Display Style:
Column Style
भारतय् १ हजार ५९ म्ह कोरोना संक्रमित मन्त
लहनान्युज | ञंलाथ्व ९ ११४०,भाद्र ११ बिहीवाः
भारतय् वःगु २४ घण्टाय् १ हजार ५९म्ह कोरोना संक्रमितपि सीगु दु ।
विश्व स्वास्थ्य संगठनया कथं आःतक भारतय् ५९ हजार ४४९ म्ह कोरोना संक्रमितपि सी धुकुगु दु ।
कोरोना संक्रमितपि आःतक भारतय् ३२ लाख ३४ हजार ४७४ म्ह थ्यmगु दु ।
वःगु २४ घण्टाय् जक भारतय् ६७ हजार १५१ म्ह न्हुपि संक्रमितपि पिहावःगु दु ।
भारत विश्वय् यक्क कोरोना संक्रमित पिनिगु धलखय् अमेरिका व ब्राजिल लिपा थ्यःगु दु ।
भारतय् लकडाउन क्वचाःगु लिपा कोरोना संक्रमण अप्वया वया च्वंगु दु ।
हलियकं छगू करोड ६६ लाख कोरोना सङक्रमणं थिक जुल
लहनान्युज | ञंलाथ्व ८ ११४०,भाद्र १० बुधवाः
हलियकं छगू करोड ६६ लाख मनूत कोरोना भाइरसया सङक्रमणपाखे थिक जूगु दु ।
वल्डोमिटरया कथं निगू करोड ४० लाख ४१ हजार सङक्रमण खने दुगु खःसा छगू करोड ६५ लाख ९० हजार मनूत वासः याका छेँय् लिहा वःगु दु । दकलय् अप्व ५९ लाख २४ हजार म्हेसित सङक्रमण जूगु अमेरिकाय् ३२ लाख ५१ हजार म्ह छेँय् लिहा वने धुकुगु दु । अमेरिकाय् जक छगू लाख ८२ हजार स्वया अप्व मनू तयेगु ज्यान वने धुुकुगु दु ।
हलियकं कोरोनाया कारण च्यागु लाख २२ हजार व प्यसः सिगु ज्यान वने धुकुगु दु । अथेहे भारतय् जक आःतक ३२ लाख ३१ हजार स्वया अप्वसित कोरोना सङक्रमण पुष्टि जुगुलि ५९ हजार व खुसःम्हेसिगु ज्यान वने धुकुगु दु ।
वःगु २४ घण्टाय् जक भारतय् ६६ हजार सङक्रमित जूगु दु सा एक हजार ६६ म्हेसिगु ज्यान वःगु दु ।
भारतय् कोरोनां सीपि ५८ हजार अप्व थ्यन
लहनान्युज | ञंलाथ्व ७ ११४०,भाद्र ९मंगलवाः
भारतय् कोरोना भाइरस (कोभिड–१९) पाखे सीपिनिगु ल्याः ५८ हजार स्वया अप्व थ्यःगु दु ।
भारतया स्वास्थ्य मन्त्रालयं बिःगु जानकारी कथं आःतक कोरोना भाइरसया कारण सीपिं ५८ हजार ३९० म्ह थ्यःगु दु । वःगु २४ घण्टाय् जक ८४८ म्ह सी धुकुगु दु धका धाःगु दु ।
भारतय् संक्रमित जूपि ३१ लाख ६७ हजार ३२४ म्ह थ्यःगु दु । वःगु २४ घण्टाय् भारतय् ६० हजार ९७५म्ह न्हुपि संक्रमितपि पिहावःगु दु ।
आःतक भारतय् न्ह्यःगु लाख ४३४८ म्हेसित कोरोना भाइरसका संक्रमितपि वासः याका छेँय् लिहा वने धुकुगु दु ।
भारतय् वःगु २४ घण्टाय् गूगू लाख २५ हजार ३८३ म्हेसिगु कोरोना भाइरसया नमुना परीक्षण याःगु खः ।
