Display Style:
Column Style
भारतया पूर्व राष्ट्रपति प्रणव मुखर्जी मन्त
लहनान्युज | ञंलाथ्व १३ ११४०,भाद्र १५ सोमवाः
भारतका पूर्व राष्ट्रपति प्रणव मुखर्जी थौं सोमवाः ८४ दँय् मन्त ।
कोरोना भाइरस (कोभिड–१९) पाखे संक्रमित जुया च्वम्ह मुखर्जी थौं सोमवाः नयाँ दिल्लीया आर्मी आरआर अस्पतालय् मदुगु खः । उगु अस्पतालय् वयकःयागु मस्तिष्कया सर्जरी न याःगु खः ।
वःगु मंगलवाः निसे मुखर्जीयाःगु स्वास्थ्य अवस्था कमजोर जुया वनाच्वना खः । मंगलवाः चान्ह्यः वयात भेन्टिलेटरया ग्वाहालि वासः याना च्वंगु खः ।
वयकःया काय् अभिजित मुखर्जीं सामाजिक सञ्जाल ट्विटर पाखे मदुगु पुष्टि याःगु खः ।
मदुम्ह मुखर्जी सन् २०१२ निसे २०१७ तक भारतया राष्ट्रपति जुयादिगु खः । अथेहे सन् २००९ निसे २०१२ तक रक्षामन्त्री व सन् २००४ निसे २००६ तक विदेशमन्त्री जुयादिगु खः ।
भारतय् कोभिड १९ खोपय् मानव परीक्षण निक्वःगु चरण सुरु
लहनान्युज | ञंलाथ्व १३ ११४०,भाद्र १५ सोमवाः
भारतय् कोभिड–१९ भ्याक्सिन ’कोभ्याक्सिन’या मानव परीक्षणय् निक्वःगु चरण सुरू जूगु दु ।
न्युज एजेन्सी पीटीआइया कथं इन्स्टिट्युट अफ मेडिकल साइन्सेज (आईएमएस) व एसयूएम हस्पिटलय् ट्रायलया प्रिन्सिपल इनभेस्टिगेटर डा. ई वेंकट रावं थुकिया बारेय् जानकारी बिःगु दु ।
डा. रावं “ट्रायलं न्हापागु चरण आः न जारी दु । जिमिस याका हे निगु दोस्रो चरण सुरू यायेगु योजना दयेका च्वनागु दु धका धाःगु दु ।”
वयकलं भ्याक्सिन काइपिनिगु भोलेन्टियर्स (स्वयमुसेवी) या हिंया नमुना संकलन याये धुकगु दु व उकि एन्टिबडीया सन्दर्भय् भ्याक्सिन गुलि प्रभावकारी जुइ पत्ता लगे जुइगु जानकारी बिःगु खः ।
डा. रावं ट्रायलया न्हापागु चरणया भ्याक्सिनं छु न दुष्प्रभाव (साइड इफेक्ट) मक्यगु न दाबी याःगु दु ।
आईएमएस व एसयूएम हस्पिटल भ्याक्सिनं ह्यूमन ट्रायलया लागि भारतय् क्वछिना तःगु १२ मेडिकल सेन्टर दु । थ्व भ्याक्सिन हैदराबादया कम्पनी भारत बायोटेकं तयार याःगु खः ।
भारतया चर्चित गायिका लता मंगेशकर निवास सिल
लहनान्युज | ञंलाथ्व १३ ११४०,भाद्र १५ सोमवाः
भारतया चर्चित गायिका लता मंगेशकर च्वनेगु निवास सिल याःगु दु । कोरोना भाइरसया संक्रमण जुइ फइगुलि सावधानी अपने यायते बृहन्मुम्बई नगरपालिका निगम (बीएमसी) नं मंगेशकरया छेँ सिल याःगु खः ।
गायिका व वया परिवार सुरक्षित यायेत व महामारी विरुद्ध पूर्व सावधानी स्वरुप जक भवन सिल याःगु धका मंगेशकर परिवारया विज्ञप्ति जारी याःगु दु ।
उगु विज्ञप्तिइ, “जिमिसं प्रभाकुञ्ज (भवन) सिल याःगु जिज्ञासां जाःगु फोनक वया च्वंगु दु । छेँय् जिपि ज्येष्ठ नागरिकपि जक दुगुलि बिल्डिङ सोसाइटी व बीएमसीं महामारी संक्रमण जुइ न्ह्य हे माःगु सुरक्षाया सावधानी स्वरुप भवन सिल याःगु खः । सामाजिक दूरी कायम याये माःगुलि थुगुसिया गणेश पुजा न परिवारया सदस्य दथुइ साधारण रुपं हनाःगु खः ।”
नाप उगु विज्ञप्तिइ मंगेशकर परिवारया स्वास्थ्य अवस्थाबारे म्वाःगु व मखुगु खबर फैलै मयाये इनाप याःगु दु ।
भारतीय पूर्वराष्ट्रपति मुखर्जीया स्वास्थ्य समस्या वया च्वन
लहनान्युज | ञंलाथ्व १३ ११४०,भाद्र १५ सोमवाः
भारतया पूर्वराष्ट्रपति प्रणव मुखर्जीया स्वास्थ्य अवस्था झन् स्यना वना च्वंगु दु । वयात दिल्लीया सेनायाःगु अस्पतालय् भर्ना याना तःगु दु ।
अस्पतालं स्वंय् संक्रमणया कारण वयाःगु ‘सेप्टिक सक’ जुगु दु धका धाःगु दु । आर्मी रिसर्च एन्ड रेफरल हस्पिटलं जारी याःगु बयानय् छु दिंन्ह्य निसे प्रणव मुखर्जीया स्वास्थ्यय् समस्या वयाच्वंगुलि स्वंय् इन्फेक्सनया कारण ‘सेप्टिक सक’ जूगु दु धका धाःगु खः ।
अस्पतालं डाक्टरपिनिगु विशेष टोलीं वयागु वासः याना वयाच्वंगु खः । पूर्वराष्ट्रपति मुखर्जी आः कोमाय् भेन्टिलेटर ग्वाहालिं वासः याना वयाच्वंगु दु ।
अस्पतालय् वासः यायेगु झ्वलय् वयात कोरोना भाइरसया संक्रमण खनेदुगु खः ।
कोरोना संक्रमितपि हलियकं २ करोड ४८ लाख थ्यन
लहनान्युज | ञंलाथ्व १३ ११४०,भाद्र १५ सोमवाः
हलियकं कोरोना संक्रमितपि २ करोड ४८ लाख स्वया अप्वो थ्यःगु दु ।
विश्व स्वास्थ्य संगठनया कथं आःतक हलियकं कोरोना संक्रमितपि २ करोड ४८ लाख ५४ हजार १४० म्ह थ्यःगु दु धका धाःगु दु ।
कोरोनाया कारण हलियकं ८ लाख ३८ हजार ९२४ म्ह मदय् धुकल ।
