Display Style:
Column Style
बलिउड कोरियोग्राफर सरोज खान मन्त
लहनान्युज | दिल्लाथ्व त्रयोदशी ११४०,असार १९ शुक्रवाः
बलिउडय् नांजाम्ह कोरियोग्राफर सरोज खान बिहिवाः बहनी ७१दँय् मन्त ।
सासः ल्हायेगु समस्या वयेवः छुदिं न्ह्य अस्पतालय् भर्ना जूगु खः । तर खानया कोरोना रिपोर्ट धाःसा नेगेटिभ वःगु दु ।
थौं वयाःगु मलाडया मालवानीइ अन्तिम संकार याये त्यःगु दु । बलिउडय् सरोज खानं ४० दँ दुने करिब निद्धः म्येय् कोरियोग्राफी याःगु दु ।
खान स्वकः तक राष्ट्रिय पुरस्कार पाखे सम्मान जुइ धुकुगु दु । सन् १९७४ य् सार्वजनिक जूगु ‘गीता मेरा नाम’य् न्हापां कोरियोग्राफी याःगु खः ।
वया लिपा, ‘हवा–हवाई, एक दो तिन, धक–धक करने लगा’, डोला रे डोला’ लगायतया सुपरहिट म्येय् कोरियोग्राफी याःगु खः ।
सरोजं कोरियोग्राफी याःगु दकलय् लिपाःगु म्ये निर्माता करण जोहरया ‘कलंक’ नांया संकिपाय् ‘तबाह हो गए’ याःगु खः । उगु म्येया भिडियोय् माधुरी दिक्षित नृत्य याःगु खः ।
सरोज स्वास्थ्यय समस्या वये वः वःगु जुन २४ य् अस्पताल भर्ना जूगु खः । वयात मुम्बइया गुरु नानक अस्पतालय् भर्ना याःगु खः ।
अमेरिकी राष्ट्रपति डोनाल्ड ट्रम्प आः मास्क तयेगु पक्षय्
लहनान्युज | दिल्लाथ्व त्रयोदशी ११४०,असार १९ शुक्रवाः
अमेरिकी राष्ट्रपति डोनाल्ड ट्रम्प मास्क प्रयोग पक्षय् मदुम्ह खः । मास्क प्रयोगयात कया तसक आलोचना याना वयाच्वंम्ह ट्रम्पं आः हुलमुलय् वनेत मास्क छ्यलिगु पक्षय् वःगु दु ।
राष्ट्रपति ट्रम्पं बिहीवाः मास्क तयेगु इलय् लोन रेन्जर थे खने दइ धका धया वयाच्वम्ह खः । लोन रेन्जर हलिवुड अभिनेता खः । मिखाय् हाकू रङ्गया मास्क तयेगु याइम्ह खः ।
थ्व स्वया न्ह्यः ट्रम्पं कमाण्डर इन चिफं गुलि न राष्ट्र प्रमुखपि नाप लायेगु झ्वलय् मास्क तयेगु इलय् अशोभनीय खने दइ धका धया वया च्वंगु खः ।
विश्वय दकलय् अप्व कोरोना सङ्क्रमितपि अमेरिकाय् २७ लाख ८१ द्धः सङ्क्रमण पुष्टि जूगु खः । उकि मध्ये छगू लाख ३० द्धः व च्यासः स्वया अप्वसिगु ज्यान वःगु दु ।
विश्वय् आःतक छगू करोड च्याःगु लाख ४७ द्धः स्वया अप्वसित कोरोना सङ्क्रमण जूगु दु सा न्याःगु लाख १९८००म्हेसिगु ज्यान वने धुकुगु दु ।
६० लाख ६५द्धः स्वया अप्व वासः याका छेँय् लिहा वने धुकुगु दु ।
अमेरिकाय् छन्हुं ५२द्धः यात कोरोना संक्रमण
लहनान्युज | दिल्लाथ्व द्धादशी ११४०,असार १८ बिहीवाः
अमेरिकाय् छन्हुं हे कोरोना भाइरस संक्रमितपि थपे जुया वना च्वंगु दु । जोन्स हप्किन्स युनिभर्सिटीया तथ्यांक कथं अमेरिकाय् वःगु २४ घण्टाय् ५२९८२म्ह कोरोना भाइरसया न्हुपि
संक्रमितपि पिहा वःगु दु ।
थ्व नाप अमेरिकाय् आतक कोरोना भाइरसया संक्रमितपि २६ लाख ८२२७०म्ह थ्यःगु दु ।
थ्व नाप अमेरिकाय् कोरोना भाइरसं सीपिं छगु लाख २८०२८ म्ह थ्यःगु दु । थुगु ल्याः कोरोना भाइरसं सीपिनिगु ल्याः ब्राजिल धुका निगु थासय् लाः ।
अमेरिकाय् कोरोना भाइरसया संक्रमणय् कम जुया वनाच्वंगु मदुनि ।
थुगु वालय् जक अमेरिकी वरिष्ठ स्वास्थ्य अधिकारी डाक्टर एन्थोनी फाउचीं अमेरिकाय् न्हि छगु लाख कोरोना भाइरसया संक्रमितपि पिहा वइ धका ख्याच्वः बिःगु खः ।
अष्ट्रेलियाय् कोरोनाया संक्रमण अप्वल
लहनान्युज | दिल्लाथ्व नवमी ११४०, असार १५ सोमवाः
हलियकं महामारीया रुपय् फैलै जुया च्व्ंंगु कोरोना भाइरस संक्रमणया न्युनीकरण यायेत ताःलागु अष्ट्रेलियाय् हाकन संक्रमण खने दुगु दु ।
लगातार १२ न्हि भिक्टोरिया राज्यया मेलबर्न शहरय् कोरोना भाइरसया न्हुपि संक्रमितपि खनेदुगु खः ।
वंगु स्वन्हु निसे मेलबर्नय् १५०म्ह न्हुपि संक्रमितपि पिहावःगु खः ।
उकि मध्ये आइतवाः जक ४९म्ह अप्वःगु थ्व हे आः तक दकलय् अप्व खः ।
भारतय् छन्हु २०द्धः कोरोना संक्रमित
लहनान्युज | दिल्लाथ्व अष्टमी ११४०,असार १४ आइतवाः
भारतय् छन्हु हे कोरोना भाइरस (कोभिड–१९) करिब २० द्धः न्हुपि संक्रमित थपे जूगु दु ।
भारतया स्वास्थ्य मन्त्रालयया कथं वःगु २४ घण्टाय् कोरोना भाइरस १९द्धः व ९०६म्ह न्हुपि संक्रमित जूगु दु ।
थ्व नाप भारतय् कोरोना भाइरसपाखे संक्रमित जूपि न्यागु लाख २८ द्धः व ८५९म्ह थ्यःगु दु । भारतय् लगातार गुक्वःगु दिं १४द्धः न्हुपि संक्रमित पिहावःगु दु ।
अथेतु भारतय् कोरोना भाइरस (कोभिड–१९) सीपिनिगु ल्याः १६द्धः स्वया अप्वगु दु । अथेहे कोरोना भाइरसया कारण १६ द्धः ९५म्ह थ्यःगु दु ।
भारतय् दकलय् अप्व प्रभावित राज्य महाराष्ट्रय् आः तक छगू लाख ५९द्धः न्हूपि संक्रमित पिहा वःगु दु सा न्ह्यद्धः व २७३ म्ह सीगु दु ।
दिल्लीइ ८०द्धः न्हुपि संक्रमित पिहा वःगु दु सा निद्धः व ५५८म्ह सीगु दु ।