हङकङय् छम्हे मनूयाके निक्वः कोरोना भाइरसपाखे संक्रमित
लहनान्युज | ञंलाथ्व ७ ११४०,भाद्र ९मंगलवाः
हङकङय् छम्ह मनूयात निक्वः तक कोरोना भाइरसपाखे संक्रमित जूगु दु । थुगु घटनायात धाःसा बैज्ञानिकपिन्स संसारया हे न्हापागु घटना जूगुु दु धका धाःगु दु ।
उम्ह मनू ३० दँ दुम्ह न्हापागु पटक प्यला न्ह्यः कोरोनापाखे संक्रमित जूगु खः । विशेषज्ञया कथं छम्ह हे मनूयात निकः तक कोरोनापाखे संक्रमित जुइगु घटना दुर्लभ जुइ ।
हङकङ्ग विश्वविद्यालयया रिपोर्ट कथं उम्ह मनू कोरोना संक्रमण ठीक जुइ न्ह १४ दिं तक अस्पतालय् च्वना च्वंम्ह खः । संक्रमण थिक जुइ धुका छेँ लिहा वःगु खः । तर हाकन एयरपोर्टय् स्वास्थ्य जाँच याःगु इलय् निक्वःगु पटक कोरोना संक्रमण पुष्टि जुगु खः । उम्ह मनूयात कोरोना संक्रमणया छु न लक्षण मदुगु खः ।
लण्डन स्कुल अफ हाइजिन व ट्रपिकल साइन्सया प्रोफेसर ब्रेन्डन रेनया कथं कोरोना संक्रमण लिहा वइगु तसक दुर्लभ घटना खः थुकि सिइ दु भाइरसं ई कथं थःत ह्यूपाः हइ उकि भ्याक्सिन अत्यन्त जरुरी खः ।
वैज्ञानिकपि कथं सू मनूयाके कोरोना संक्रमण जुया ठिक जुइ वयागु म्हय् रोग प्रतिरोधात्मक क्षमता विकसित जुइ व भाइरसयात हानक लिथ्वइगुपाखे राके याइ ।
अय्न रोग प्रतिरोधात्मक क्षमता गुलि ताःहाकः तक जुइ धका धाःसा स्पष्ट जुगु मदु ।
अमेरिकां प्लाज्मा थेरापीया अनुमति बिल
लहनान्युज | ञंलाथ्व ६ ११४०,भाद्र ८ सोमवाः
अमेरिकां कोरोना संक्रमितपिनिगु वासः यायेगु लागि प्लाज्मा थेरापीयाःगु अनुमति बिःगु दु ।
राष्ट्रपति डोनाल्ड ट्रम्पं ह्वाइट हाउसय् छगू पत्रकार सम्मेलनयासे उगु खँया जानकारी बिःगु दु ।
कोरोना भाइरसयात ‘चिनियाँ भाइरस’ धाःसे ट्रम्पं थुगु मजबुत लडाइँया छगु ब्बः खँ धका धाःसे थुगु लडाइँपाखे यक्को जीवन जोगे याये फइ धका धाःगु दु ।
ट्रम्पं प्लाज्मा थेरापीपाखे सीपि ३५ प्रतिशत घटे याये फइगु अनुसन्धानपाखे सिइ दुगु धका धाःगु दु । उकि कोरोना संक्रमणपाखे लायेकेगु लागि प्लाज्मा दान यायेत आह्वान याःगु दु ।
अमेरिकी राष्ट्रपति ट्रम्पं कोरोना भाइरस विरुद्धया खोप याकन हे पिहा वइगु खँय् विश्वास प्वका दिगु दु ।
अमेरिकाय् हलियक स्वया दकलय् अप्व ५६ लाख ९९ हजार स्वया अप्व मनूत कोरोनापाखे संक्रमित जूगु दु । उकि मध्ये १ लाख ७६ हजार स्वया अप्व मनूत सी धूकुगु दु ।
