सेयर बजारय् थौं नेप्से परिसूचक ११.८२ अंक घटे जुया १९२१.३१ बिन्दुइ कुहावंगु दु। सोमबाः परिसूचक २३.८५ अंकं घटे जुया १९३३.१३ बिन्दुइ कुहावंगु दु।

कुल २३० कम्पनीया २३ हजार १३३ कारोबारपाखे ३० लाख ३७ हजार ६८० कित्ता सेयर खरिद बिक्री जुगुलि १ अर्ब ५ करोड ८२ लाख ६३ हजार ५२२ रुपैयाँया कारोबार जुगु खः।

मंगलबार बैंकिङ व जीवन बीमा समूह जक थहावंगु दु सा मेगु दक्को समूह घटे जुगु दु। सीवाईसी नेपाल लघुवित्त, उन्नत सहकार्य लघुवित्त, एग्रिकल्चर डेभलप्मेन्ट बैंक लिमिटेड, सनराइज फर्स्ट म्युचअल फन्ड थहावंगु दु।

अथेहे लक्ष्मी इक्विटी फन्ड, जनरल इन्स्योरेन्स कम्पनी, युनाइटेड आईडीआई मार्दी आरबी हाइड्रोपावर लगायतया कम्पनी घटे जुगु दु।

बामदेव गौतमं न्हुगु राजनीतिक दल खोले यायेगु घोषणा याउगु दु।

गौतमं थौं मंगलबाः न्हिनय् रिपोर्टर्स क्लबय् पत्रकार सम्मेलन यासे न्हुगु राजनीतिक दल खोले यायेगु घोषणा याउगु खः। नेपाल कम्युनिष्ट पार्टी एकता राष्ट्रिय अभियान घोषणा याम्ह गौतमं पार्टीया संयोजक जुया ७५ म्ह सदस्यीय केन्द्रीय सदस्यपि दुगु कमितिया घोषणा याउगु खः।

उकि मध्ये थुगु पार्टी समन्वय समितिइ च्याम्हेसिगु केन्द्रीय सचिवालय सदस्यपि दु। पार्टीया संयोजकय् बामदेव गौतम, सचिवय् डीबी कार्की व सदस्यपि ओमशर्मा चालिसे, डिल्लीराज भट्टराई, दुर्गा भण्डारी, निकान्त पाण्डे, भगवती विष्ट व युवराज सफलपि च्वंगु दु। पार्टीं संयोजक व सचिव बाहेक दक्को सदस्यपि च्वंगु खः।तछलागा औंसी ११४२, असार १४ मंगलवाः

भीमेश्वर नगरपालीकाया नगर प्रमुख व उपप्रमुखयात भिंतुना देछात स्थानिय निर्वाचनय् विजयी जूपि भीमेश्वर नगरपालीका दोलखाया नगर प्रमुख ईस्वर नारायण मानन्धर, उपप्रमुख कमला बस्नेत नाप वडाध्यक्षपिन्त छगु ज्याझ्वः दथुइ भिंतुना देछाउगु दु।

समकालिन एकता समाज नेपालया अध्यक्ष नाप समाजसेवी सकुना श्रेष्ठ मलेकुया सभाध्यक्षताय् जुगु खः। उगु ज्याझ्वलय् विशेष पाहाँकथं बरिष्ठ अधिवक्ता नाप पूवमहान्याधिवक्ता मुक्तीनारायण प्रधान, बरिष्ठ गजल गायक आनन्द कार्की, समाजसेवी मदनदेवी श्रेष्ठ, दोलखा पर्यटन विकास वोर्डया अध्यक्ष बैकुण्ठनारायण प्रधान, बालकृष्ण दोल्खे, द्वाल्खा गुठीया केन्द्रिय सदस्य भल्ला मास्के, सिविन नेपालया अध्यक्ष माधवनारायण प्रधान, कालिञ्चोक युवा क्लवया अध्यक्ष निरेन्द्र मास्के, दिलिप श्रेष्ठ, लायन्स क्लव अफ दोलखाया रमेश प्रधान, छिजि द्वाल्खा डोबरया अध्यक्ष रिना चाकुबजी व मनोज चाकुबजीपिनिगु न सहभागीता दुगु खः।

संस्कृति, पर्यटन व नागरिक उड्डयनमन्त्री जीवनराम श्रेष्ठं पदभार ग्रहण याउगु दु ।

राष्ट्रपति भवन शीतलनिवासय् पद व गोपनीयताया सपथ कायेधुंकाः सिंहदरबार थ्यंकाः मन्त्री श्रेष्ठं पदभार ग्रहण यानादीगु खः। पदभार ग्रहणलिसें मन्त्री श्रेष्ठं स्वयम्भूनिसें हनुमानध्वाखा तक सम्पदा पदमार्ग दयेकेगु ज्या न्ह्यःने यंकेगु धका न्हापागु निर्णय यासे ल्हाःचिं तःगु खः।

सरकारं वइगु आर्थिक दँया नितिं स्वयम्भू–हनुमानध्वाखा सम्पदा पदमार्गया नितिं बजेट फ्यायेधुंकूगु दु।

प्रधानमन्त्री शेरबहादुर देउवां मन्त्रिपरिषद पुनर्गठन याउगु दु। नेकपा एकीकृत समाजवादीपाखे सरकारय् सहभागी मन्त्रीपि हेरफेर याउगु दु।

एकीकृत समाजवादीपाखे नेतापि जीवनराम श्रेष्ठ संस्कृति पर्यटन तथा नागरिक उड्डयनमन्त्री, मेटमणि चौधरी शहरी विकास मन्त्री, शेरबहादुर कुँवर श्रम, रोजगार तथा सामाजिक सुरक्षामन्त्री, भवानी खापुङ स्वास्थ्य तथा जनसंख्या मन्त्री व हीरा केसी स्वास्थ्य तथा जनसंख्या राज्यमन्त्री दयकूगु दु।

राष्ट्रपति कार्यालयं थौं आइतबाः बहनि छगु विज्ञप्ति जारी यासे प्रधानमन्त्री देउवां मन्त्रिपरिषद पुनर्गठन याउगु दु धका उल्लेख याउगु दु।

नेकपा एकीकृत समाजवादीं २२ जेठय् मन्त्रीपिन्त लितः सःता न्हूपि मन्त्रीपि छ्वयेगु निर्णय याउगु खः।