Display Style:
Column Style
कोरोनाया इपिसेन्टर आः अफ्रिका जुइगु आशंका
लहना न्यूज | ने.सं. ११४० चौलागा एकादसि (१८ अप्रिल २०२०), सञ्चरवाः
इम्पेरियल कलेज लण्डनं म्हिगः शुक्रवाः पितब्यूगु छगू रिपोर्टपाखें थुगुसी कोरोना भाइरसपाखें अफ्रिकाय् ३गू लख स्वयां अप्वः मनूत सीफइगु न्ह्यथंगु दु ।
अफ्रिकाया संयुक्त राज्य आर्थिक आयोगं ब्यूगु प्रतिवेदनकथं भाइरस विरुद्ध छुं नं कथंया हस्तक्षेप मजुइगु खःसा दकलय् बांमलाःगु अवस्थाय् अफ्रिकाय् ३.३गू मिलियन मनूत सीगु व १.२गू बिलियन मनूतय्के संक्रमण खनेदयेफु ।
सामाजिक दूरीयात कडारुपं नालाकाःसां नं अफ्रिकाय् १२२गू मिलियन स्वयां अप्वः मनूतय्के कोरोनाया संक्रमण खनेदयेफूगु रिपोर्टय् न्ह्यथनातःगु दु ।
म्हिगः शुक्रवाःतक अफ्रिकाय् १८द्वः स्वयां अप्वः मनूतय्के भाइरसया संक्रमण पुष्टि जुइधुंकूगु दु । तर विज्ञपिनिगु कथं छुं वालय् हे अफ्रिकाय् थुगु महामारीया बृद्धिदर यूरोपय् स्वयां अप्वः खनेदयेफु ।
अमेरिकाय् कोरोना संक्रमित न्ह्ययेगु लाख स्वया अप्वोल
लहनान्युज | चौलागा एकादशी ११४०, बैसाख ६ शञ्चवाः
अमेरिकाय् कोरोना भाइरस (कोभिड–१९) पाखे संक्रमित जुपि न्ह्ययेगु लाख स्वया अप्वोल ।
जोन्स हप्किन्स युनिभर्सिटीया तथ्यांक कथं अमेरिकाय् आतक न्ह्ययेगु लाख व २८२ म्ह मनूतयेत कोरोना भाइरस संक्रमण जुगु पुष्टि जुगु दु ।
अमेरिकाय् न्युयोर्कय् जक निगु लाख ३० द्धः स्वया अप्वो मनूत संक्रमित जुइ धुकुगु दु ।
अन भाइरसया कारण सिपि १७ द्धः व १३१ म्ह थ्यःगु दु । अथेहे, न्यु जर्सीइ ७८ द्धः स्वया अप्वो
मनूत भाइरसं संक्रमित जुगु दु । थुगु राज्यय् कोरोना भाइरसं सिपि स्वद्धः व ८४० थ्यःगु दु ।
अथेतु, अमेरिकाय् आतक ५८ द्धः व ५८७ म्ह मनूत संक्रमितपि वास याका छेँय् लिहा वने धुकुगु दु ।
बहराइनय् २७ नेपालीयात कोरोना संक्रमण
लहनान्युज | चौलागा एकादशी ११४०, बैसाख ५ शुक्रवाः
बहराइनय् मेपि २७ म्ह नेपालीयात कोरोना भाइरस (कोभिड–१९) या संक्रमण खनेदुगु दु ।
थ्व नाप बहराइनय् कोरोना संक्रमित जुपिनिगु ल्याः ४९ म्ह थ्यःगु दु ।
बहराइनय् आतक ९९० म्ह संक्रमण खनेदये धुकुगु दु ।
उकि मध्ये ७ म्ह सिइ धुकुगुु दुसा स्वम्हसियागु अवस्था गम्भीर दु ।
न्हयसः व स्वम्ह लने धुकुगु दु ।
भारत सरकारं वित्तीय प्याकेजया घोषणा यात
लहनान्युज | चौलागा एकादशी ११४०, बैसाख ५ शुक्रवाः
सरकारं लकडाउनया ई स्वला थप याःगुलि भारतया केन्द्रीय बैङ्क रिजर्भ बैङ्क अफ इन्डिया (आरबीआई) नं ५० द्धः करोड भारतीय ध्यवा आर्थिक तथा वित्तीय प्याकेजया घोषणा याःगु खः ।
समस्या जुयाच्वंगुलि वित्तीय क्षेत्रय् राहत बिइत थौं शुक्रवाः आरबीआई न थीथी वित्तीय घोषणा याःग द । आरबीआईया गभर्नर शक्तिकान्त दासं ‘लक्षित दीर्घकालीन रिपो अपरेसन’ या माध्यमपाखे ५० द्धः करोड ध्यवा लगानी यायेगु धका धाःगु दु ।
