Display Style:
Column Style
विश्वयकं झीम्ह मध्ये छम्हेसित कोरोना सङ्क्रमण जुइफु
अनलागा ४ ११४०,असोज २० मंगलवाः
विश्वयकं झीम्ह मध्ये छम्हेसित कोरोना भाइरसया सङ्क्रमण जुइफुगु धका विश्व स्वास्थ्य संगठन डब्ल्यूएचओ न धाःगु दु।
महामारी नियन्त्रणया लागि विश्वयकं जुया च्वंगु कुतःया बारे सहलह यायेत स्वीट्जरल्याण्डया जेनेभाय् च्वंगु डब्ल्यूएचओया विशेष बैठकय् विश्वयकं झीम्ह मध्ये छम्हेसित कोरोना भाइरसया सङ्क्रमण जुइ फइगु निश्कर्ष पिकाकाःगु दु धक धाःगु दु। डब्ल्यूएचओ न विश्वयकं १० प्रतिशतय् कोरोना जुइ मफइगु अनुमान याःगु दु।
आः विश्वयकं स्वगू करोड ५४ लाख स्वया अप्वोसित कोरोना सङ्क्रमण पुष्टि जुगु दु। तर डब्ल्यूएचओ न सङ्क्रमितपिनिगु वास्तविक ल्याः ८० करोड न्ह्यने दुगु अनुमान याःगु दु। विज्ञपिन्स थ्व स्वया न्ह्य हे वास्तविक सङ्क्रमितपिनिगु ल्याः पुष्टि जुगु स्वया अप्व दुगु धका धया वयाच्वंगु खः।
विश्वया थीथी देशय् कोरोना सङ्क्रमण रोकथाम तथा नियन्त्रणया लागि याःगु लकडाउन व निषेधाज्ञा छ्वासुकूलि निक्वःगु लहर सङ्क्रमण सुरु जुगु दु।
विश्वय् कोरोना संक्रमितपि ३ करोड ५१ लाख स्वया अप्वोल
रमित | अनलागा ४ ११४०,असोज २० मंगलवाः
कोरोना संक्रमितपि विश्वय् ३ करोड ५१ लाख स्वया अप्वो जुइ धुकुगु दु।
विश्व स्वास्थ्य संगठनया कथं आःतक विश्वय् कोरोना संक्रमितपि ३ करोड ५१ लाख ९ हजार ३१७ म्ह थ्यःगु दु।
वःगु २४ घण्टाया २ लाख ९४ हजार ७६३ म्ह संक्रमित थपे जुगु दु।
कोरोनाया कारण विश्वयकं आःतक १० लाख ३५ हजार ३४१म्ह संक्रमितपि सी धुकुगु दु।
विश्वयकं सीपि १० लाख ३५ हजार स्वया अप्वोल
रमित | अनलागा ४ ११४०,असोज २० मंगलवाः
कोरोनाया कारण विश्वयकं सीपि १० लाख ३५ हजार स्वया अप्वो जुगु दु।
विश्व स्वास्थ्य संगठनया कथं आःतक विश्वय् कोरोनाया कारण सीपि १० लाख ३५ हजार ३४१ म्ह थ्यःगु दु।
वःगु २४ घण्टाय् ४ हजार ५२६म्ह संक्रमितपि सी धुकुगु दु।
अथेहे वःगु २४ घण्टाया दुने २ लाख ९४ हजार ७६३म्ह संक्रमितपि पिहा वःगु दु।
आःतक विश्वयकं कोरोना संक्रमितपि ३ करोड ५१ लाख ९ हजार ३१७ म्ह थ्यःगु दु।
भारतय् कोरोना संक्रमितपि ६६ लाख स्वया अप्वोल
रमित | अनलागा ४ ११४०,असोज २० मंगलवाः
भारतय् कोरोना संक्रमितपि ६६ लाख स्वया अप्वो जुइ धुकुगु दु। भारतय् आःतक ६६ लाख २३ हजार ८१५ म्ह कोरोना संक्रमण पुष्टि जुइ धुकुगु दु धका विश्व स्वास्थ्य संगठनं धाःगु दु।
२४ घण्टाया दुने भारतय् ७४ हजार ४४२ म्ह कोरोना संक्रमण जुइ धुकुगु दु।
आःतक भारतय् कोरोना संक्रमणपि १ लाख २ हजार ६८५म्ह सी धुकुगु दु।
वःगु २४ घण्टाय् जक भारतय् ९०३ म्ह कोरोना संक्रमितपि सी धुबुगु दु धका विश्व स्वास्थ्य संगठनया तथ्यांकय् उल्लेख याःगु दु।
