Display Style:
Column Style
रायलया चिकित्सक दथुइ भर्चुअल सम्वाद
लहनान्युज | तछलाथ्व षष्ठी ११४०,जेठ १५ बिहिवाः
कोरोना भाइरसया संक्रमणपाखे मुक्त जुया च्वंगु ईजरायल व नेपालया चिकित्सकपि दथुइ भर्चुअल वेभिनार जुगु दु । नेपालय् अप्वोया वयाच्वगु कोरोना संक्रमण नियन्त्रण व न्युनिकरणया लागि इजरायलया अनुभव व सफलताया विषय आदन–प्रदानया लागि भर्चुअल सम्वादया लागि इजरायलया लागि नेपाली राजदूत डा. अन्जान शाक्यं जानकारी बियादिगु दु ।
‘
कोरोना भाइरसया संक्रमणपाखे मुक्त जुइत इजरायली सरकार, चिकित्सक व थनया जनतां याःगु व्यवस्थापकीय, नीतिगत, चिकित्सा तथा अन्य अनुभव आदन–प्रदानया विषयय् जिमिसं खँ ल्हाःनागु खः धकाः,’ राजदूत शाक्यं धयादिगु खः,’ राजदूत शाक्यं, ‘कोरोना भाइरसया संक्रमणपाखे मुक्त जुइत थज्याःगु सम्वादं ग्वाहालि जुइगु जिमिसं अपेक्षा यानाःगु दु, थुगु सम्वादयात निरन्तरता बिइगु जुइ धका धयादिगु दु ।’
राजदूत शाक्यं थज्यागु थाकुगु परिस्थितिइ नेपाल व ईजरायलया चिकित्सपि दथुइ सहकार्यं कोरोना संक्रमण व्यवस्थापनय् प्रभावकारी भूमिका म्हितिगुलि जोड बियादिगु दु ।
या उगु सम्वादय् स्वास्थ्य तथा जनसंख्या मन्त्रालयया प्रमुख विशेषज्ञ डा. रोशन पोखरेल, स्वास्थ्य सेवा विभाग, नर्सिङ तथा सामाजिक सुरक्षा महाशाखाया निर्देशक रोशनी लक्ष्मी तुइतुइ,
शुक्रराज ट्रपिकल सरुवारोग अस्पतालया डा अनुप बास्तोला, नेपाल मेडिकल काउन्सिलपाखे प्राध्यापक डा भगवान कोइराला सहभागी जुयादिगु खः ।
अथेहे भेरी अस्पताल नेपालगञ्ज, कर्णाली स्वास्थ्य बिज्ञान प्रतिष्ठान, जुम्ला, सेती अस्पताल, कैलाली, पाटन स्वास्थ्य बिज्ञान प्रतिष्ठान, धुलिखेल अस्पताल, चिकित्सा शास्त्र अध्ययन संस्थान, मनमोहन कार्डियोथोरासिक भास्कुलर एण्ड ट्रान्सप्लान्ट सेन्टर, नेपाल सशस्त्र प्रहरी अस्पताल, नेपाली सेना स्वास्थ्य विज्ञान संस्थान लगायतया थीथी स्वास्थ्य संस्थाय् ज्या यानाच्वपि चिकित्सकपि सहभागी जुयादिगु खः ।
भर्चुअल सम्वादय् ईजरायलपाखे सेबा हस्पीटलया प्रा.डा. एली सेचवार्ज व प्रा.डा. माइकल एल एलकेन लगायत पिनिगु सहभागी दुगु खः । सेबा अस्पताल विश्वया न्ह्यगु उत्कृष्ट अस्पताल खः ।
करीब निघौ तक जुगु उगु सम्वादय् नेपाली पक्षं कोरोना संक्रमणसम्बन्धी वर्तमान स्थिति, समस्या व मेमेगु जिज्ञासा तःगु खः । ईजरायली डाक्टरपिन्स थःगु अनुभवपाखे याये माःगु व याये म्वाःगु बिषय थःथःगु राय प्रस्तुत यानादिगुखः ।
