किपू नगरपालिका युवा परिषदया ग्वसालय् किपुलिइ न्हापागु युवा रोजगार सम्मेलन जुत्यःगु दु ।

थ्वहे वइगु चैत्र २४ व २५ गते बिहीवाः व शुक्रवाः निन्हुयंक जुइगु थुगुु सम्मेलनय् रोजगार माःपिं व रोजगार बीपिंत छथाय् चूलाकेगु ह्वःताः बीगु खँ ग्वसाः खलः न धाःगु दु ।

किपूया ल्याय्म्हतय्त रोजगार चूलायेमा धकाः किपू नगरपालिकां  छुं न्हि न्ह्यःजक गठन याःगु युवा परिषद्ं थ्व ज्याझ्वः क्वःछिउगु खः ।

किपू नगरपालिका वडा नं. २ या ऐतिहासिक थाय् क्वाच्वय् थुगु ज्याझ्वःया उलेज्या जुइसा रोजगारया विषयय् हिल टाउन स्कुलय् सहलह (प्यानल डिसकस) जुइगु नं जानकारी ब्यूगु दु।

छगु पत्रकार सम्मेलनय् थुगु ज्याझ्वलय् ब्वति कायेत वइपिंसं थःगु व्यक्तिगत विवरण (बायाडेटा) नं ज्वना वयेत इनाप याःगु दु ।

पार्टीया ज्याझ्वःया लागि रुपन्देहीया भैरहवाय् वःम्ह लोकतान्त्रिक समाजवादी पार्टीया अध्यक्ष महन्थ ठाकुर अस्वस्थ जुगु दु।

अध्यक्ष ठाकुर थौं सुथय् ८ बजे अचानक अस्वस्थ जुया भैरहवाया भीम अस्पताल यकूगु खः । ठाकुरयात निमोनिया व अक्सिजन लेभल कम जुगु धका डा. सिद्धार्थ पाण्डे न धाउगु दु।

अक्सिजन लेभल कम जुगुलि ठाकुरयात येँ रेफर याउगु खः। ठाकुरयात हेलिकप्टरं येँ लोकतान्त्रिक समाजवादी पार्टीया जिल्ला नेता महेन्द्र गुप्ता धाउगु दु।

वंगु २४ घण्टाया दुने देयन्यक थप १३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ३ हजार ३५८ म्हेसिगु पीसीआर परीक्षण याउगुलि झीम्ह व १ हजार ४४९ म्हेसिगु एन्टीजेन परीक्षण याउगुलि स्वम्ह याना १३ म्हेसित संक्रमण पुष्टि जुगु खः।

अथेहे २४ घण्टाय् कोरोनां ५७ म्ह कोरोनामुक्त जुगु दु।

बुधबाः थौं न सेयर कारोबार मापक नेप्से परिसूचक दोहोरो अंकं घटे जुगु दु।

नेप्से परिसूचक २३ दशमलव ३२ अंकं घटे जुया २ हजार ४ सय २८ दशमलव ७५ अंकय् कुहावंगु दु।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न २ दशमलव २८ अंक घटे जुगु दु। छु दिं न्ह्यःनिसे नेप्से परिसूचक लगातार कुहावया च्व्ंगु खः।

परिसूचक कुहावःगु असर सेयर कारोबार रकमय् खनेदुगु दु। बुधबाः न्हिच्छि यकं ३८ हजार १७८ कारोबारपाखे २२६ कम्पनीया ४३ लाख ७२ हजार १७१ कित्ता सेयर किनबेच जुगु खः।

उगु कारोबार रकम १ अर्ब ९९ करोड २९ लाख ७१ हजार ७६४ रुपैयाँय् रोके जुगु खः।

थौं येँया लुँति अजिमा द्यःया प्राण प्रतिष्ठापन  छगु तान्त्रिक बिधिपाखे याइगु जुगु दु।

येँया ढल्को त्वालय् च्वंम्ह समाजसेबी लक्ष्मीदेवी खड्गीपाखे देछानादीगु वहःया लुँति अजिमाःया थौं छगु पुजायासे प्राण प्रतिष्ठापनयासे देगलय् तइगु जुगु दु।

शाही खड्गी समाज, धल्कोया संयोजकय् समाजसेबी लक्ष्मीदेवी खड्गीया छेँय् न चाःहिइका लुँति अजिमा द्यःया थाय् हःगु खः।