Display Style:
Column Style
नातिबज्र विशेष ल्याः पिदन
लहनान्युज | चिल्लाथ्व तृतिया ११३८ (फ्रेअवरी १८ २०१८)
नेपालभाषाया नां जाम्ह साहित्यकार नातिबज्र बज्राचार्यया साहित्यिक च्वसु दुथ्यागु नातिबज्र विशेष ल्याः पितब्वज्या इलोहं प्रकाशन व नःलि साहित्यिक लय्पौया ग्वसालय् जूगु दु ।
येँया दगुबहालय् जूगु उगु ज्याझ्वलय् मूपाहाँ उपन्यासकार मथुरा सायमिं साहित्यकार नातिबज्र बज्राचार्ययात हनापौ लःल्हाःगु दुसा, मुँज्या नायः नरेश वीर शाक्यं दोसल्लां न्येकाः हना दीगु खः ।
ज्याझ्वलय् नेपालभाषाया थीथी विधाया साहित्यकारपिसं ब्वतिकयादीगु खः । नुगःखँ तयेगु झ्वलय् मूपाहाँ सायमिं नेपालभाषा ख्यलय् नातिबज्र ज्वःमदुम्ह नेपालभाषा साहित्यया नितिं समर्पित त्यागिम्ह व्यक्तित्व जूगु व नातिबज्रं नेपालभाषाया सफू मुंकेगु व मिइगु महत्वपूर्ण ज्याय् जीवन पाना च्वंम्ह जूगुलिं वय्कःयात हनेगु थुगु ज्या अतिकं च्वछाये बहःगु ज्या जूगु खँ कनादिल ।
नातिबज्रया योगदानयात राष्ट्रं हे हनेमाःगु खः, तर आःतक्क राष्ट्रया मिखा मवंनिगुलिइ मगाःमचाः प्वंकादीगु दु । नातिबज्रया हनाबना कथं नातिबज्र विशेष ल्याः निगू अंक पिथंगु लसकुस यायेबहःगु खँ नं कनादिल ।
अथेहे उगु ज्याझ्वलय् माणिक रत्न उराय्या ‘दोहलपा’ बाखं मुना रमा कर्णजितं खसभाषं भाय्हिलादीगु सफू मूपाहाँ सायमिं पितब्वया यानादीगु खः ।
ज्याझ्वलय् इलोहं प्रकाशनया दर्शनबीर शाक्यं लसकुश यानादीगु खःसा शशीकला मानन्धर न्ह्याकादीगु ज्याझ्वलय् साहित्यकार प्रमिला बज्राचार्य, किरण केन रञ्जित लगायतपिसं नुगः खँ तयादीगु खः ।
बुखँ नेवाः सुचना केन्द्र
किपा राजेन्द्र रंजित
विहारया सहलह ज्याझ्वः
लहनान्युज | चिल्लाथ्व दुतिया ११३८ (फ्रेअवरी १७ २०१८)
धर्मकृति विहार संरक्षण कोषया ब्वनाय् झायादीम्ह युनिभरसिति अफ वार्सअ (University Of Warsaw, Poland) या विद्वान प्रो.डा. मरेक मयेर एचया Prof. Dr. Marek Mejor पाखें द हेरितेज अफ नालान्दा युनिभर्सिटि “The Heritage site of Nalanda University विषयस सहलह ज्याझ्वः जूगु दु ।
विहारया ग्वसालय् जूगु उगु ज्याझ्वलय् मुँज्या नायः धम्मावति गुरुमां पाखें डा. मेरक मयेरयात लुमन्ति चिं लःल्हागु खः ।
प्रो. डा. संस्कृत व पालीभाषाया ज्ञाता नापं बौद्धदर्शन अभिधर्मया ज्ञाता नं खः ।
न्वचू तयेगु झ्वलय् मयेरं थौंकन्ह्य नालन्दा विश्वविद्यालय हा
नं नालन्दा विहार कथं न्ह्यानाच्वंगु खँ कनादिल ।
नं नालन्दा विहार कथं न्ह्यानाच्वंगु खँ कनादिल । थःयात नेपालय् लसकुस याःगु खनाः मयेर थः तसकं लयताःगु खँ नं कनादिल ।
ज्याझ्वः विहारया छ्याञ्जे प्रफल्ल मान ताम्राकारं न्ह्याकादीगु खः ।
बुखँ नेवाः सूचना केन्द्र
लोकगायक रत्न बेहोशीया जहान चन्द्रमाया मन्त
ने. सं. ११३८ चिल्लाथ्व पारु । २०७४ फाल्गुण ४ । फेब्रुअरी १६, २०१८
नेपालभाषा साँगितिक ख्यलय् विशिष्ट योगदान यानादिम्ह लोक गायक एवं बरिष्ठ संगीतकार रत्न बेहोशीया ६५ दँया जहान चन्द्रमाया बज्राचार्यजूया देहावसानं सकल नेपालभाषा संगीतप्रेमीपिनित शोकाकूल यानाब्यूगु दु ।