दासं राष्ट्रिय कृषि तथा ग्रामीण विकास बैङ्क (नबार्ड), नेशनल हाउजिङ बैङ्क व स्मल इन्डिस्ट्री डेभलपमेन्ट बैङ्क (सीडीबी) लगायत वित्तीय संस्थानया लागि ५० द्धः करोड भारतीय ध्यवाया रि(फाइनानान्सिङ यात बिइगु घोषणा गरे याःगु दु ।
थुकिया अनुसार राष्ट्रिय कृषि तथा ग्रामीण विकास बैङ्कयात २५ द्धः करोड, स्मल इन्डस्ट्री डेभलपमेन्ट बैङ्कयात १५ द्धः करोड व नेसनल हाउजिङ बैङ्कयात १० द्धः करोड भारतीय ध्यवा बिइ त्यःगु खः ।
आरबीआई न रिभर्स रिपो रेटय् २५ बेसिस पोइन्ट अर्थात् ०.२५ प्रतिशत कटौती याःगु दु । थुकिइ रिभर्स रिपो रेट घट जुया ३.७५ प्रतिशतय् वःगु दु ।
थुकिया न्हापा घोषणा जुगु प्याकेजय् बैङ्कं रिभर्स रिपो ९० बेसिस पोइन्ट अथे धइगु ०.९० प्रतिशत क्वपाला प्यंगु प्रतिशतय् हःगु दु ।
बेलायतय् लकडाउन स्ववाःया नितिं तन
लहना न्यूज | ने.सं. ११४० चौलागा नवमि (१७ अप्रिल २०२०), शुक्रवाः
बेलायतं कोरोना भाइरस (कोभिड–१९) संक्रमण नियन्त्रणया नितिं लकडाउन स्ववाः तनेगु क्वःछ्यूगु दु ।
विदेशमन्त्री डोमिनिक राबं म्हिगः विहिवाः प्रधानमन्त्री ज्याकू टेन डाउनिङ स्ट्रीटय् ग्वसाः ग्वःगु न्हियांन्हिथं कोरोनायात कयाः जुइगु ब्रिफिङया झ्वलय् ‘लकडाउन’ तनागु घोषणा यानादीगु खः ।
कोभिड–१९ न्यना वनेगु शुरु जुइधुंकाः वंगु मार्च २३ तारिखय् बेलायतय् न्हापांखुसी लकडाउन याःगु खः । न्हापांगु स्ववाःया लकडाउनया समीक्षा यायेधुंकाः संक्रमण अझ नं नियन्त्रणय् मवःगुलिं जनस्वास्थ्य व आर्थिक नोक्सानीपाखें बचय् यायेत ई तनेगु ज्या जूगु सरकारं न्ह्यथंगु दु ।
लकडाउन छ्वासुकल धाःसा आःतकया बलिदानी व प्रगति सितिं वनीगु नं विदेशमन्त्री राबं धयादीगु दु ।
न्हियांन्हिथं मृत्युदर कुहांवःगु अवस्थाय् बेलायतया राष्ट्रिय स्वास्थ्य सेवा (एनएचएस)पाखें संक्रमितया चाप फयेफइगु अवस्था, परीक्षण व ब्यक्तिगत सुरक्षा उपकरण (पीपीई) मागया सहज आपूर्ति, कोरोना भाइरस हाकनं न्यना वनेमफइगु अवस्था सुनिश्चित जुइधुंकाः लकडाउन छ्वासुकेफइगु मन्त्री राबया धापू खः ।
बेलायतय् कोभिड–१९या हुनिं थौं शुक्रवाः सुथय्तक अस्पतालय् जक १३द्वः ७५९म्ह सीधुंकूगु दु । केयर होमय् सीपिनिगु ल्याः उपलब्ध मदुनि ।
लकडाउन अवधिइ मज्जिमगाःगु नसाज्वलं न्यायेगु, न्हियांन्हिथंया ब्यायाम, वासः यायेगु व मज्जिमगाःगु सेवाय् ज्या याइपिं कर्मचारीपिं बाहेक मेपिन्त पिने वनेगु अनुमति बियातःगु मदु ।
सरकारया नियम नाला मकाःपिन्त दण्ड जरिवाना यायेत व हुलमुल चीकेत प्रहरीयात अधिकार बियातःगु दु । थौंकन्हय् व्यापार, व्यवसाय, स्कूल, विश्वविद्यालय फुक्कं बन्द जुयाच्वंगु दु ।
