Display Style:
Column Style
खोटाङय् ४.२ म्याग्निच्युटया भुखाय् ब्बंल
शोभा श्रेष्ठ | दिल्लाथ्व चतुर्दशी ११४१,साउन ८ शुक्रवाः
खोटाङय् थौं बहनि भुखाय् ब्बंगुदु।
थौं शुक्रबाः बहनिसिया ६ बजे जुया ५७ मिनेटय् भुखाय् ब्बंगु दु धका राष्ट्रिय भूकम्प मापन केन्द्रं धागु दु।
केन्द्रया कथं बहनि ६ बजे जुया ५७ मिनेटय ४.२ म्याग्निच्युटया भुखाय् ब्बंगु दु धका धागु खः।
अथेहे थौं सुथय् न सल्लाघारी जःखः केन्द्रविन्दु जुया ३.५ म्याग्निच्युटया भुखाय् ब्बंगु खः।
येँ थौं थप ४१० म्ह कोरोना पुष्टि
लहानान्युज | दिल्लाथ्व चतुर्दशी ११४१,साउन ८ शुक्रवाः
स्वास्थ्य तथा जनसंख्या मन्त्रालयया कथं थौं दकलय् येँ ४१० म्हेसित कोरोना सक्रमित जूगु दु।
अथेहे, झापा् ३०१, चितवनय् १८६, कास्कीइ १७६, यलय् १३४ व सुनसरीइ १०५ म्हेसित कोरोना संक्रमण पुष्टि जूगु दु।
अथेतु मोरङय् ९५, ख्वपय् ६९, नवलपरासी पूर्वय् ६६, मकवानपुरय् ४२, रुपन्देहीइ ३४, नुवाकोटय् ३३, गोरखाय् ३०, दाङय् २९, बागलुङय् २६ म्हेसित कोरोना संक्रमण पुष्टि जुगु दु।
अथेहे धनकुटा व म्याग्दीइ १६÷१६ म्ह, इलामय् १३, काभ्रेपलाञ्चोय् १२, रामेछाप व तनहुँइ ११÷११ म्ह व धादिङय् १० म्हेसित कोरोना संक्रमित पुष्टि जूगु दु धका मन्त्रालयं धागु दु।
देयन्यक २,९७७ म्ह कोरोना संक्रमण पुष्टि
शोभा श्रेष्ठ | दिल्लाथ्व चतुर्दशी ११४१,साउन ८ शुक्रवाः
वंगु २४ घण्टाया दुुने देयन्यक २,९७७ म्हेसित कोरोना संक्रमण पुष्टि जुगु दु।
स्वास्थ्य तथा जनसंख्या मन्त्रालयया कथं १३६९८ म्हेसिगु पीसीआर परीक्षण यागुलि १९८२ म्ह व ३६१० म्हेसिगु एन्टीजेन परीक्षण यागुलि ९९५ म्ह याना २९७७ म्हेसित कोरोना संक्रमण पुष्टि जुगु दु।
अथेहे कोरोना संक्रमणं १८ म्ह सीगु दु सा १६७८ म्ह कोरोनामुक्त जुगु दु। शुक्रबाः थपे जुगु नाप नेपालय् कोरोना संक्रमितपि ६ लाख ७६ हजार ७०८ म्ह थ्यंगु दु। उकि मध्ये ९ हजार ६७९ म्ह सी धुकुगु दु सा ६ लाख ३९ हजार ३६८ म्ह संक्रमणमुक्त जुगु दु।
मन्त्रालयया कथं आःतक देयन्यक सक्रिय संक्रमितपि २७ हजार ६६१ म्ह थ्यंगु दु। उकि मध्ये २४ हजार ९८३ होम आइसोलेसनय् दु सा २ हजार ६७८ म्ह संस्थागत आइसोलेसनय् च्वना च्वंगु दु।
कोरोनाया बिरामी मध्ये ६८२ म्ह आईसीयू व १७५ म्ह भेन्टिलेटरय् च्वना उपचार याना च्वंगु दु।
कन्हेनिसें ताःहाकगु दूरीया यातायात न्ह्याइगु
दिल्लाथ्व चतुर्दशी ११४१,साउन ८ शुक्रवाः
जिल्ला प्रशासन ज्याकू येँ नं शनिबाःनिसें मध्यम व तःहाकगु दूरीया सार्वजनिक यातायात न्ह्याके बिइगु जूगु दु । यातायात न्ह्याकेत माःगु व्यवस्था यायेत प्रशासनं यातायात व्यवसायीपिन्त इनाप तकं याःगु दु ।
जिल्ला प्रशासन ज्याकुथिं शुक्रबाः छगू सूचं न्ह्यब्वसें त्रिभुवन विश्वविद्यालय व लोकसेवा आयोग लगायतया परीक्षायात ध्यान तसें तोके यानातःगु मापदण्ड पूवंका सार्वजनिक यातायात न्ह्याकेत उजं बिउगु खः ।
प्रशासनया विज्ञप्ति न्ह्यथनातःगु दु कि “मन्त्रीपरिषदया मिति २०७८–०४–०४या निर्णय कथं त्रिभुवन विश्वविद्यालय व लोकसेवा आयोग लगायतपाखें परीक्षाया ज्याझ्वः सार्वजनिक जूगुलिं देय्या थीथी थासं जुइगु परीक्षा व सर्वसाधारणया वय्वनेगु यात अपुकेत स्वनिगःया दक्वः यातायात व्यवसायीपिन्सं सरकारं तोके यानातःगु जनस्वास्थ्य मापदण्ड पूवंका मध्यम लिसें ताःहाक दूरीया सार्वजनिक यातायात न्ह्याकेगु व्यवस्था यायेत इनाप दु ।”
अथेहे प्रशासनं अनिवार्य रुपं काउण्टरपाखें टिकट कया जक यात्रा यायेत यात्रुपिन्त इनाप नं याःगु दु ।
गण्डकी प्रदेशय् नवनियुक्त मन्त्रीपिन्स शपथ काल
लहानान्युज | दिल्लाथ्व चतुर्दशी ११४१,साउन ८ शुक्रवाः
गण्डकी प्रदेशय् नवनियुक्त खुम्ह मन्त्रीपिन्त पद व गोपनीयताया शपथ काःगु दु।
कांग्रेस व माओवादीया स्वम्ह स्वहसिया प्रदेश प्रमुख सीताकुमारी पौडेलपाखे पद तथा गोपनीयताया शपथ कागु दु।
माओवादी अर्थमन्त्री रामजी बराल, भूमि व्यवस्था, कृषि, सहकारी, तथा गरिबी निवारण मन्त्री चन्द्रबहादुर बुढा, वन, वातावरण तथा भू–संरक्षण मन्त्रीमा दीपक थापां शपथ कागु दु। कानुन, सञ्चार तथा प्रदेशसभा मामिला मन्त्रीय् कांग्रेसया विन्दुकुमार थापा, शिक्षा, संस्कृति, विज्ञान, प्रविधि तथा सामाजिक विकास मन्त्रीमा मेखलाल श्रेष्ठ, पर्यटन, उद्योग वाणिज्य तथा आपूर्ति मन्त्रीमा मणिभद्र शर्मा कँडेलं शपथ कागु खः।
