Display Style:
Column Style
कोरोना संक्रमित नेपालीयात भारतीय प्रहरी ज्वःन
लहनान्युज | चौलाथ्व चतुर्दशी ११४०, चैत्र २५
भारतया उत्तर प्रदेश राज्यस्थित बापत जिल्लाय् छम्ह अस्पतालपाखे बिस्यु वःम्ह फरार कोरोना संक्रमित छम्ह नेपालीयात प्रहरीं नियन्त्रणय् काःगु दु ।
उत्तर प्रदेशया खेकडास्थित लेभल वान अस्पतालय् वासः याका च्वम्ह जमाती समूह सम्बद्ध वृद्धयात अन यमः बागपत प्रहरीं नियन्त्रणय् काःगु खः । कोरोना संक्रमित उम्ह नेपाली सुनसरी भोक्राहाया ६५ दँ याम्ह खः ।
उम्ह मनू तबलिगी सम्मेलनय् ब्बति काःम्ह खः । उगु सम्मेलनय् ब्बति कापि मनू तयेत कोरोना खने दुगु खः वयात न परीक्षण याःगु खः । तर, वयागु शुक्रवाः रिपोर्टय् पोजेटिभ वःगु खः ।
कोरोना पुष्टि जुइवं वयात उत्तर प्रदेशया खेकडास्थित लेभल वान अस्पतालय् भर्ना याःगु खः ।
वयात सोमवाः चान्ह्यः वासः याका च्वंथाय् अस्पतालं न्ह्याकं तछ्याना बिस्यु वःगु खः धका अनया स्थानीय सञ्चार माध्यम धाःगु खः ।
भारतीय मिडिया कथं प्रहरीं उम्ह मनू इँटाभट्टा न्ह्यने ज्वःगु खः । प्रहरीं उम्ह मनूयात वासः याकेत हाकन अस्पतालय् यकगु खः ।
खेकडा अस्पतालय् वासः याना च्वपि मध्ये वये छम्ह जक नेपाली खः धका धाःगु खः।
भारतय् कोरोना स्वद्धः म्ह सङ्क्रमित, ७७ सित
लहनान्युज | चौलाथ्व द्धादशी ११४०, २३
भारतय् कोरोना भाइरस (कोभिड १९) पाखे सङ्क्रमित जुया सिपिनिगु ल्याः अप्वोया वना च्वगु दु ।
केन्द्रीय स्वास्थ्य मन्त्रालयं कोरोना भाइरस सङ्क्रमितया न्हुगु ल्याः सार्वजनिक याःगु दु ।
केन्द्रीय स्वास्थ्य मन्त्रालयया अनुसार भारतय् कोरोनां सङ्क्रमित जुपि ३३७४ थ्यःगु दु ।
अथेहे सिपिनिगु ल्याः ७७ म्ह थ्यःगु दु ।
कोरोना सङ्क्रमित मध्ये आतक २६६ म्ह वासःयाका लिहा वये धुकुगु दु ।
थौं जक हे स्वम्ह सिइ धकुगु दु ।
न्युयोर्कय् छन्हु हे ६३० म्हसिया ज्यान वन
लहनान्युज | चौलाथ्व द्धादशी ११४०, २३
अमेरिकाया न्युयोर्क राज्यय् कोरोनाया कारण अनया अवस्था झन भयावह जुगु दु । अन छन्हु हे ६३० म्ह सिइगस दु ।
न्युयोर्क राज्यय् कोरोनापाखे सिपिनिगु ल्याः आतक हे दकलय् अप्वो खः ।
कोरोनाया कारण सिपिनिगु ल्याः ३३६५ म्ह थ्यःगु दु ।
कोरोनाया इपिसेन्टर जुगु अमेरिकाय् स्वगु लाख मनूत कोरोनाया संक्रमण खन दये धुकुगु दु ।
आतक ८ द्धः व ४९६ मनू तयेगु ज्यान वने धुकुगु दु ।
कोरोना संक्रमित ल्याः १२ लाख थ्यने धुकल
लहनान्युज | चौलाथ्व द्धादशी ११४०, २३
कोरोना संक्रकिोरोना भाइरस (कोभिड–१९) पाखे हलियक संक्रमित जुपिनिगु ल्याः १२ लाख थ्यने धुकुगु दु ।
जोन्स हप्किन्स युनिभर्सिटीया तथ्यांक अनुसार, संक्रमितया ल्याः १२ लाख निद्धः थ्यःगु दु ।
चीनया वुहानपाखेबाट पिहावःगु थुगु भाइरसं थौंकन्ह्य अमेरिका दकलय् अप्वो प्रभावित जुयाच्वंगु दु ।
आतक अमेरिकाय् ३ लाख ११ द्धः मनू तयेत भाइरसं संक्रमण जुयाच्वंगु दु ।
अथेहे, स्पेनय् १ लाख २६ द्धः, इटाली १ लाख २४ द्धः, जर्मनी ९६ द्धः व फ्रान्सय् ९० द्धः भाइरसं संक्रमण थ्यःगु दु ।
हलियकं महामारीया रुपं फैले जुगु थुगु भाइरसं सिपिनिगु ल्याः ६४ द्धः व ७५३ म्ह थ्यःगु दु ।
इटाली जक १५ द्धः व ३६२ म्हसियन ज्यान वने धुकुगु दु ।
स्पेनय् ११ द्धः ९४७, अमेरिकाय् ८८८८, फ्रान्सय् ७५७४ व बेलायतय् ४३२० म्हसिया ज्यान वने धुकुगु दु ।
अष्ट्रेलियाया न्यु साउथ वेल्सय् स्वला लकडाउन
लहनान्युज | चौलाथ्व नवमी ११४०, चैत्र २०
अष्ट्रेलियाया न्यु साउथ वेल्सय् लकडाउन स्वला यायेगु तयारी दु । न्यु साउथ वेल्सया प्रहरी कमिश्नर मिक फुलरं आः जुया च्वंगु लकडाउन जुन २७ तक तया तःगु खः ।
कोरोना भाइरस (कोभिड–१९) नियन्त्रणया लागि सकारात्मक लिच्वःया लागि थज्याःगु निर्णय यानागु धका न्यु साउथ वेल्सपाखे धाःगु खः ।
थ्वः अष्ट्रेलियाया कोभिड–१९ पाखे दकलय् अप्वो प्रभावित जुगु थाय् खः । बुधवाः ११६ म्ह न्हुपि संक्रमित पिहा वःगु खः ।
आतक संक्रमितया २२९८ म्ह थ्यःगु दु ।
लकडाउन उल्लंघन यापिन्त तत्काल छम्हेसित द्धःछि डलर जरिवाना याना तःगु दु ।
अधिकतम जरिवाना ११ द्ध डलर व खुला जेल सजाय तोके याना तःगु दु ।
