सुदूरपश्चिम प्रदेशय् वंगु छु ईनिसे कोरोना भाइरसया सङ्क्रमण अप्पो जुयावंगु दु।

वंगु फागुननिसे कोरोना भाइरस सङ्क्रमण कम जुगु खःसा हाकनं छु ईलिपा थहावंगु खः। वंग निन्हु थप १२ म्हेसित कोरोना भाइरसया सङ्क्रमण खनेदुगु धका स्वास्थ्य निर्देशनालय दीपायलं धाउगु दु।

निर्देशनालयया तथ्याङ्क कथं वंगु २४ घण्टाय् गुम्हेसित सङ्क्रमण जुगु दु धका धाउगु दु। कोरोना भाइरस शङ्का जुया बुधबाः ३५९ म्ह व बिहीबाः ३२८ म्हेसित नमूना परीक्षण याउगु खः।

यल महानगरपालिकाय् न्यादँ निसे झींछदँ दुपिन्त थौंनिसे कोरोनाविरुद्धया खोप  बिइगु जुगु दु। कन्हयः शनिवाः जुगुलि खोप मबिइगु  जुगु दु।

कन्ह्य बाहेक १५ गते तक विद्यालय व वडाय् दुगु स्वास्थ्य संस्थाय् सुथय् ११ बजेनिसे न्हिनय् ४ बजे तक खोप बिइगु जुगु दु धका महानगरपालिकां छगु विज्ञप्ति पिकाउगु दु।

थौं वडा नम्बर १, २ व ३ य् खोप बिइगु जुगु दु दु। अथेहे कसं वडा नम्बर ४, ५, ६ व ७ य्, १३ गते वडा नम्बर ८, ९, १०, ११, १२, १३ व १४ य् खोप कार्यक्रम सञ्चालन याइगु जुगु दु।

अथेतु, १४ गते वडा नम्बर १५, १६, १७, १८, १९, २०, २१ य् व असार १५ गते वडा नम्बर २२, २३, २४, २५, २६, २७, २८ व २९ वडाय् खोप कार्यक्रम सञ्चालन जुइ धका महानगरपालिकां धाउगु दु।

नेकपा एमालेया युवा संगठन राष्ट्रिय युवा संघ नेपालं पेट्रोलियम पदार्थय् मूल्यवृद्धि जुगुया विरोधय् येँ मशाल जुलुस पिकाउगु दु।

पेट्रोलियम पदाथय् जुगु मूल्यवृद्धि, इम्बोस्ड नम्बर प्लेट जडान अनिवार्य याउगु सरकारया निर्णय लगायत विषययात कया युवा संघं प्रदर्शन याउगु खः।

थौंनिसे ५ निसे ११ दँ दुपि कोरोना विरुद्धया न्हापागु मात्राया खोप बिइगु जुगु दु।

बिद्यार्थीपिन्त थः ब्बनाच्वंगु स्कूलय् हे खोप बिइगु व्यवस्था मिले याउगु दु। मचापिन्त फाइजर–बायोएनटेक खोप बिइ त्यःगु खः। थुगु खोप मचापिन्त ०.२ एमएलया दरं निगु डोज बिइत्यःगु खः।

जिल्ला स्वास्थ्य कार्यालय येँया प्रमुख बसन्त अधिकारीं थुगु खोपया प्रभावकारिता ९१ प्रतिशत दु धका धाउगु दु।

न्हापागु चरणय् स्वनिगः नाप २७ जिल्लाय् असार ९ निसे १५ गते तक न्हापागु मात्राया खोप बिइगु जुगु सा निगुगु  मात्रा वइगु साउन २ निसे ८ गते तक बिइ त्यःगु खः।

गृह मन्त्रालयं वंगु चान्ह्यः नेपाल प्रहरीइ १७ म्ह एसएसपीपिन्त डीआईजी बढुवा सिफारिस याउगु दु।

बढुवा समितिया बैठकं बढुवा सिफारिस याउगु खः। उकि मध्ये प्यम्ह मिसापि एसएसपीपिन्त डीआईजी बढुवामा सिफारिस याउगु दु।

१ नम्बरय् वसन्त कुवँर सिफारिस याउगु दु सा २ नम्बरय् टेकप्रसाद राई सिफारिस जुगु दु। अशोक सिंह, दीपक थापा, श्यामलाल ज्ञवाली, किरण बज्राचार्य, सन्दीप भण्डारी, सुदीप गिरी, मिरा चौधरी, टेकबहादुर तामाङ, उमेशराज जोशी, भीमप्रसाद ढकाल, रामदत्त जोशी, पोषराज पोखरेल, बुद्धिराज गुरुङ, दुर्गा सिंह व किरण राणापिं डीआईजी बढुवा सिफारिस जुगु दु।

थुगु पटक डीआईजीया प्रतिस्पर्धाय् प्यम्ह मिसापि एसएसपी ०५१ सालय् प्रहरी निरीक्षक जुया भर्ना जूपि किरण बज्राचार्य, मीरा चौधरी, दुर्गा सिंह व किरण राना डीआईजी बढुवा सिफारिस जुगु खः।