युरोपेली देशय् हाकन कोरोना सक्रमितपि अप्वोया वल
शोभा श्रेष्ठ | अनलागा ३ ११४०,असोज १९ सोमवाः
कोरोना भाइरस (कोभिड–१९) या कारण युरोपेली देशय् हाकन प्रभावित जुगु दु । निक्वःगु लहर सुरु जुइवं उगु देशय् थप प्रतिबन्ध घोषणा याःगु दु।
बेलायतय् शनिवाः जक छन्हु हे संक्रमितपि १२ हजार ८७२ म्ह थ्यःगु दु। यद्यपि प्राविधिक समस्याया कारण ल्याखाय् गुलिं द्धःगुु दु धका सरकारं दावी याःगु दु। शनिवाः सुथय् ९ बजे तकया तथ्यांक कथं बेलायतय् कुल संक्रमित ल्याः ४ लाख ८० हजार १७ पुष्टि जुगु खः।
उगु दिं फ्रान्सय् १६ हजार ९७२ म्ह संक्रमित जूगु खःसा नेदरल्यान्ड्सय् २४ घण्टाया दुने ३ हजार ९६७म्ह व बेल्जियमय् ३ हजार १७५ म्हेसित संक्रमित जुगु धका धाःगु दु। युरोपय् दकलय् अप्वो जनसंख्या दुगु रसियाय् ९ हजार ८५९ म्ह संक्रमित जुगु खः। थ्व धइगु जुन व मे लिपा हे दकलय् अप्वो खः।
बेलायतय् वःगु २४ घण्टाय् थप ४९ म्ह कोरोना संक्रमितपि सीगु दु। थ्व नाप बेलायतय् सीपिनिगु ल्याः कोरोनापाखे ४२ हजार ३१७ म्ह थ्यःगु दु। आःतक बेलायतय् ४ लाख ८० हजार १७ म्हेसितु कोरोना संक्रमण पुष्टि जूगु दु।
कोरोना भाइरस संक्रमण अप्वो जुइवं शनिवाः निसे नर्दन इंग्ल्यान्डया छु भागय् थप प्रतिबन्ध लागू याःगु दु। आ उगु थाय् लिभरपुल सिटी, हार्टलपुल, मिडल्सबरो व वारिंगटनय् छखाछेँय् मेगु
छेँय् या परिवार नाप लाये दइ मखु।
थुगु वाःया दुने न्यु क्यासल, नर्थ उम्बरल्यान्ड, गेट्सहेड, नर्थ टाइनसाइड, साउथ टाइनसाइड, सन्डरल्यान्ड व डरहाम काउन्टी नाप नर्थ वेल्सया प्यःगु थासय् थप प्रतिबन्ध याःगु दु। न्यु क्यासलया नर्थ उम्ब्रिया विश्वविद्यालय ब्वना च्वपि ७७० विद्यार्थीपिन्त कोरोना पोजिटिभ वःगु न्हुगु प्रतिबन्ध लागू याःगु खः।
फ्रान्सेली स्वास्थ्यमन्त्री ओलिभियर भेरानं पेरिसया अवस्था झन् खतरनाक जुगुलि हाकन लकडाउनया सम्भावना दुगु धका धाःगु दु।
पोल्यान्डय् शनिवाः २३६७ कोरोना सक्रमित पिहावःगु दु। अथेहे इटाली न शनिवाः अप्रिल २४ लिपा दकलय् अप्वो २८४४ न्हुपि सक्रमित पिहावःगु दु। जर्मनीइ न वःगु शुक्रवाः २६०६ पिहा वयेवं छु दिं न्ह्य जक जर्मन चान्सलर एन्जेला मर्केल नं थुगु दँय् अन्त्य तक थःगु देशय् न्हि १९ हजार स्वया अप्वो संक्रमण जुइ फइगुे चेतावनी बिःगु खः।
संक्रमण जुया वयेवं स्पेनया राजधानी म्याड्रिड हाकन लकडाउन याःगु दु धका धाःगु दु। अन जागिर, पढाइ व मेमेगु स्वास्थ्य सम्बन्धी ज्याबाहेक छेँ न पिहा मवेयत, खुम्ह अप्वोे जमघट मयायेत, बार रेस्टुरेन्ट १० बजे न्ह्यः हे बन्द यायेत व ग्राहक ५० प्रतिशत कम यायेत धाःगु दु।
