Display Style:
Column Style
गौतम बुद्ध भारतय् जन्म जूगु दाबी : भारतीय विदेशमन्त्री एस.जयशंकर
लहनान्युज | गुंलागा ६ ११४०,साउन २५ आइतवाः
भारतीय विदेशमन्त्री एस.जयशंकरं गौतम बुद्ध भारतय् जन्म जूगु दाबी याःगु दु । म्हिगः शनिवाः छगु भर्चुअल सम्मेलनय् जय शंकरं गौतम बुद्ध भारतीय जूगु धका धाःगु खः ।
‘झीसं महान भारतीय धका म्हस्यूम्ह गौतम बुद्ध व महात्मा गान्धी खः,’ भारतीय विदेशमन्त्री जयशंकरं, ‘झीस जक मखू हलियमं भारतीयय् कथं म्हस्यू धका धाःगु खः ।’
थ्व स्वया न्ह्यः भारतीय प्रधानमन्त्री नरेन्द्र मोदीं तक बुद्ध भारतय् जन्म जूगु धका धाःगु खः । उकियात कया नेपालय् तसक विरोध जूगु खः । प्रधानमन्त्री मोदी नेपाल भ्रमणय् वःगु इलय् संसदय् सम्बोधन यायेगु झ्वलय् नेपाल बुद्ध भूमि जूगु धका धाःगु खः । तर निदँ न्ह्यः संयुक्त राष्ट्रसंघको महासभाय् मोदीं भारतं विश्वयात बुद्ध बिःगु धका धाःगु खः ।
नेपालया लुम्विनी जन्म जूम्ह गौतम बुद्धयात भारतीय तयेसे भारत हे जन्म जूगु धका दाबी याना वया च्वंगु खः । बुद्ध भारतय् जन्म जूगु धका भारतं नक्कली कपिलवस्तु तक दयेके धुकुगु खः ।
कोरोना हलियकं न्ह्यगु लाख स्वया अप्वः मनूत मन्त
लहनान्युज | गुंलागा ५ ११४०,साउन २४ सनीवाः
कोरोना भाइरस संक्रमणया कारण हलियकं सीपिनिगु ७ लाख ९ हजार स्वया अप्वःगु दु ।
विश्व स्वास्थ्य संगठनय् कोरोनाया कारण हलियकं ७ लाख ९ हजार ५११म्ह सी धुुकुगु दु ।
कोरोनां दकलय् अप्वः अमेरिका न्हापा व ब्राजिल ल्यु लाना च्वंगु दु ।
चीन सुरु जूगु कोरोना भाइरसया संक्रमण हलियकं २१६ गु थासय् फैले जुगु दु धका विश्व स्वास्थ्य संगठनं धाःगु दु ।
अमेरिकाय् कोरोनां सीपिं १ लाख ६१ हजार थ्यःन
लहनान्युज | गुंलागा ५ ११४०,साउन २४ सनीवाः
हप्किन्स विश्वविद्यालयया तथ्यांक कथं अमेरिकाय् कोरोना संक्रमणपि छगु लाख ६० हजार थ्यःगु दु ।
थ्व नाप कोरोना संक्रमितपि ४९ लाख स्वयन अप्वः जुइ धुकुगु दु ।
न्हुगु तथ्यांक कथं अमेरिकाय् कोरोना संक्रमितपि ४९ लाख ३७ हजार ४४१म्ह थ्यःने धुकुगु दु ।
अथेहे, सीपिनिगु ल्याः १ लाख ६१ हजार ३२८म्ह थ्यःगु दु ।
अमेरिका आहायो राज्यया गभर्नरयात न कोरोना संक्रमण पुष्टि जूगु दु ।
भारतया केरलाय् विमान दुर्घटनाय् १७म्ह मन्त
लहनान्युज | गुंलागा ५ ११४०,साउन २४ सनीवाः
भारतया केरलाय् एयर इन्डिया हवाई जहाज दुर्घटना जुया पाइलट नाप १७म्ह सीगु दु । उगु दुर्घटनाय् क्याबिन क्रुका य् धाःसा प्यम्हेसित छु न मजूगु दु ।
दुबई न वःगु उगु हवाईजहाज शुक्रवाः बहनि ७ः४१ बजे केरलाया कोझिकोड विमानस्थलय् दुर्घटना जूगु खः । अवतरणया यायेगु झ्वलय् रनवेय् चूलुया विमान ३५ फिट तापाक गालय् कुतु वःगु खः ।
वाः तसक वगुलि निकः तक अवतरण यायेगु प्रयास असफल जुइ वं स्वक्वःगु पटकया प्रयासय् उगु दुर्घटना जूगु खः ।
हवाईजहाजय् चालक दलया सदस्यपि नाप १९० म्ह दुगु खः । दुर्घटनाय् घाइते जूपि १२३ म्ह यात्रुपि अस्पताल भर्ना जुया च्वंगु दु । २०म्ह घाइते गम्भीर अवस्थाय् दु ।
भारतया नागरिक उड्डयनमन्त्री हरदीप सिंह पुरीं दुर्घटना जाँच यायेगु लागि निगु कमिटी गठन यानागु दु धका जानकारी बिःगु दु ।
फेसबुकय् डिलिट यात ट्रम्पं थःगु स्टाटस
लहनान्युज | गुंलागा ३ ११४०,साउन २२ बिहीवाः
फेसबुकय् अमेरिकी राष्ट्रपति डोनाल्ड ट्रम्पं थःगु पोष्ट डिलिट याःगु दु । कोरोना भाइरसबारे ट्रम्पं याःगु थःगु पोष्ट फेसबुकय् न्हापागु पटक डिलिट याःगु दु ।
फेसबुक कम्पनीया कथं अमेरिकी राष्ट्रपति ट्रम्पं गलत सूचना सेयर याःगुलि उगु पोष्टयात डिलिट याःगु खः ।
ट्रम्पं स्टाटस नाप फक्स न्युज च्यानललयात बिःगु अन्तरवार्ताया छगू भिडियो क्लिप न तःगु खः । उगु भिडियोलय् ट्रम्पं कोरोना भाइरसपाखे मस्त लगभग सुरक्षित दु धका धाःगु खः ।
फेसबुकया प्रवक्तां थुगु भिडियोलय् कोरोना भाइरसबारे गलत दाबी याःगु धका धाःगु खः । थ्व जिमिगु नीतिया उल्लंघन खः । जिमिसं कोरोना भाइरस संक्रमणया विषय गलत सूचनाया प्रवाह विरुद्धय् दु धका धाःगु दु ।
तर थुकिया बारे ह्वाइट हाउसं छु न प्रतिक्रिया धाःसा मवःनि ।
