नेपालया लागि भारतीय राजदूत विनयमोहन क्वात्रा न नेकपा माओवादी केन्द्रया अध्यक्ष पुष्पकमल दाहाल प्रचण्ड नाप भेटवार्ता यागु दु।

भारतीय प्रधानमन्त्री नरेन्द्र मोदीं प्रधानमन्त्री शेरबहादुर देउवायात फोन याना भिंतुना बिगु कन्ह्य कुन्हु हे राजदूत क्वात्रा प्रचण्ड निवास खुमलटार वंगु खः।

प्रचण्डं बुधबाः स्थायी कमिटी सदस्यपिन्त कंगु राजदूत क्वात्रां न्ह्याम्ह सरकारय् वंसा बालागु सम्बन्ध कायम याना न्ह्यावनेगु धका धागु दु।

नेपाली कांग्रेसया सांसद अमरेश कुमार सिंह न पार्टी सभापति नाप प्रधानमन्त्री शेरबहादुर देउवायात सांसद पदपाखे राजीनामा बियागु पौ बुझे यागु दु।

क्रियाशील सदस्यता विवादयात कया नेता सिंह न बुधबाः प्रधानमन्त्री देउवायात नापलाना राजीनामा पौ बुझे यागु दु। क्रियाशील सदस्यता विवादयात कया कांग्रेस पार्टी कार्यालय सर्लाहीया नेता व कार्यकर्तापिन्स धर्ना बियावया च्वंगु खः।

उमिसं पार्टी विधान विपरीत क्रियाशील सदस्यता बिगुलि रोके याये माःगु माग यागु खः। धर्नाय् च्वना च्वपिनिगु मागय् ऐक्यवद्धता क्यना सांसद सिंह न राजीनामा बुझे यागु खः।

स्वास्थ्य तथा जनसंख्या मन्त्रालयया कथं थौं येँ जक ४९० म्हेसित कोरोना सक्रमण पुष्टि जुगु दु।

अथेहे कास्कीइ१८५, झापाय् १७०, चितवनय् १६३ यलय् १२८ म्हेसित कोरोना संक्रमण पुष्टि जुगु दु। अथेहे ख्वपय् ७९, सुनसरीइ ५२, तनहुँय् ४७, रुपन्देहीइ ४१, मकवानपुरय् ३५ व पाल्पाय् ३२ म्हेसित कोरोना संक्रमण पुष्टि जुगु दु।

अथेतु, बागलुङय् २९, जुम्लाय् २७, कैलालीइ २६, काभ्रे व दाङय् २५÷२५ म्ह, मोरङय् २१, धादिङ, सिन्धुपाल्चोक व नवलपरासी पूर्वय् १९÷१९ म्ह, दोलखा व कञ्चनपुरमा १८÷१८ म्ह, धनकुटा व बर्दियाय् १६÷१६ म्ह, नुवाकोटय् १५, लमजुङ व स्याङजाय् १४÷१४ म्ह, म्याग्दी व गुल्मीइ १३÷१३ म्ह व रसुवाय् ११ म्हेसित कोरोना संक्रमण पुष्टि जुगु दु धका मन्त्रालयं धागु दु।

वंगु २४ घण्टाया दुने थप २,८३८ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ८,७१५ म्हेसित पीसीआर परीक्षणय १,९१८ म्ह व ३,९०१ म्हेसिगु एन्टिजेन परीक्षणय् ९३१ म्ह याना २,८३८ म्हेसित संक्रमण पुष्टि जुगु दु।

वंगु २४ घण्टाया दुने कोरोना संक्रमणमुक्त जूपि १,४७५ म्ह थ्यंगु दु सा ३० म्ह मनू सीउगु दु। थौं थपे जूपि नाप आःतक नेपालय् कोरोना संक्रमितपि ६ लाख ७२ हजार ८७१ म्ह थ्यंगु दु।

अथेहे आःतक ९ हजार ६३७ म्ह मनू सी धुकुगु दु सा ६ लाख ३६ हजार ४०२ म्ह संक्रमणमुक्त जुइ धुकुगु दु। मन्त्रालयया कथं आःतक देयन्यक सक्रिय संक्रमितपि २६ हजार ८३२ म्ह दु।

उकि मध्ये २४ हजार ३४० म्ह होम आइसोलेसनय् च्वना च्वंगु दु सा २ हजार ४९२ म्ह संस्थागत आइसोलेसनय् च्वनाच्वंगु दु। कोरोनाया बिरामीपि मध्ये ६२७ म्ह आईसीयू व १७१ म्ह भेन्टिलेटरय् उपचार यानाच्वंगु दु।

त्रिभुवन विश्वविद्यालय पुल्चोक ईञ्जिनियरिङ्ग क्याम्पसया विद्यार्थीपिन्स संचालन यागु गैर सरकारी संस्था ‘लोकस’ न वृक्षरोपण ज्याझ्वः यागु दु।

इलेक्ट्रिकल, इलेक्ट्रोनिक्स व कम्प्युटर विभागयाा विद्यार्थीपिनिगु मंकाः संगठन लोकसं म्हिगः दथुइ साउन ५ गते मंगलबाः छगु ज्याझ्वः वृक्षरोपण यागु खः ।

थ्व स्वया न्ह्यः लोकसं प्राविधिक मेला व प्रशिक्षण कार्यक्रम सम्पन्न यागु खः। लोकस २०२१ या अध्यक्ष आदर्श बोहोराया कथं वंगु दँ प्राविधिक व प्रशिक्षणत्मक कार्यक्रम महत्वपूर्ण कार्यक्रम जुगु व थुगु पटक सामाजिक क्षेत्रय् विस्तार यायेगु उद्देश्यं थुगु दँय् वृक्षरोपण कार्यक्रम  समावेश यानागु खः।

थःगु हे क्याम्पस दुने वृक्षरोपण कार्यक्रम याना पिने न यायेगु धका अध्यक्ष बोहोरां धागु दु। लोकस–२०२१ या अध्यक्ष बोहोराया कथं इन्जिनियरिङ्ग नाप सम्वन्धित व मेमेगु विविध तालिमया अनलाईनपाखे संचालन याना वयाच्वनागु दु।

कोरोना भाईरस संक्रमणया कारण भौतिक रुपं कक्षा संचालन यायेत असम्भव जुगुलि अनलाईन प्रविधिया प्रयोगयासे लोकसं तालिमया व्यवस्था यानागु दु धका धागु दु।