जसिन्डा आर्डर्नं छु दिं लिपा न्यूजील्यान्डया प्रधानमन्त्री पद त्वःतिइगु जुगु दु। वंगु खुदँ ‘चुनौतीपूर्ण’ पदय् च्वने धुका आः प्यदँतक योगदान यायेत विशेष छु न ल्यःमदुगु वयकःया बिचाः दु।

वयकलं वइगु दिं न चुनाव ल्वायेमखु धका धाःगु दु। आर्डर्नं फेब्रुअरी ७ तक लेबर पार्टीया नेतां राजीनामा बिइगु धका समाचार संस्था एपीं धाःगु दु। आर्डर्नं राजीनामा बिइ धुका भावी दलया नेताय् चुनाव जुइगु दु ।

सन् २०१७ य् प्रधानमन्त्री पद कःघाःगु इलय् ३७ दँ जक दुगु खः। आर्डर्नं उगु इलय् हलियकं दकलय् क्वकालिया मिसाम्ह राज्य प्रमुख जुगु खः।

आर्डर्नया कार्यकालय् कोरोना महामारी, क्राइस्टचर्च मस्जिदय् गोली हानाहान थे जाःगु चुनौतीया सामना यायेमाःगु खः।

चीन जुया लिहावःपि यात्रुपिन्त मोरक्कों प्रतिबन्ध तःगु दु। वइगु जनवरी ३ निसे मोरक्कोय् चीन जूया वइपि यात्रीपिन्त प्रवेशय् प्रतिबन्ध तःगु खः।

अष्ट्रेलिया व क्यानडा न चीनपाखे वःपि यात्रुपिन्त कडा याःगु दु । अष्ट्रेलिया व क्यानडा दुहावःपिन्स आः चीन व हङकङ जुया वःपि यात्रुपिन्स ४८ घौं दुनेया रिपोर्ट कोरोना नेगेटिभ जुइमाःगु याःगु दु।

क्यानडां पब्लिक हेल्थ एजेन्सी (पिएचएसी) या कथं चीन व हङकङपाखे वइपि यात्रुपिन्स कोरोनाया नेगेटिभ रिपोर्ट अनिवाय याःगु दु ।

भारतीय प्रधानमन्त्री नरेन्द्र मोदीया मां मन्त। मोदीया मां हिराबेन १०० दँय् थौं शुक्रबाः सुथय् ३ः३० बजे मदुगु खः।

स्वास्थ्यय् समस्या वयेवं हिराबेनयात अहमदाबादया यूएन मेहता अस्पतालय् भर्ना याःगु खः। प्रधानमन्त्री मोदीं थौं सुथय् सामाजिक सञ्जालपाखे थः मां मदुगु धका पुष्टि याःगु दु।

मोदीं ट्वीट यासे धाःगु दु, ‘शानदार शताब्दीया ईश्वरया चरणय् बिराम‘ । मां जिं न्ह्यावलय् त्रिमूर्तिया अनुभूति यानागु दु, उकिइ छम्ह तपस्वीया यात्रा, निष्काम कर्मयोगीया प्रतीक व मूल्यप्रति प्रतिबद्ध जीवन समाहित दु ।

चीनय् खनेदुगु कोरोना संक्रमणया न्हुगु भेरियन्ट भारतय् खनेदुगु दु।

चीनय् खनेदुगु कोरोना संक्रमणया स्वंगु भेरियन्ट भारतय् तक खनेदुगु दु। भारतया गुजरात व ओडिसाय् उगु भेरियन्ट खनेदुगु खः।

कोरोनाया न्हुगु भेरियन्ट चीनय् मदिक्का संक्रमणपि अप्पोया वनाच्वंगु दु। उगु हे प्रजातिया भेरियन्ट भारतय् तक खनेदुगु दु।

थुगु ओमिक्रोनया सबभेरियन्ट बीएफ ७ खः।

चीनय् कोरोना संक्रमणया न्हुगु लहर फैलै जुया वयाच्वंगु दु।

विश्व स्वास्थ्य संगठन (डब्ल्यूएचओ) न चीनय् कोरोना लहरप्रति च्यूता प्वकूगु दु।

डब्ल्यूएचओया इमरजेन्सी चिफ डाक्टर माइकल रायनं चिनियाँ अधिकारीपिन्स बिरामीपिनिगु ल्याः म्हो जूसा अस्पतालया आईसीयू बेड अप्पो बिरामी जुयावःगु विषय च्यूता काःगु दु। जेनेभाया छगु ज्याझ्वलय् वयकलं धाःगु दु, ‘यक्को संक्रामक कोरोना भाइरसयात सार्वजनिक स्वास्थ्य व सामाजिक नियमह जकं पनेफइमखु धका धाःगु दु।

खोप अभियानपाखे हे जक पनिइगु छगु उपाय जुइफु।’ चिनियाँ अधिकारीपिन्स कोरोनाया लिपागु लहरया कारणं वंगु मंगलबाः न्याम्ह व सोमबाः निम्ह सी धुकुगु दु।