Display Style:
Column Style
बूूदिंया भिंतुना म्ये कासाय् ब्बति का पिन्त सुभाय् पौ लःल्हात
नृपेन्द्रलाल श्रेष्ठ | सिल्लागा तृतिया ११३८ (फ्रेअवरी ३ २०१८)
नेपालभाषाया ख्यलय् “बूूदिंया भिंतुना म्ये कासा (Cover Song Competiton) या फेसबुकपाखें म्ये दुथ्याकेगु ई माघ ८ गते क्वचाःगु दु ।थुगु कासाय् अमेरिका, क्यानाडा, नर्वे, मलेशिया लगायत थी थी देसं १२१ म्हसिनं ब्वतिकाःगु खः ।
पेज थ्री बाःछिपौया ग्वसालय् जुगु थुगु कासाय् दकले अप्वः ल्याः हये ताःलाम्ह मय्जु सुमन मानन्धरं २४ इन्चया चेज लिड टिभी छगः सिरपा त्याकादीगु खः ।
थौं हे छगु ज्याझ्वः यासें ब्बति कापि सकसित सुभाय् पौं मूपाँहा जनकवि दुर्गालाल श्रेष्ठं लःल्हानादीगु खः ।
कासाय् न्हाप ला म्हेसित २४ इन्चया चेज लिड टिभी छगः सिरपा नाप न्याम्ह बांलाःपिं (टप ५ म्येहालामि) म्येहालामिपिन्त आर्टोम्यूज रेकर्डिङ स्टुडियोपाखें संगीतकार जुगल डंगोलया संगीत, सुरजवीर बज्राचार्यया च्वसाय् नेपालभाषाया छपु न्हूगु म्ये रेकर्डिङया सिरपा देछायेगु जुगु ज्याझ्वः न दु ।
अथेहे थ्व हे वइगु चैत्र ९ गते पेजथ्री सनिलया नां नं ज्याझ्वः दु ।
थुगु सनिलय् नेपालभाषा लोकंह्वाःपिं कलाकारपिं वरिष्ठ म्येहालामि जुजुकाजी रंजित, निशा देसार, सरीता शाही, सतिष महर्जन, सानुबाबु महर्जन, भुपेन्द्र बज्राचार्य, रीतामहर्जन, सुरज ब्यञ्जनकार, रत्नशोभा महर्जन, दीपा महर्जन, पूर्णकाजी ज्यापु, रोजी श्रेष्ठ, विरज महर्जनपिन्सं म्ये ल्हालादीसा राजन शाही, मिनर्वा शर्मा राजोपाध्याय, आराध्यालक्ष्मी खड्गींपिन्सं हुलाप्याखं न्ह्यब्वयादी ।
छत्रपाटी निःशुल्क चिकित्सालयपाखें ग्वाहालि
नृपेन्द्रलाल श्रेष्ठ | सिल्लागा तृतिया ११३८ (फ्रेअवरी ३ २०१८)
छत्रपाटी निःशुल्क चिकित्सालयया अध्यक्ष बिजयबहादुर मालीं दोलखा नगरपालिका ५ ठुल्ढुङ्गा च्वम्ह ब्लड क्यान्सरपाखें पीडित १४ दँ दुम्ह मदन के.सीयात सिभिल अस्पतालय् वना न्यय् द्धः तकाया चेक लःल्हागु दु।
नापं भुखाचं पीडित धादिङ्गया तुलसी पाख्रिन तामाङ्गयात छेँ दयेकेत छत्रपाटी निःशुल्क चिकित्सालयया महासचिव जलकृष्ण श्रेष्ठं न्यय् द्धःतया ग्वहालि यागु दु ।
अरनिको समाजं चिनिया न्हूदँ हन
नृपेन्द्रलाल श्रेष्ठ | सिल्लागा तृतिया ११३८ (फ्रेअवरी ३ २०१८)
चिनिया न्हूदँ २०१८ बसन्त उत्सव (छुन्चिएको)या लसताय् अरनिको समाजं छगु बिशेष ज्याझ्वः या ग्वसाः ग्वंगु दु ।
चिनियाँ राष्ट्रपति सी चीन फिङं सन् २०१३ सेप्टेम्बर ७ य् कजाखस्थानया औपचारिक भ्रमणया इलय् न्हापांगुखुसि न्ह्यब्बगु छगु क्षेत्र छगू मार्ग (ओबोर) सम्बन्धी चिनियाँ अवधारणाया वृत्तचित्र नं उगु ज्याझ्वलय् न्ह्यब्वःगु खः ।
समाजया नायः सर्वोत्तम श्रेष्ठं नेपाः व चीनया सांस्कृतिक स्वापूयात बल्लाकेत अरनिको समाज छःगु ताँ जुया वनाच्वंगु धका नं जानकारी बियादीगु खः ।
उगु ज्याझ्वलय् प्रतिनिधिसभया सांसदपिं, नेपाः थी थी थासं स्थानीय जनप्रतिनिधि, नेवाः न्ह्यलुवाm व पत्रकार पिनिग् नं सहभागि दुगु खः ।
निन्हुया फोटोग्राफी तालिम क्वचाल
लहनान्युज | सिल्लागा पारु ११३८ (फ्रेअवरी १ २०१८)