कोरोना संक्रमित जुगु देय् रुस स्वःगु थासय्
लहनान्युज | तछलाथ्व चौथी ११४०,जेठ १३ मंगलवाः
रुसय् थौं मंगलवाः आधिकारिक तथ्यांक कथं वःगु २४ घण्टाय् दुने रुसय् कोरोना भाइरसपाखे सीपि १७४ म्ह थ्यःगु दु ।
थ्व नाप रुसय् कोरोना भाइरसपाखे सीपि स्वद्धः व ८०७ म्ह थ्यःगु दु ।
अथेहे रुसय् वःगु २४ घण्टाय् कोरोना भाइरसं च्या द्धः व ९१५ म्ह न्हुपि संक्रमित जुगु दु ।
थ्व नाप रुसय् कोरोना भाइरसपाखे संक्रमित जुपि स्वगु लाख ६२ द्धः ३४२ म्ह थ्यःगु दु ।
संक्रमित जुपिनिगु ल्याखय् आ रुस अमेरिका व ब्राजिल लिपा स्वगु थासय् लाःगु दु ।
चीनय् कोरोना भाइरसं ५१म्ह सङ्क्रमित
लहनान्युज | तछलाथ्व चौथी ११४०,जेठ १३ मंगलवाः
चीनय् म्हिगः सोमवाः बहनि तक हाकनं थप ५१ म्हेसित कोरोना भाइरसया सङ्क्रमण पुष्टि जुगु दु ।
सङ्क्रमित जुपि मध्ये अधिकांश कोरोना भाइरस पिहा वःगु थाय् वुहानपि हे जुगु दु । उगु थासय् वःगु झींन्हुया दुने ६० लाख मनू तयेतःगु स्वास्थ्य परीक्षण याःगु दु ।
सरकारी स्वास्थ्य अधिकारीपिन्स सोमवाः बिःगु जानकारी कथं आः थपे जुपि ११ म्ह सङ्क्रमितपिनिगु विवरण आइतवाः हे बिःगु खः । उपि ११ म्ह मध्ये झीम्ह मङ्गोलिया स्वशासित थासय् व छम्ह सिचुवान प्रान्तयापि जुगु चिनियाँ राष्ट्रिय स्वास्थ्य आयोगं धाःगु खः ।
कोरोनापाखे सङ्क्रमित जुपि तर शंकास्पद अवस्थायापि ४० म्ह मध्ये ३८ म्ह वुहानय् च्वपि खः । चीनय् आतक ३९६ म्ह थज्याःगु हे प्रकारया ल्वगि तयेस वासः याका च्वःगु दु धका जानकारी बिःगु खः । उकि मध्ये ३२६ म्ह वुहानयापि खः ।
वुहानय् थ्व स्वया न्ह्यः जनवरी व मार्चय् जक ५० द्धः स्वया अप्वोसित सङ्क्रमित जुगु खः ।
कोरोना भाइरसया हलियकं ३ लाख स्वया अप्वोसिगु ज्यान वन
लहनान्युज | तछलाथ्व चौथी ११४०,जेठ १३ मंगलवाः
विश्व स्वास्थ्य संगठन डब्लूएचओं औलो ल्वय् यायेत छ्यलिगु वासः कोरोना सङ्क्रमण पिन्त छ्यलिगुलि रोके याःगु दु ।
संगठनं सुरक्षाया कारण क्यसे कोरोना भाइरस विरुद्धया सम्भावित परीक्षणया लागि छ्याला च्वंगु औलो ल्वय् विरुद्धया वासः हाइड्रो साइक्लोरोक्विन प्रयोगय् अस्थायी रुपं रोके यायेगु लगे यायेगु निर्णय याःगु दु ।
थी थी देशय् थुगु वासः परीक्षण जुयाच्वंगुलि सावधानी अपने याना च्वंगुलि अस्थायी रुपं परीक्षण रोके यायेगु निर्णय याःगु दु । छगु अध्ययनं औलो विरुद्धया वासः कोरोना सङ्क्रमितपिन्त प्रयोग याइ इलय् ज्यान तक वनेगु जोखिम अप्वो वःगुलि संगठनं उगु निर्णय याःगु खः ।
