Display Style:
Column Style
भारतय् कोरोना छन्हु ७३ म्ह सित
लहनान्युज | बछलाथ्व अष्टमी ११४०, बैसाख १९ शुक्रवाः
भारतय् कोरोना भाइरस (कोभिड(१९) या कारण सिपिनिगु ल्याः ११४७ म्ह थ्यःगु दु । भारतया स्वास्थ्य मन्त्रालयया तथ्यांक कथं वःगु २४ घण्टाय् सिपिनिगु ल्याः ७३ म्ह थ्यःगु दु ।
कोरोना भाइरसपाखे संक्रमित जुपिनिगु ल्याः ३५ द्धः स्वया अप्वोगु दु । वःगु २४ घण्टाय् कोरोना भाइरस १९९३ न्हुपि संक्रमित पिहावःगु दु । थ्व नाप संक्रमित जुपिनिगु ल्याः ३५०४३ म्ह थ्यःगु दु ।
अथेहे, दकलय् अप्वो प्रभावित राज्य महाराष्ट्रय् १० द्धः व न्यासः मनूत संक्रमित जुइ धुकुगु दु अन सिपिनिगु ल्याः ४५९ म्ह थ्यःगु दु । गुजरातय् ४३०० म्ह स्वया अप्वो मनूत संक्रमित जुइ
धुकुगु दु अन सिपिनिगु ल्याः २१४ म्ह थ्यःगु दु ।
मध्य प्रदेशय् २६०० म्ह स्वया अप्वो मनूत भाइरस संक्रमण खने दुगु खःसा १३७ म्ह सिइ धुकुगु दु ।
आतक भारतय् ८८८९ मनूत संक्रमितपि वास याका छेँय् लिहा वने धुकुगु दु ।
अमेरिकाय् कोरोनां सिपिनिगु ल्याः ६० द्धः स्वया अप्वोल
लहनान्युज | बछलाथ्व सप्तमी ११४०, बैसाख १८ बिहिवाः
अमेरिका कोरोना भाइरस (कोभिड–१९) पाखे सिपिनिगु ल्याः ६० द्धः स्वया अप्वोगु दु ।
जोन्स हप्किन्स युनिभर्सिटीं तयार याःगु तथ्यांक कथं अमेरिकाय् आतक ६० द्धः व ९६७ म्ह मनूत कोरोना भाइरसया कारण सिइ धुकुगु दु ।
अथेहे संक्रमित पिनिगु ल्याः १० लाख ३८ द्धः थ्यःने धुकुगु दु ।
कोरोना भाइरसया कारण अमेरिकाय् न्युयोर्क राज्य दकलय् अप्वो प्रभावित जुगु थाय् खः । न्युयोर्कय् आतक करिब स्वगु लाख मनूत संक्रमित जुइ धुकुगु दु, २३ द्धः ४७७ म्ह सिइ धुकुगु दु ।
अथेहे, न्यु जर्सीइ छगु लाख १६ द्धः अप्वो मनूत कोरोना भाइरसपाखे संक्रमित जुइ धुकुगु दु । ६ द्धः ७७१ म्ह मनूत सिइ धुकुगु दु ।
आतक अमेरिकाय् छगु लाख २० द्धः व ७२० म्ह वास याका छेँय् लिहा वने धुकगु दु ।
जितः राष्ट्रपति मदेकेत चीनं न्ह्यागुु न यायेफु ट्रम्प
लहनान्युज | बछलाथ्व सप्तमी ११४०, बैसाख १८ बिहिवाः
अमेरिकी राष्ट्रपति डोनाल्ड ट्रम्पं चीनं थःत राष्ट्रपति मदेकेगु लागि न्ह्याःगु न यायेफु धका धाःगु दु ।
रोयटर्सय् बिःगु अन्तर्वार्ताय् ट्रम्प चीनं थःत निक्वःगु अमेरिकाया राष्ट्रपति जुगुइ स्वये मफुगु खँ धाःगु खः ।
ट्रम्प आः चीनं कोरोना भाइरस (कोभिड(१९) नियन्त्रणया लागि न्ह्याःगु पलाः न छगु प्रमाण खः धका धाःगु खः ।
