नेपालभाषाया नांजाःम्ह कवि पूर्ण वैद्य अस्पताल भर्ना जुयादीगु दु।

कवि बैद्य कोराना संक्रमण जुयाः निदान अस्पतालय् भर्ना जुयादीगु खः। वयकःयात कब्जियत जुयाः निदान अस्पताल भर्ना जुगु खः।

अस्पताल भर्ना जुया स्वाब परीक्षण याःबलय् वय्कःयात कोरोना पोजिटिभ खनेदुगु खः।

अस्पतालं वय्कःयात कोरोनाया उपचार यानाच्वँच्वं हे सुधार मजुसेंलि भेन्टिलेटरय् तयेमाःगु खः।

नेपाली कांग्रेसया वरिष्ठ नेता रामचन्द्र पौडेल पक्षया जिल्ला सभापतिपि च्वंगु धर्नाय् नेता गोपालमान श्रेष्ठं न ऐक्यबद्धता क्यंगु दु।

कांग्रेस केन्द्रीय कार्यालय सानेपाय् वना श्रेष्ठं धर्नाय्  ऐक्यबद्धता क्यनादीगु खः। नेपाली कांग्रेसया क्रियाशील सदस्यताया सूचीइ सार्वजनिक याये माःगु लगायतया स्वंगु बुँदे माग तया पौडेल पक्षया जिल्ला सभापतिपिन्स थौं निसे धर्ना सुरु यागु खः।

थ्व स्वया न्ह्यः जिल्ला सभापतिपिन्स सभापति शेरबहादुर देउवायात भदौ ७ गते तक ई बिगु खः।

नेपाल भ्रमणय् वयाच्वम्ह भारतीय विदेश विभाग प्रमुख विजय चौथाइवाले न थःनाप जुगु दक्को राजनीतिक दलया शीर्ष नेतापिन्स भारत नाप सम्बन्धयात अझ बालाकां यंकेगु इच्छा व्यक्त यागु दु धका धागु दु।

आइतबाः नेपाल भ्रमणय् वम्ह वयकलं नेपालया प्रमुख राजनीतिक दलपि नाप भेटवार्ता यागु खः। थौं  न थीथी राजनीतिक दलया नेतापि नाप भेटघाट यायेगु ज्याझ्वः दु।

थः नाप जुगु भेटबारे छगु संक्षिप्त प्रेस नोट सार्वजनिक यासे  चौथाइवाले न नेतापि नाप फरक व विविधता दुगु खःसा मंकाः विषय चाहिं दक्को नेतापिन्स भारतनाप सम्बन्धयात अझ बालाका यकेमाःगु बिचाः दु धका धागु दु।

चौथाइवालें नेपाली कांग्रेसया सभापति शेरबहादुर देउवा, प्रमुख प्रतिपक्ष दल नेकपा एमालेया अध्यक्ष केपी शर्मा ओली, नेकपा माओवादी केन्द्रया अध्यक्ष पुष्पकमल दाहाल व मधेशवादी नेता महन्थ ठाकुरनाप नापलाये धुकुगु दु।

नेपाल आयल निगमं पेट्रोलियम पदार्थया भाः हाकन थकागु दु।

म्हिगः चान्ह्यः १२ बजेनिसे लागू जुइ कथं निगमं डिजेल, पेट्रोल व मचिकं नाप एलपी ग्यासया भाः थहावंगु दु धका निगमया प्रवक्ता विनितमणि उपाध्यायं जानकारी बिगु दु।

डिजेल, पेट्रोल व मचिकनय् नितका थकागु खः। आः पेट्रोल प्रतिलिटर १३० रुपैयाँ, डिजेल व मचिकं ११३ रुपैयाँ व हवाई इन्धन ८६ रुपैयाँ कायम जुगु धका निगमया प्रवक्ता उपाध्यायं जानकारी बिगु दु।

एलपी ग्यास प्रति सिलिण्डर २५ रुपैयाँ थकया १ हजार ४५० कायम जुगु दु धका निगमं धागु दु।

थौं किपूलिइ सांकेतिक रुपं सायाः पिकागु दु। बाघभैरव द्यःया थाय् गणेश पुजा व ख्वापाः लल्हाना बिइ धुका देय् चाहिगु खः।

उगु जात्राय् किपूया मेयर रमेश महर्जनया न ब्बति दुगु खः।

 किपाः बिरेन्द्र शाक्य