शुक्रवाः बहनी ८ः१५ बजे देहत्याग यानादिम्ह थम्ह जहानया पशुपति आर्यघाटय् अन्तिम संस्कार जुइगु जानकारी लोक गायक बेहोशीयापाखें वरिष्ठ कलाकार एवं संचारकर्मी सुरज ब्यञ्जनकारं जानकारी बियादिइगु दु ।
क्यान्सर ल्वय्या उपचार यानाच्वनादिम्ह लोकगायक रत्न बेहोशीया जहान भक्तपुर क्यान्सर अस्पतालय् उपचारया झ्वःलय् देहत्याग यानादिइगु खः । स्वर्गीय चन्द्रमाया बज्राचार्यया सुपुत्र आनन्द बज्राचार्य व चेतन बज्राचार्य व भौमचा प्रशंसा बज्राचार्य, म्ह्याय् मुनु बज्राचार्य लिसें छय्पिं अञ्जली, सुमन र आशा बज्राचार्य खः ।
न्हापा थः काय् इलं मत्यवं मदयावंगु इलय् नं दाहसंस्कार तत्काललिपा नेपालभाषा सांगीतिक ज्याझ्वःलय् न्ह्यज्यानादिम्ह लोकगायक बेहोशीजु नापं परिवारजनयात थुगु घटनापाखें वःगु तढंगु दुःख सामना यायेत धैर्यताया कामनालिसें दिवंगत आत्माया चीर शान्तियानितिं कलाकारिता ख्यःनापं संलग्न सकसिनं कामना याःगु दु ।
फोटो एवं समाचार श्रोत ः सुरज ब्यञ्जनकार
मिडिया फेस्टिभलय् ग्वाहालि यापिन्त सुभाय् पौ लःल्हात
नृपेन्द्रलाल श्रेष्ठ | चिल्लाथ्व पारु ११३८ (फ्रेअवरी १६ २०१८)
नेवाः पत्रकार राष्ट्रिय दबूलिं थौं छगु वाङमय शताब्दी पुरुष संस्कृतिविद् लिसें न्हापांम्ह समावेशी पत्रकार डा. सत्यमोहन जोशीया छेँय् ‘न्हापांगु मिडिया फेस्टिभल ११३८’ समापन ज्याझ्वः याःगु दु ।
दबूया ग्वसालय् वंगु पुष २२ गते यल लायकूया भण्डार क्यबय् जूगु ‘न्हापांगु मिडिया फेस्टिभल ११३८’ या ज्याझ्वलय् थी थी कथं ग्वाहालि यापिन्त सुभाय् पौ वाङमय शताब्दी पुरुष संस्कृतिविद् समावेशी डा.सत्यमोहन जोशी लः ल्हानादीगु खःसा दबूया नायः श्रीकृष्ण महर्जन खादा न्यकादीगु नाप दबूया सल्लाहकार बरिष्ठ सिने पत्रकार बिजयरत्न असंबरे मतिनाया चिं लःल्हानादीगु खः ।
मूपाहाँ सत्यमोहन जोशीं नेवाः पत्रकार राष्ट्रिय दबूलिं नेवाः साहित्ययात अन्तर्राष्ट्रिय क्षेत्रतक थ्यंकेत ग्वाहालि यायेमाःगु धकाः विचाः तयादीगु खः । अ
थेहे ‘न्हापांगु मिडिया फेस्टिभल ११३८’या कजि सुरेन्द्रभक्त श्रेष्ठ व ल्यु कजि राजेश बज्राचार्य नं फेस्टिभलया थःथःगु नुँगः खँ तयादीगु खः ।
दबूया नायः श्रीकृष्ण महर्जनया सभाधक्ष्य जुगु उगु ज्याझ्वलय् मूछ्याञ्जे सुनिल महर्जनं लसकुस यानादीगु खः ।
फोरमं खुम्ह समानुपातिक सांसद ल्यंगु दु
लहनान्युज | सिल्लागा द्धादशी ११३८ (फ्रेअवरी १२ २०१८)
संघीय समाजवादी फोरम नेपालं प्रतिनिधिसभाय् खुम्ह समानुपातिक सांसद ल्यंगु दु ।
फोरमया सहअध्यक्ष राजेन्द्र श्रेष्ठयात नं समानुपातिक सांसद ल्यंगु दु । नाप मेपि समानुपातिक सांसद सरिता गिरी, रेणु यादव, कलुदेवी विक, रेणुका गुरुङ व रुही नाजयात न ल्यगु खः ।
प्रत्यक्षपाखे फोरम झीगु सिट त्याकुगु खः । अथेहे फोरम समानुपातिकपाखे खुुगु सिट कायेत ताःलागु खः । खुगु मध्यय् न्यागु सिट मिसापिन्त अनिवार्य छ्वये माःगु खः ।
