतय् कोरोना संक्रमितपि कम जुया वयाच्वंगु दु
लहानान्युज | अनलागा ५ ११४०,असोज २१ बुधवाः
भारतय् कोरोना संक्रमितपि कम जुया वयाच्वंगु दु। वःगु छु दिं लिपा याःगु तथ्यांक कथं संक्रमण व सीपि कम जुया वया च्वंगु दु।
विश्व स्वास्थ्य संगठनया तथ्यांक कथं अक्टोबर १ निसे भारतय् कोरोना संक्रमण व सीपि क्वाहा वया च्वंगु दु। १ अक्टोबरय् ८६ हजार ८२१ म्ह संक्रमितपि २४ घण्टाया दुने थपे जुइ धुका वया लिपा २४ घण्टाय् ६१ हजार २६७ म्ह तक जुगु खः।
भारतय् छन्हु हे आःतक दकलय् अप्वो सेप्टेम्बर १७ य् ९७ हजार ८९७ म्ह कोरोना संक्रमित थपे जुगु खः। भारतय् आःतक संक्रमितपि ६६ लाख ८५ हजार ८२म्ह थ्यः ने धुकुगु दु।
भारतय् सीपि न कम जुया वया च्वंगु दु। अक्टोबर १ य् १ हजार १८१ संक्रमितपि सीगु खः। वया लिपा छु दिंनिसे २४ घण्टाय् ८८४ म्ह कोरोना संक्रमितपि सीगु खः।भारतय् आःतक दकलय् अप्वो जुन १७ य् २ हजार ३ म्ह संक्रमित मदुगु खः।
कोरोना संक्रमणया कारण भारतय् सीपि आःतक १ लाख ३ हजार ५६९म्ह थ्यःगु दु धका विश्व स्वास्थ्य संगठनया तथ्यांकय् उल्लेख याःगु दु।
विश्वयकं झीम्ह मध्ये छम्हेसित कोरोना सङ्क्रमण जुइफु
अनलागा ४ ११४०,असोज २० मंगलवाः
विश्वयकं झीम्ह मध्ये छम्हेसित कोरोना भाइरसया सङ्क्रमण जुइफुगु धका विश्व स्वास्थ्य संगठन डब्ल्यूएचओ न धाःगु दु।
महामारी नियन्त्रणया लागि विश्वयकं जुया च्वंगु कुतःया बारे सहलह यायेत स्वीट्जरल्याण्डया जेनेभाय् च्वंगु डब्ल्यूएचओया विशेष बैठकय् विश्वयकं झीम्ह मध्ये छम्हेसित कोरोना भाइरसया सङ्क्रमण जुइ फइगु निश्कर्ष पिकाकाःगु दु धक धाःगु दु। डब्ल्यूएचओ न विश्वयकं १० प्रतिशतय् कोरोना जुइ मफइगु अनुमान याःगु दु।
आः विश्वयकं स्वगू करोड ५४ लाख स्वया अप्वोसित कोरोना सङ्क्रमण पुष्टि जुगु दु। तर डब्ल्यूएचओ न सङ्क्रमितपिनिगु वास्तविक ल्याः ८० करोड न्ह्यने दुगु अनुमान याःगु दु। विज्ञपिन्स थ्व स्वया न्ह्य हे वास्तविक सङ्क्रमितपिनिगु ल्याः पुष्टि जुगु स्वया अप्व दुगु धका धया वयाच्वंगु खः।
विश्वया थीथी देशय् कोरोना सङ्क्रमण रोकथाम तथा नियन्त्रणया लागि याःगु लकडाउन व निषेधाज्ञा छ्वासुकूलि निक्वःगु लहर सङ्क्रमण सुरु जुगु दु।
विश्वय् कोरोना संक्रमितपि ३ करोड ५१ लाख स्वया अप्वोल
रमित | अनलागा ४ ११४०,असोज २० मंगलवाः
कोरोना संक्रमितपि विश्वय् ३ करोड ५१ लाख स्वया अप्वो जुइ धुकुगु दु।
विश्व स्वास्थ्य संगठनया कथं आःतक विश्वय् कोरोना संक्रमितपि ३ करोड ५१ लाख ९ हजार ३१७ म्ह थ्यःगु दु।
वःगु २४ घण्टाया २ लाख ९४ हजार ७६३ म्ह संक्रमित थपे जुगु दु।
कोरोनाया कारण विश्वयकं आःतक १० लाख ३५ हजार ३४१म्ह संक्रमितपि सी धुकुगु दु।
विश्वयकं सीपि १० लाख ३५ हजार स्वया अप्वोल
रमित | अनलागा ४ ११४०,असोज २० मंगलवाः
कोरोनाया कारण विश्वयकं सीपि १० लाख ३५ हजार स्वया अप्वो जुगु दु।
विश्व स्वास्थ्य संगठनया कथं आःतक विश्वय् कोरोनाया कारण सीपि १० लाख ३५ हजार ३४१ म्ह थ्यःगु दु।
वःगु २४ घण्टाय् ४ हजार ५२६म्ह संक्रमितपि सी धुकुगु दु।
अथेहे वःगु २४ घण्टाया दुने २ लाख ९४ हजार ७६३म्ह संक्रमितपि पिहा वःगु दु।
आःतक विश्वयकं कोरोना संक्रमितपि ३ करोड ५१ लाख ९ हजार ३१७ म्ह थ्यःगु दु।
