Display Style:
Column Style
विश्वयकं सक्रमितपि ३ करोड ६३ लाख स्वया अप्वोल
रमित | अनलागा ८ ११४०,असोज २४ शनिवाः
कोरोना संक्रमितपि विश्वयकं ३ करोड ६३ लाख स्वया अप्वो जुइ धुकुगु दु।
विश्व स्वास्थ्य संगठनया कथं आःतक विश्वय् कोरोना संक्रमितपि ३ करोड ६३ लाख ६१ हजार ५४म्ह थ्यःगु दु।
वःगु २४ घण्टाया दुने जक बिश्वयकं ३ लाख ५० हजार ७६६म्ह संक्रमितपि थपे जूगु दु।
कोरोनाया कारण विश्वय् आःतक १० लाख ५६ हजार १८६म्ह संक्रमितपि मन्त।
२४ घण्टाय् भारतय् ७०४९६ म्ह संक्रमित
रमित | अनलागा ८ ११४०,असोज २४ शनिवाः
भारतय् कोरोना संक्रमितपि ६९ लाख ६ हजार १५१ म्ह थ्यःगु दु।
वःगु २४ घण्टाया दुने भारतय् ७० हजार ४९६ म्ह संक्रमितपि थपे जुगु दु धका विश्व स्वास्थ्य संगठनया तथ्यांकय् उल्लेख याःगु दु।
भारतय् कोरोना संक्रमणं याना सीपि १ लाख ६ हजार ४९०म्ह थ्यःगु दु।
वःगु २४ घण्टाय् जक भारतय् ९६४ म्ह संक्रमितपि मदये धुकुगु दु।
अमेरिकी राष्ट्रपति ट्रम्प याकन ज्याय् लिहावइगु
लहानान्युज | अनलागा ७ ११४०,असोज २३ शुक्रवाः
अमेरिकी राष्ट्रपति डोनाल्ड ट्रम्प आः वइगु वाःनिसे नियमित ज्याय् लिहावये त्यःगु दु।
कोरोना पोजेटिभ पुष्टि जुइवं आइसोलेशनय् च्वम्ह ट्रम्पं थःगु स्वास्थ्यय् खराबी वयेवं आः मेगु वाःनिसे नियमित ज्याय् लिहा वये त्यःगु दु धका डाक्टरं धाःगु दु।
उपचारय् संलग्न डाक्टर सिअन कानं राष्ट्रपति ट्रम्पं कोरोना सङ्क्रमणया छु न लक्षण खनेमदुगु व स्वास्थ्य अवस्था स्थिर जुगुलि नियमित ज्याय् लिहावये फइ धका धाःगु खः।
राष्ट्रपति ट्रम्प सङ्क्रमण पुष्टि जुगु झींन्हु लिपा सार्वजनिक ज्याझ्वलय् ब्बति काये फगु धका धाःगु दु। डाक्टरया थुगु धाःगु लिपा ट्रम्पं थौं हाकनं कोरोना परीक्षण यायेगु तयारी याःगु दु।
विश्वय् छन्हुया दुने दकलय् अप्वो ३ लाख ३८ हजार ७७९ म्ह कोरोना पुष्टि
रमित | अनलागा ७ ११४०,असोज २३ शुक्रवाः
विश्वयकं आःतक हे छन्हुया दुने दकलय् अप्वो ३ लाख ३८ हजार ७७९ म्ह कोरोना संक्रमण पुष्टि जुगु दु।
विश्व स्वास्थ्य संगठनया लिपागु तथ्याक कथं २४ घण्टाया दुने आःतक ३ लाख ३८ हजार ७७९ म्ह कोरोना संक्रमण पुष्टि जुगु खः।
थ्व स्वया न्ह्यः वःगु अक्टोबर २ कुन्हु ३ लाख ३० हजार ३४० म्हेसित कोरोना संक्रमण पुष्टि जुगु खः।
थ्व नाप आःतक विश्वयकं कोरोना संक्रमितपि ३ करोड ६० लाख २ हजार ८२७ म्ह थ्यःगु दु।
कोरोनाया कारण विश्वय् आःतक १० लाख ४९ हजार ८१० संक्रमितपि सी धुकुगु दु।
भारतय् कोरोना संक्रमितपि ६८ लाख ३५ हजार स्वया अप्वोल
लहानान्युज | अनलागा ७ ११४०,असोज २३ शुक्रवाः
भारतय् कोरोना संक्रमणं सीपि १ लाख ५ हजार स्वया अप्वो जुइ धुकुगु दु।
विश्व स्वास्थ्य संगठनया लिपागु तथ्यांक कथं आःतक भारतय् कोरोनाया कारण सीपि १ लाख ५ हजार ५२६ म्ह थ्यःगु दु।
वःगु २४ घण्टाया दुने भारतय् ९७१म्ह संक्रमितपि सीगु दु।
वःगु २४ घण्टाय् जक भारतय् ७८ हजार ५२४ म्ह संक्रमितपि थपे जुगु दु। थ्व नाप भारतय् कोरोना संक्रमितपि ६८ लाख ३५ हजार ६५५ म्ह थ्यःगु दु।
