भारतया चलचित्र ख्यलय् लोकह्वाम्ह गायक नाप संगीतकार बप्पी लहरी थौं सुथय् ७० दँय् मन्त।

लच्छि न्ह्यः उपचार याना सोमबाः जक लहरी अस्पतालं डिस्चार्ज जुगु खः। हाकन स्वास्थ्यय् समस्या वयेवं म्हिगः चान्ह्यः अस्पताल यकूगु खः।

बप्पी लहरी भारतय् डिस्को किंग कथं कायेगु याः।

बलिउड ख्यलय् सक्रिय लहरीया ’आइ एम अ डिस्को डान्सर’,’यार बिना चेन कहाँ रे’, ’रात बाँकी’, ’बम्बइ से आया मेरा दोस्त’ लगायत म्ये तसकं लोकह्वाःगु खः।

युक्रेनं थःगु सीमाय् तनाव अप्वयेधुंका रुसलिसे वार्ताया प्रस्ताव याःगु दु ।

युक्रेनया बिदेशमन्त्री दिमिट्रो कुलेबां रुसी अधिकारीत व युरोपेली सुरक्षा पुचःया दुजःतयेत ४८ घौया ई सीमा दुने वार्ताया नितिं ब्वनादीगु खः । बिदेशमन्त्री कुलेबां युक्रेनप्रतिया रुसी योजना पारदर्शी जुइमाःगु धका वार्ताया कुतनः जूगु धयादीगु दु ।

युक्रेनया सीमाय् छगू लख अप्वः रुसी सेनाया तैनाथी लिपा युक्रेन व रुस दथुइ ल्वापु जुइफइगु ग्याचिकु दथुइ युक्रेनं वार्ताया प्रस्ताव तःगु खः । अयेसां रुसं युक्रेनयात वार्ताया प्रस्तावया खँय् छुं नं लिसः बिउगु मदुनि ।

थ्वयान्ह्यः युक्रेनं भियना सम्झौताया भ्वँया खँय् अध्ययन यायेत रुसयात इनाप याःगु खः । युक्रेनयात पश्चिमा देय्तयेसं रुसं याये फइगु हताःया नितिं सचेत जुइत तक्वःमछि अपिल यायेधुंका युक्रेन सशंकित जूगु दु ।

थ्वयान्ह्यः हलिंया छगू दर्जन सिवें अप्वः देय्तयेसं युक्रेनय् दूगु थःपिनि नागरिकयात लितयेंकेधुंकुगु दु । नेटोय् युक्रेनयात आवद्ध याःगु विषयलय् रुष्ट जूगु रुसं युक्रेनयात हःताः यायेगु योजना दयेकाच्वंगु आशंका याःसा नं रुसं धाःसा खण्डन यानावःगु दु ।

संयुक्त राष्ट्रसंघीय शरणार्थी एजेन्सीया कार्यभारपि निम्ह अन्तर्राष्ट्रिय पत्रकारपिन्त अफगानिस्तानया राजधानीइ ज्वंगु दु धका शरणार्थीपिनिगु लागि संयुक्त राष्ट्रसंघीय उच्चायुक्त (यूएनएचसीआर) न धाउगु दु।

यूएनएचसीआर व उपि ज्या यानाच्वंगु अफगान नागरिकपि नाप ज्या याना च्वंपि पत्रकार काबुलय् कूगु दु धका धाउगु दु।

उपि पत्रकारपि मध्ये छम्ह बेलायती बीबीसीया पूर्वसंवाददाता एन्डु नर्थ खः।

फ्रान्सय् कोरोना प्रतिबन्ध व खोपया विरोध यायेगु निति पेरिसय् भेला जुगु दु।

फ्रान्सयक प्रदर्शनकारीपिन्स् शुक्रबाः क्यानडापाखे प्रेरित ’स्वतन्त्रता संरक्षण’ या नामय् पेरिसय् कोभिड–१९ खोप व सार्वजनिक स्वास्थ्य नीति विरोधय् सः थ्वयकूगु दु।

ग्वसाः खलकं शान्तिपूर्ण रूपं स्वतन्त्रता व मौलिक अधिकार उल्लङ्घनया विरोधय् सः थ्वयकेगु लक्ष्य खः धका दाबी याउगु दु। देयन्यक खोप व स्वास्थ्य प्रतिबन्धया विरोधीय् पटक पटक पेरिसया सार्वजनिक थासय्, यातायात बन्द यायेगु, घेराबन्दीया कुतः जुगुलिे शुक्रबाः चान्ह्यः प्रधानमन्त्री जँ कास्टेक्सं राजधानीइ ’ब्लक’ यायेगु छु न ¥यालीइ बन्देज तयेगु घोषणा याउगु खः।

आन्दोलनकारीपिन्स शुक्रबाः सुथय् तक ३ लाख स्वया अप्पो मनूत आन्दोलनय् सहभागी जुइगु धका फेसबूकपाखे घोषणा यायेवं फ्रान्सया सरकारं प्रतिबन्ध तयेगु निर्णय याउगु खः। शुक्रबाः चान्ह्यः तक राजधानी थ्यकेगु लक्ष्य तया दक्षिणं निस, ब्ययोन, पर्पिन्यियँपाखे यक्को आन्दोलनकःमिपि पेरिसपाखे वयेत्यःगु दु।

हलिंया स्वँ धाइगु ब्राजिलया अमेजन जंगल फडानी थगुने स्वयां न्यादुगलं अप्वःगु दु ।

सरकारी स्याटेलाइट तथ्याङक कथं जनवरीइ ब्राजिलया अमेजनय् पाःगु सिमाया ल्याः थगुने व हे महिनाया वन फँडानी स्वयां यक्व हे अप्वः खनेदुगु खः । नष्ट याःगु क्षेत्र २०२१ स्वयां न्यादुगं तःधं । जुन २०१५य् रेकर्ड तयेगु न्ह्यासांनिसेंया थ्व दक्कले अप्वः जूगु धाःगु दु ।

वातावरणविद्तय्सं ब्राजिलया राष्ट्रपति जैर बोल्सोनारोयात वन विनाशयात तीव्रता बीत अनुमति ब्यूगु द्वपं ब्यूगु दु । जलवायु ह्यूपाःलिसे ल्वायेगु खःसा अमेजनया सुरक्षा याये आवश्यक दुगुलिइ हलिंन्यंकया नेता व वातावरणविद्त एकमत दु ।

अमेजनय् विश्वव्यापी खाद्य कम्पनीतय्त आपूर्ति यायेत बाली पीगुलिसें सिँया लागिं मिसा पालेगु याः । थगुने ग्लासगोय् जूगु जलवायु ह्यूपाः शिखर सम्मेलनय् सच्छि स्वयां अप्वः सरकारतय्सं २०३० तक्कय् वन फँडानी दिकेगु व पुइकेगु बचं ब्यूगु खः ।

ब्राजिलया अन्तरिक्ष एजेन्सी इनपेया लिपांगु स्याटेलाइट डाटां थुकिया विशाल वर्षावनया संरक्षण यायेत ब्राजिल सरकारया प्रतिबद्धताय् हाकनं न्ह्यसः थंगु वातावरणविद्तय्सं धाःगु दु ।

जनवरीइ मुक्कं ४सः व ३० वर्ग किलोमिटर वन फँडानी जूगु दु । थ्व क्षेत्र अमेरिकाया न्यूयोर्क स्वयां न्हय्दुगं तःधं ।