Display Style:
Column Style
प्रदेशसभाय २ लय् मर्यादापालक तयेगु न्हुगु वसःया ब्यवस्था
लहनान्युज | सिल्लागा द्धादशी ११३८ (फ्रेअवरी १२ २०१८)
प्रदेश २ या प्रदेशसभाय् मर्यादापालक तयेगु न्हुगु वसःया निर्णय जुगु दु ।
प्रदेशसभाया न्हापांग् मुँज्या च्वंनय् न्ह्यः हे सर्वदलीयया मुँज्यां मर्यादापालक तयेसं दौरा सुरुवाल पुने मदइगु निर्णय याःगु खः । मर्यादापालक तयेसं थः यः थे लँ फिइ दइगु ब्यवस्था यागु दु ।
मिजं मर्यादापालक पिन्सं सर्टपाइन्ट स्वेटर व ज्याकेट नापं मिसा मर्यादापालक पिन्सं कुर्तासुरुवाः फिना मुँज्याय् थ्य.गु खः । म्हसिकाया निति मर्यादापालक तयेत ब्याचया ब्यवस्था याःगु खः ।
प्रदेश २ या प्रदेशसभाया कार्य व्यवस्था परामर्श समिति या थौंया मुँज्यां मर्यादापालकया ड्रेस कोर्डया निर्णय याःगु दु । मिजं मर्यादापालक तयेसं कफी कलरया सफारी सुट व मिसा मर्यादापालक तयेगु लागि परसीया ब्यवस्था याःगु दु ।
धर्मकीर्ति विहारय् अमेरिकी कवियित्री
लहनान्युज | सिल्लागा एकादशी ११३८ (फ्रेअवरी ११ २०१८)
धर्मकीर्ति विहारय् अमेरिकन बुद्धिष्ट कवि पिनिगु चिनाखँ बिषयस छगू प्रबचन ज्याझ्वः जूगु दु ।
धर्मकीर्ति विहारया नायः धम्मवती गुरुमांया सभाधक्ष्यय् न्ह्याःगु उगु ज्याझ्वलय् नेपालभाषा परिषदया इनापय् झायादीम्ह अमेरिकी कवयित्री विला सेनेबर्गं अमेरिकाय् च्वंपिं कविपिसंनं बुद्ध शिक्षाया प्रभावय् आपालं चिनाखँ च्वयातःगु दु नापं थौंकन्ह्य लोकंह्वानाच्वंगु हाइकु नं जापानी बौद्ध भिक्षु पाखें हे पलाःन्ह्याःगु खँ कनादिल ।
अमेरिकी कविपिसं च्वयातःगु हाइकु व चिनाखँ नं ब्वनाः न्यंकादीगु खः । ज्याझ्वलय् ब्वतिकयादीपिसं तयादीगु थी थी न्ह्यसःया लिसः नं वय्कलं बियादीगु खः ।
ज्याझ्वलय् मुँज्या नायः गुरुमानं पाहाँ कवियित्री मय्जुयात मतिनाया चिं लःल्हानाबिज्यासे हनाबना याःगु खः । गुरुमामं पञ्चशील प्रदान यानाबिज्याये धुंकाः कोषया ल्यूदांभरिं अरुण सिद्धि तुलाधरजुं ज्याझ्वः न्ह्याकादीगु उगु ज्याझ्वलय् छयाञ्जे प्रफुल्ल कमल ताम्राकारजुं लसकुस न्वचु बियादीगु खःसा दुजः नबिन चित्रकाराजुं कवियित्री सेनेबर्गजुया म्हसीका बियादीगु खः ।
बुद्धया जन्मभुमि नेपालय् वयाः बौद्धधर्मया चिनाखँयात कयाः सहलह यायेखनाः तसकं लय्तागु नापं नेपाः वयाः स्वनिगःया थीथी एतिहासिक स्थलत स्वयेखनाः तसकं लय्ताःगु खँनं कनादिल । कवियित्री सेनेबर्गजुया थुगु नेपाः भ्रमणया झ्वलय् खुगू ब्यागलंब्यागलं ज्याझ्लय् ब्वतिकयादिसे सहलह ब्याकादीगु खः ।
बुखँ नेवाः सुचना केन्द्र
(किपा सुरेश मान डंगोल)
शान्ति सुरक्षा त कया नागरीक सुनुवाइ
नृपेन्द्रलाल श्रेष्ठ | सिल्लागा दशमी ११३८ (फ्रेअवरी १० २०१८)
महानगरिय प्रहरी वृत जनसेवा, जनसेवा सामुदायिक केन्द्र व सामुदायिक प्रहरी सेवा केन्द्र महाकालस्थान येँया ग्वसालय् थौं येँ महानगरपालिका वडा न २० य् शान्ति सुरक्षा त कया छगु नागरीक सुनुवाइ ज्याझ्वः जुगु दु ।
स्थानीय मनू तयेसं बहनी लुटे याइपि सक्रिय जुया च्वंगु, लागु वासः या दुब्र्यसनी त गल्लीइ गल्ली वया हो हल्ला याना च्वंगु बिषयलय् ध्यानकर्षण याःगु खः ।
स्थानीय मनू तयेत लिसः बिइगु झ्वलय् महानगरीय प्रहरी वृत जनसेवाया प्रहरी नायब उपरिक्षक मोहनकुमार थापां येँ मनपा २० वडाय् शान्ति सुरक्षायात कया थः तसकं गम्भिर जुया दु धासें वडाया स्थानीयया सहलहयाना न्ह्यावनीगु जुइ धका धयादीगु खः ।