प्रदेश न. ३ या मुख्य आधार धइगुु हे थन यलय् याःगु कला, संस्कृति व सम्पदा खः धकाः विवेकशील साझा पाटीया समानुपातिकया प्रदेशसभा सदस्यय् निर्वाचित जुयादीम्ह सांसद शोभा शाक्यं ताम्रकार समाजं ग्वसाग्वःगु सम्मान व निन्हुया फोटोग्राफी तालिमया समापन ज्याझ्वलय् धयादील ।
झींच्याम्हेसिया ब्बति कागु उगु निन्हुया फोटोग्राफी तालिमय् अष्ट्रेलियाय् व्यवसायिक फोटोग्राफी यानाच्वंम्ह प्रशिक्षक कृर्तन ताम्रकार बियादीगु खः ।
ताम्रकार समाजया नायः रविन्द्र राज ताम्रकारया सभाधक्ष्य जुगु उगु ज्याझ्वलय् सांसद शोभा शाक्य, प्रशिक्षक कृर्तन ताम्रकार, प्रशिक्षार्थी पाखें रुपक दास ताम्रकार, उपसमितिया संयोजक सजेश ताम्रकार पिन्सं थःथःगु नुँग खः तयादीगु खः ।
असनय् प्यचाःप्यांग्राया सवारीयात कया सहलह
नृपेन्द्रलाल श्रेष्ठ | सिल्लाथ्व पुन्हि ११३८ (जनवरी ३१ २०१८)
वंगु माघ २ गते निसें असनय् प्यचाःप्यांग्राया सवारी साधन निषेध यानाः ब्वलंगु समस्याया कया थौं असंया दुगंबहालय् छगू ज्याझ्वः जुगु दु । असं लागाय् च्वंगु झिंनिगू संस्थाया मंकाः ग्वसालय् जूग थुगुु ज्याझ्वलय् असनय् गाडी निषेधं ब्वलंगु समस्याया समाधान यायेत मंकाः सः या ज्याझ्वः जुगु ख ।
उगु ज्याझ्वलय् न्ववायेगु झ्वलय् असं लागाय् असनय् प्यचाःप्यांग्राया सवारी साधन निषेध जक समस्याया समाधान मखु धासें बँपसः चीकेमाःगु, पसःक्वः पिकयाः लँ अतिक्रमण जुयाच्वंगु दिकेमाःगु, पार्किङ्गया व्यवस्थापन जुइमाःगु खँ न्ह्य थःगु खः ।
उगु ज्याझ्वलय् थःगु खँ तयेगु झ्वलय् महानगरीय ट्राफिक प्रहरी महाशाखाया सहप्रवक्ता डीएसपी मुकुन्द मरासिनीं स्थानीय पिन्त समस्या वयेकेत थज्यागु ज्यायानगु मखु धयादीसें स्थानीय जनप्रतिनिधि नाप सहलह याना हे जक थुगु पला ल्ह्वनागु खः धयादील ।
ह्याउँ निभाः पुचःया अनुप सिं सुवालं न्ह्याकादीगु थुगु ज्याझ्वलय् येँ महानगरपालिका वडा न.२२ या वडा अधक्ष्य चिनीकाजी महर्जन न थःगु नुँगः खँ तयादीगु खः ।
थुगु ज्याझ्वः असन कमलाछी टोल सुधार समिति, असन त्यौड कुसुमबियालाक्षी टोल सुधार समिति, असन सेवा समिति, इन्द्रचोक क्लब, बालकुमारी खेल मण्डल, नरसिंह टोल सुधार समिति, भोताहिति बजार समिति, भोटाहिटी सेवा समाज, मछिन्द्र क्लब, लूनिभाः स्वास्थ्य केन्द्र इनबहाः व ह्याउँनिभाः पुचलं न्यागु बुदाया सरोकार व समस्या न्ह्यब्बगु खः ।
१. सवारी वयेवने दिकेवं हे स्थानीय ब्यापारीतय् न्हिथंया लजगा ज्याय् बनेज्यायेत माःगु सामान ल्ह्ययेत, मस्त ब्वनेकुथि वयेवनेत, अशक्त बुढाबुढीत जुइत तच्वकं थाकुया च्वंगु दु । थुकिया हुनिखं परम्परागत बजाः हे बिस्थापन जुइगु खतरा ब्वलंगु दु ।
२. लँय् ट्राफिक समस्याया मूहुनिं बँपसः हे खः । छुं नं सरकारी निकायसं दर्ता मदूगु, करया दायरां पिनेया बँपसः चिइकेगु पलेसा मानवीय जीवन लिसे तप्यंक हे स्वापू दुगु सवारी साधन हे बन्द याःगु ज्या थुइके थाकुया च्वंगु दु ।
३. स्थानीय बञ्जाःमिपिंसं पसःक्वः पिकानाः लँ अतिक्रमण यानाच्वंगुलिं नं लँय् जुइत थाकुयाच्वंगु दु ।
४. पार्किंगया माःकथं ब्यवस्थापन मजुयाः लँ अस्तब्यस्त जुयाच्वंगु दु ।
५. लँ ब्यवस्थापन प्रत्यक्ष स्थानीय जनतालिसे स्वानाच्वंगु खँ जूगुलिं छुं नं न्हूगु नियम ब्यवस्थापन यायेत स्थानीय जनतां लिसे दुग्यंक सहलह ब्याकाः सहमति कायेमाःगु खः ।
