स्वास्थ्य तथा जनसंख्या मन्त्रालयया कथं दकलय् अप्वो येँ ४४१म्हेसित कोरोना सक्रमण जुगु दु।

अथेहे कास्कीइ २०८, यलय् १६७, ख्वपय् १०० व सुनसरीइ ९६ म्हेसित कोरोना संक्रमण पुष्टि जुगु खः।

मोरङय् ९२, चितवनय् ६०, नुवाकोटय् ५५, झापाय् ३४, नवलपरासी पुवय् ३१, गोरखाय् ३०, स्याङजाय् २५, रुपन्देहीइ २४, धादिङय १९, दाङ व लमजुङय् १३÷१३ म्ह व म्याग्दीइ १० म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाया दुने देयन्यक १,८०१ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं ८७०४ म्हेसिगु पीसीआर परीक्षण यागुलि १५४८ म्हेसित व २६२२ म्हेसिगु एन्टीजेन परीक्षणय् २५३ म्ह याना १,८०१ म्हेसित कोरोना संक्रमण पुष्टि जुगु दु।

अथेहे वंगु  २४ घण्टाया दुने कोरोना संक्रमणं २४ म्ह सीगु दु सा मृत्यु भएको छ भने १ हजार ९२४म्ह कोरोना सक्रमणमुक्त जुगु दु।

सोमबाः थपे जुगु नाप नेपालय् कोरोना संक्रमितपि ७ लाख ४८ हजार ९८१ म्ह थ्यंगु दु।अथेहे सीपि १० हजार ५३३ म्ह थ्यंगु दु सा ७ लाख ९७ म्ह संक्रमणमुक्त जुगु दु।

जापान सरकारया अनुदानं उपलब्ध यागु एस्ट्राजेनिका खोप नेपाल थ्यंगु दु।

जापान सरकारं कोभ्याक्स सुविधापाखे अनुदान उपलब्ध यागु ५ लाख ५९ हजार डोज खोप थौं सोमबाः येँ थ्यंगु दु। स्वास्थ्य तथा जनसंख्या मन्त्रालयया प्रवक्ता डा. कृष्णप्रसाद पौडेलया कथं सोमबाः वयेवं जापानपाखे अनुदानय् उपलब्ध यायेवं १६ लाख १४ हजार ७४० मात्रा खोप थ्यंगु दु।

थ्व स्वया न्ह्यः साउन २३ व २४ गते ९ लाख मात्रा व थ्व हे भदौ ५ गते २ लाख ८ हजार ७ सय मात्रा खोप नेपाल वये धुकुगु दु। जापानपाखे उपलब्ध यागु खोप प्रदेश १ व २ या ज्येष्ठ नागरिकपिन्त बिइगु धका जानकारी बिगु खः।

वंगु फागुनय् कोभिशिल्ड काये धुकुपि ६५ दँया च्वय् दुपि ज्येष्ठ नागरिकपिन्त मन्त्रालयं एस्ट्राजेनिका खोप बिइत्यंगु खः। भारतपाखे खरिद याना कोभिशिल्ड खोप मवयेवं सरकारं जापानपाखे अनुदान कया एस्ट्राजेनिका खोप हःगु खः।

येँया बुद्धनगरय् बौद्ध भावना केन्द्रय् प्रतिस्थापित बुद्ध मूर्तिया थौं छगु ज्याझ्वः दथुइ येँ महानगरया मेयर विद्यासुन्दर शाक्यं अनावरण यानादीगु दु। केन्द्रया न्हुगु भवन धम्महलय् ध्यान मुद्राय् च्वना बिज्याम्ह वुद्धया प्रतिमा अनावरण यानादीगु खः।

मूर्ति अनावरणलिपा मेयर शाक्यं, बुद्धया आदर्श व लुम्बिनीया पहिचानया निति राज्यया पाखे लगानी अप्वोकागु दु धका धयादीगु दु। ‘बुद्ध नेपालय् जन्मे जुगु तर बिहार धाःसा मेमेपिनिगु देशया ग्वाहालि निर्माण जुगु दु। बिहार सू ना दयकल धासा गुलिं  श्रीलङका, थाइल्याण्ड, जापानं दयकल धका लिसः वइ।

तर नेपाःया नां कम जक वइ। उकिइ जिगु नेतृत्वय् येँपाखे निर्वाचित जनप्रतिनिधिपिनिगु सामुहिक निर्णय याना नेपाली बज्रयान परम्पराया विहार निर्माण यायेत ग्वाहालि यायेत न्ह्याकूगु खः। थ्व स्वया न्ह्यः दातापिनिगु ग्वाहालि जक विहार निर्माण जुयाच्वंगु खः। जिपि वये धुका राज्ययागु न उपस्थिति खनेदुगु खः।’ महानगरं लुम्बिनीइ नेपाली शैलीया विहार दयकेत ग्वाहालि यनागु दु। येँ वडा २८ य् वुद्ध विहार, वडा ५ य् नर विहार लगायत मेमेगु ग्वाहालि याना विहार दयकेगुलि ग्वाहालि यानागु दु। मेयर शाक्यं धयादीगु खः।

उगु प्रतिस्थापित प्रतिमा बाबुकाजी शाक्यया परिवारं थः मदुपि मा अबु, जहान व काय् या नामय् दान यानादीगु खः। प्रतिमाय् प्रतिस्थापनया यायेत भिक्षु इन्दक स्थविरं शील प्रदान यानादीगु खःसा भिक्षु संघपाखे वुद्धाभिषेक (मंगल पाठ) व बुद्ध पूजा यानादीगु खः। भिक्षु ञाणाबुध स्थविरं उपदेश बियादीगु खः।

ज्याझ्वः लिपा मेयर शाक्यं धम्महल भवनया अवलोकन यानादीगु खः। भवन दयकेत महानगरं करीव ४ करोड रुपैयाँ आर्थिक सहयोग उपलब्ध यागु खः।

सत्तारुढ भारतीय दल भाजपाया विदेश विभाग प्रमुख विजय चौथाइवोले न थौं सुथय् एमाले अध्यक्ष नाप पूर्वप्रधानमन्त्री केपी शर्मा ओली नापलागु दु।

उगु भेटवार्ताय् नेपाल व भारत दथुइ निगुपक्षीय सम्बन्ध खँल्हाबल्हा जुगु दु धका चौथाइवाले न ट्वीटपाखे जानकारी बिगु खः। नेपाली कांग्रेसया ब्बनाय् येँ वम्ह चौथाइवाले न मेमेगु दलया शीर्ष नेतापि नाप ना नापलायेगु ज्याझ्वः दु।

म्हिगः बहनि प्रधानमन्त्री नाप कांग्रेस सभापति शेरबहादुर देउवायात नापलागु खः।