सामुदायिक सेवा केन्दया कार्यबाहक नायः बिकासभक्त श्रेष्ठया सभाधक्ष्य जुगु ज्याझ्वलय् येँ मनपा २० वडा अधक्ष्य राजेन्द्र मानन्धर, पुर्व वडा अधक्ष्य बिजय श्रेष्ठ, कुमारी जात्रा ब्यवस्थापन समितिया नायः गौतम शाक्यं नं २० वडाया शान्ति सुरक्षायात कया थः थःपिनिगु खँ तयादीगु खः ।
खुक्वःगु नेपाल मोडेल स्कुल विज्ञान प्रदर्शनी
सिल्लागा नवमी ११३८ (फ्रेअवरी ९ २०१८)
येँया वसुन्धराया नेपाल मोडेल स्कुलय् निन्हु यकें ‘ खुक्वःगु नेपाल मोडेल स्कुल विज्ञान, गणित, चित्रकला व सांस्कृतिक प्रदर्शनी —२०७४’ या ज्याझ्वः जुगु दु । उगु प्रदर्शनीया उलेज्या नेपाल विज्ञान व प्रविधि प्रज्ञा प्रतिष्ठान (नास्ट) या वरिष्ठ वैज्ञानिक डा. दीपेन्द्रदास मुल्मीं उलेज्या यानादीगु खः । उगु प्रदर्शनीया उलेज्याय् ड्रोन ब्बय्का याःगु खः ।
उगु ब्बज्याय् निगु दर्जन नं मल्याक वैज्ञानिकय् छ्यलगिु, निगु दर्जन न मल्याक गणितीय प्रयोग व स्वगुगु दर्जन ति चित्रकला व थी थी जातजातिया पहिचान म्ह्यय्ब्बइगु नाप यक्को हे सांस्कृतिक ज्याझ्वः न याःगु खः।
उग् प्रदर्शनीइ नेपाल मोडेल स्कुलया एकल प्रदर्शनी खः ।थुुगु प्रदर्शनी स्वयेत नीगु दर्जन स्वया अप्वो स्कूलया करिब १६०० म्ह ब्बमिपि, १५० म्ह शिक्षक व ५०० म्ह अभिभावकपिन्सशं ज्याझ्वलय् ब्बति काःगु खः ।
थःपिन्स ब्बनागु सैद्धान्तिक खँ छ्यला बुलाय् हयेगु बानीइ याये माःगु खँ कनादीसें प्राविधिक शिक्षाया प्रवर्धन व उत्प्रेरित यायेगुलि थज्यागु ज्याझ्वः नं ग्वाहालि जुइ धकाःस्कूलया प्रिन्सिपल डिल्लीराम ढुङ्गेलं लहनान्युजयात कनादीगु दु ।
‘नेपाल मण्डल पर्येतन नगरी’ ज्याझ्वःया उलेज्या
लहनान्युुज | सिल्लागा अष्टमी ११३८ (फ्रेअवरी ८ २०१८)
समृद्द नेपाल हाम्रो साझा उद्देश्य तथा अवधराना अनुरुप अभियानं थौं बिहिबाः स्वय्म्भुइ पुर्व प्रधानमन्त्री झलनाथ खनालं नेपाःयो राष्ट्रिय ध्वाय दुगु बेलुन ब्बयेका ‘नेपाल मण्डल पर्येतन नगरी’ ज्याझ्वःया उलेज्या यानादीगु दु ।
थ्व हे वं गु माघ १५ गते निसें अभियानं येँय् नं नेपाल मण्डल पर्यटन महोत्सव सार्वजनिक समारोह न्ह्याकुगु दु ।
फागुनया न्हापांगु वाः य् – नागर्जुनय् संचार उत्सव
निगुगु वाः य् ( स्वनिगः दुने साइकल उत्सव व अध्यन उत्सव
स्वःगु वाः य्े ( ककनी होमस्टे उत्सव )
प्यःगु गु वाः य् ( किपा ब्बज्या )
चैत या न्हापांगु वाः य् ( फुलचोकीइ साहित्यीक उत्सव)
निगुगु वाः य् ( चर्द्रागिरीइ कला उत्सव)
स्वंगुगु वाः य् ( दहचोकय् सास्कृतिक उत्सव)
प्यंगुगु वाः य् (शिवपुरी पर्व ,कटुवाल दह ,चोबार, सुन्दरीजल बागद्वार व बागमती पर्व
बैशाखया न्हापांगु वाः य् ( पशुपति ,बौध्द ,तारेभिर शिवपुरी म्याराथुन दौड
निगुगु वाः य् ( बुध्द जयन्तीया लसताय् लुम्बिनी ,स्वयम्भु ,बौध्द ,नमोबुध्द ,शान्ति उत्सव
स्वंगुगु वाः य् ( नगरकोट चिसापानी ,नगरकोट गोसाई कुण्ड उत्सव
अभियान संयोजक कृष्ण के सीं ज्याझ्वः बारे कनादीगु खः ।
स्वनिगः दुने थु पि न्यागु थासय् सम्पदा थाय् कथं ल्यःगु दु
१ चन्द्रागिरि चम्पादेवी पर्येतन नगरी
२ फुलचोकी लाकुरी भञ्ज्याङ पर्येतन नगरी
३ नगरकोट जर्सिहापौवा पर्येतन नगरी
४ शिवपुरी ककनी पर्येतन नगरी
५ जामाचो नागर्जुन ,येङ्किदह पर्येतन नगरी ।