अमेरिकी राष्ट्रपति डोनाल्ड ट्रम्पं कोरोना भाइरसपाखे बचे जुइत उगु वासः छ्यला च्वंगु दु धका धाःगु खः ।
अथेहे, हलियकं साढे २३ लाख स्वया अप्वो मनूत कोरोना सङ्क्रमित उपचार लिपा छेँय् वने धुकुगु दु । ५५ लाख ८२ द्धः स्वया अप्वोसित कोरोना पुष्टि जुगु दु । ३ लाख ४७ द्धः स्वया अप्वोसिया ज्यान ज्यान वःगु दु ।
डा शाक्यं इजरायली सरकारपाखे उत्कृष्ट राजदूतया सम्मान
नृपेन्द्रलाल श्रेष्ठ | तछलाथ्व द्धितीया ११४०,जेठ ११ आइतवाः
इजरायलया लागि नेपाली राजदूत डा. अञ्जान शाक्य ‘द एम्बेसडर क्लब अफ इजरायल’ पाखे सम्मानित जुयादिगु दु । ‘द एम्बेसडर क्लब अफ इजरायल’ पाखे इजरायलया ७२ क्वःगु स्वतन्त्रता दिवसया लसताय् जुगु ज्याझ्पलय् डाक्टर शाक्ययात ‘एम्बेसडर अफ द इयर २०१९–२०२०’ सम्मानया घोषणा याःगु खः ।
९० गु देशया दुतावास दुगु इजरायलय् राजदूत डाक्टर शाक्ययात उगु सम्मानपाखे सम्मानित जुयादिगु खः । उगु सम्मानया लागि ९० गु देशया राजदूतपिन्स वयकःया पक्षय् मत तयादिगु खः ।
उगु सम्मानपाखे सम्मानित जुयादिम्ह एसियाली देशयाम्ह हे न्हापाम्ह राजदूत जुयादिगु दु । आतक यूरोप व अमेरिकी देशपिन्स जक उगु सम्मान कया वयाच्वंगु खः । उगु सम्मान घोषणा जुइ धुका राजदूत शाक्यं ‘थ्व सम्मानयात नेपाल व नेपाली प्रतिया सम्मानया रुपमा कयादिगु दु, ‘थुग सम्मानं नेपाल व नेपाली याःगु छ्य धःस्वागु दु धका न धयादिगु दु ।’
राजदूत शाक्यं थःत थुुगु सम्मानपाखे सम्मानित जुइत ग्वाहालि यानादिपि ९० गु देशया राजदूत, इजरायली सरकार, इजरायली जनता व नेपाःमिपिन्त सुभाय् देछानादिगु दु । नाप ‘थुगु सम्मानं थःत थप जिम्मेवार दयेकुगु द धका न धयादिस, ‘जिगु योग्यता व क्षमतां भ्याय जुगुतले नेपाल–इजरायल सम्बन्ध अझ बालाका यंकेगु जइ धका धयादिगु दु ।’
डा. शाक्यं राजदूत पद बहाली लिपा इजरायल व नेपाल दथुइ प्रविधि, कृषि, शिक्षा, स्वास्थ्य लगायतय् ग्वाहालि याकेगु लागि उल्लेख्य भूमिका म्हितादिगु खः । अथेहे छु दि न्ह्य डा. शाक्यया पहलय् नेपाल इजरायल चेम्वर अफ कमर्श व इजरायल चेम्बर अफ कमर्श दथुइ व्यापार व्यवसाय आदान–प्रदान यागु सम्बन्धी सम्झौता ज्ुगु खः । उगु सम्झौताय् व्यापार, लगानी, उद्योग, कृषि, पर्यटन, प्रविधि, यातायात, पूर्वाधार विकास, उर्जा थे ज्याःगु क्षेत्रय् व्यापार व्यवसाय यायेगु सम्झौता जुग खः ।