ट्रम्पं कोरोना भाइरस हलियकं महामारीया लागि लगातार चीनयात आरोप बियाच्वंगु खः ।
अमेरिकाय् आतक थुगु महामारीया कारण ६० द्धः स्वया अप्वो मनू सिइ धुकुगु दु । थुकि याना अर्थतन्त्रय् तसक कुहा वःगुलि बेरोजगारय् ऐतिहासिक रुपं अप्वोगु दु ।
ट्रम्पयात कोरोना भाइरसया महामारीयात गम्भीर रुपं मकागु आरोप बिया वयाच्वंगु दु ।
इलय् हे माःगु पलाः मल्ह्वःगुलि अमेरिकाय् भाइरसं महामारी काःगु धका विशेषज्ञपिन्स धया वयाच्वंगु खः । तर, ट्रम्पं विश्वं थुकियात गम्भीरताया रुप कया चीन सक्रिय जुइ माःगु धका धाःगु खः ।
कोरोना भाइरसया महामारी अन्त्य जुइत अझ ई काइतिनि
लहनान्युज | बछलाथ्व पंचमी ११४०, बैसाख १६ मंगलवाः
विश्व स्वास्थ्य संगठन (डब्लुएचओ) नं कोरोना भाइरस (कोभिड–१९) या महामारी अन्त्य जुइगु अझ न ई काइतिनि धका धाःगु दु ।
नियमित प्रेस कन्फ्रेन्सय् डब्लुएचओया प्रमुख टेड्रोस अधानम गेब्रेससं आ थुगु महामारीया कारण सामान्य स्वास्थ्य प्रणालीइ अवरोध सिर्जना जुया च्वंगु धका धयादिगु दु । विशेष याना विश्वय् दकलय् गरिब राष्ट्रया मस्तयेके थुगु असर खनेदुगु धका धयादिगु खः ।
डब्लुएचओवया प्रमुखं छु ई न्ह्यः अफ्रिका, पूर्वी युरोप, ल्याटिन अमेरिका व छु छु एसियाली देशय् महामारी अप्वोया च्वंगुलि उगुलि च्युताः न तयादिगु दु । वयकलं थुगु महामारी अन्त्य याये न्ह्यः तहाकःगु ई काइगु व उकिया लागि यक्को ज्या याये मानि धका धयादिगु दु ।
आ कोरोना भाइरसया महामारीया कारण हलियकं मस्तय्त बिया वयाच्वंगु खोपया न प्रभावित जुइगु डब्लुएचओया प्रमुख टेड्रोसं धयादिगु खः ।
बेलायती प्रधानमन्त्री बोरिस जोन्सन ज्याय् लिहावल
लहनान्युज | बछलाथ्व चौथि ११४०, बैसाख १५ सोमवाः
बेलायती प्रधानमन्त्री बोरिस जोन्सन ज्याय् लिहावःगु दु । कोरोना भाइरस (कोभिड(१९) या संक्रमणया कारण लच्छि लिपा ज्याय् लिहा वःगु दु ।
भाइरस संक्रमणया कारण छवाः तक अस्पतालय् भर्ना जुगु खः । स्वन्हु तक आईसीयूलय् च्वंगु ुखः । वःगु अप्रिल ५ य् प्रधानमन्त्री जोन्सनया स्वास्थ्यय् खराबी खने दुगुलि अस्पतालय् भर्ना जुगु खः ।
बेलायती विदेशमन्त्री डोमिनिक राब न सोमवाः निसे प्रधानमन्त्री थःगु ज्याय् लिहा वयेत्यःगु धका जानकारी बिःगु खः । जोन्सनया अनुपस्थितिइ राबं हे सहायक प्रधानमन्त्रीया भूमिका निर्बाह याना वया च्वंगु खः ।
बेलायतय् आतक कोरोना भाइरसं सिपिनिगु ल्याः २० द्धः स्वपा अप्वो दु सा छगु लाख व ५० द्धः स्वया अप्वो मनूत संक्रमित जुगु खः ।
