नेकपा एमाले न पदाधिकारीपि व्यापक हेरफेर यायेगु प्रस्ताव याउगु दु।

आः उपमहासचिव पद हटे याना उपाध्यक्ष न्याम्ह व सचिव खुम्ह दइगु ब्यवस्था याउगु दु। थौं यलया गोदावरीइ शुरु जुगु विधान महाधिवेशनय् सहभागी जुइपि प्रतिनिधिपिन्त वितरण याउगु विधान संशोधन प्रस्तावय् उपाध्यक्ष न्याम्ह दइगगु व्यवस्था दु।

थ्व स्वया न्ह्यः केन्द्रीय कमिटीइ प्रस्तुत विधान संशोधन मस्यौदाय् स्वम्ह उपाध्यक्ष जक व्यवस्था दु। आः न्ह्यम्ह दयकेमाः धका नेतापिन्स बःबिउगु दु। थ्व स्वया न्ह्यः उपमहासचिव निम्ह तयेगु  प्रस्ताव याउगु खः।

आः उपमहासचिव पद हे खारेज याउगु दु। सचिब न्ह्यम्ह दुगुलि आः घटे याना खुम्ह याउगु दु। न्हुगु प्रस्तावय्, ‘अध्यक्ष –१, उपाध्यक्ष –५, महासचिव –१, सचिव –६ व सदस्य २१२ म्ह याना २२५ म्ह सदस्यीय केन्द्रीय कमिटी निर्वाचित जुइ।’

नाप प्रदेश कमिटीया अध्यक्षपि केन्द्रीय कमिटीया पदेन सदस्य ज्इगु कथं विधान संशोधन प्रस्तावय् उल्लेख याउगु दु।

बिश्वय् न्ह्यगुगु थासय्, ८ हजार १६७ मिटर तःजागु धवलागिरि हिमाल न्हापागु पटक नेपाःया मिसां सफल आरोहण याउगु दु। धवलागिरि गाउँपालिका–४ य् च्वंगु हिमाल पूर्णिमा श्रेष्ठं सफल आरोहण याउगु खः।

काठमाडौंया सेभेन समिट ट्रेकिङ कम्पनीपाखे श्रेष्ठ वंगु असोज २ गते मुस्ताङया मार्फापाखे पैदलमार्ग जुया धवलागिरि हिमाल आरोहणय् वंगु खः। सेभेन समिट टे«किङया सञ्चालक मिङ्मा शेर्पा न पूर्णिमा नाप थःगु कम्पनीया २० म्हेसिया थौं सुथय् ५ः०० बजे धवलागिरिया सफल आरोहण याउगु दु धका जानकारी बिउगु खः।

‘धवलागिरि हिमालय् नेपाली मिसां न्हापागु पटक आरोहण यायगु खः’, वयकलं धाउगु दु ‘धवलागिरिइ थ्व स्वया न्ह्यः नेपाली मिसा सफल आरोहण याउगु रेकर्ड मदु।’ श्रेष्ठनाप माया शेर्पा लगायतपिन्स आरोहण याउगु दु मदु धास पुष्टि जुइ ल्यःदनी धका शेर्पा।

पत्रकार तक जुयादीम्ह गोरखा आरुघाटया पूर्णिमा यागु टोलीं थ्व स्वया न्ह्यः वंगु वैशाख ३ गते म्याग्दीया अन्नपूर्ण गाउँपालिका–४ नारच्याङस्थित ८ हजार ८१ मिटर तजाःगु अन्नपूर्ण न्हापां हिमालया सफल आरोहण याउगु कीर्तिमान तःगु खः। पूर्णिमापिनिगु टोली अन्नपूर्ण हिमाल आरोहण यापि न्हपागु नेपाली मिसापि खः। पूर्णिमा कारोबार आर्थिक दैनिकय् कार्यरत पत्रकार खः। नेवाः पत्रकार राष्ट्रिय दबुया गोरखा कचाःया दुजः खः।

थ्व स्वया न्ह्यः सन् २०१८ य् सगरमाथा, २०१७ य् मनास्लु व २०१९ य् आमादब्लम हिमालया आरोहण याये धुकुगु दु।

थौं लुँ तोलाय् ९ सय रुपैयाँ थहावंगु दु।

छु दिंनिसे लगातार घटे जुयाच्वंगु लुँया भाः थौं गुसः थहावना तोलाया ८९ हजार ६ सय रुपैयाँ थ्यंगु दु धका नेपाल सुनचाँदी व्यवसायी महासङ्घ न धाउगु दु।

अथेहे वहः तोलाया न झीतका थहावंगु दु। वहः तोलां झीतका थहावना ११ सय ४० रुपैयाँ निर्धारण जुगु दु धका महासङ्घं धाउगु दु।

नेपाली कांग्रेसया वंगु १४ क्वःगु महाधिवेशन अन्तर्गत महानगरपालिका अधिवेशनय् येँ महानगरपालिका समितिइ सभापतिया नितिं येँ महानगरय २५ वडाध्यक्ष निलकाजी शाक्यं उम्मेदवारी घोषणा याःगु दु।

लोकतन्त्र व विधिया शासनया पक्षय् साढे ४ दशकनिसें यात्रा अविचलित जुयाः कायम याःम्ह शाक्यं छगू विज्ञप्ति सार्वजनिक यानाः उम्मेदवारी घोषणा याःगु खः। शाक्य २०३३ सालय् विपी कोइरालां न्ह्याकूगु राष्ट्रिय मेलमिलाप नीतिपाखें कांग्रेस आवद्ध जूगु खः। नेपाल तरुण दलया केन्द्रीय दुजः जुयाः आः येँ महानगरपालिका २५ वडाया वडानायः जुयाः जनताया सेवा यानाः वयाच्वंगु दु।

असोज १६ गते शनिवाः जुइत्यंगु महानगर अधिवेशनय् क्षेत्री प्रतिनिधिपिन्सं थःगु एजेण्डा, त्याग, तपस्या व समर्पणया कदर याइगुलिं शाक्यं विश्वास काःगु दु। २०३६ सालया विद्यार्थी आन्दोलन, २०३७ सालया जनमत संग्रह, २०४२ सालया सत्याग्रहनिसें २०४६ सालया जनआन्दोलन हरेक राजनीतिक क्रान्तिया धारय् दनाः वयाच्वंम्ह शाक्य २०४३ सालय् राष्ट्रिय विद्यार्थी युनियन, पब्लिक युथ क्याम्पसय् सभापति जुयाः ज्या यायेधुंकूगु दु।

नेता शाक्य आरसीटी क्लबया फुटबल कासामि जुयाः बक्सिङ, ब्याडमिन्टन व टेबल टेनिसया कासामि नं खः। शाक्य नेपाःया पंचायतकालीन राजनीतिक सत्यता पृष्ठभूमियात कःघानाः निर्माण याःगु ‘बलिदान’ नांया संकिपाय् क्रुर दमनकारी निरंकुश अंचलाधीशया भूमिकाय् म्हितादीगु खःसा उगु हे संकिपा ‘बलिदान’या अंचलाधीश कथं नं लोकंह्वाःम्ह कलाकार खः ।