वागमती प्रदेशया मुख्यमन्त्री राजेन्द्र पाण्डें विश्वासया मत कायेत ताःलागु दु।

थौं सोमबाः पाण्डे न थःत प्रदेशसभाय् विश्वास दु धका तःगु प्रस्तावया पक्षय् ५९ मत काउगु खः। वागमती प्रदेशसभाय् १०९ म्ह सदस्यपि दु।

विश्वासया मत कायेगु निति ५५ म्ह सांसदपिनिगु समर्थन आवश्यक दु। सभामुख सानकुमार श्रेष्ठं मुख्यमन्त्री पाण्डे न काउगु मत प्रदेशसभाया बहुमत थ्यंगु दु धका धाउगु दु। सोमबाः प्रदेशसभाय् १०४ म्ह प्रदेशसभा सदस्यपिन्स मतदान बिउगु खः। पाण्डेयात नेकपा माओवादी केन्द्रया २३, नेपाली कांग्रेसया २२, नेकपा एकीकृत समाजवादीया १३, जनता समाजवादी पार्टीया छम्हेसिया विश्वासया मत बिउगु खः।

मुख्यमन्त्री पाण्डेें विश्वासया मतसम्बन्धी प्रस्ताव विपक्षय् ४३ मत वंगु खः। नेकपा एमालेया ४० व विवेकशील साझा पाटीया स्वम्ह सांसदपिन्स विपक्षय् मत बिउगु खः। नेकपा एमालेया स्वम्ह सांसद मतदानय् अनुपस्थित दुगु खः। मतविभाजन प्रक्रियाय् राप्रपाया निम्ह सांसद उपस्थित मजुगु खःसा नेपाल मजदुर किसान पार्टी (नेमकिपा) निम्ह सांसदपि तटस्थ च्वंगु खः।

स्वन्तिया न्हापागु दिं थौं शेयर बजार घटे जुगु दु। शेयर बजार परिसूचक नेप्से थौं १९ दशमलव २० अङ्कं घटे जुया २ हजार ८२८ दशमलव ३७ विन्दुइ कुहावंगु दु।

थौं फाइनान्स, म्युचल फन्ड व लगानी समूहबाहेक दक्को समूहया शेयर घटे जुगु दु। अथेहे बीमा, विकास बैंक व माइक्रोफाइनान्सया शेयर तसक कुहावंगु दु।

२३० कम्पनीया ७२ लाख ७ हजार कित्ता शेयर ४ अर्ब २० करोड ७१ लाख रुपैयाया कारोबार जूगु दु। दकलय् अप्वो महालक्ष्मी विकास बैंकया ५२ करोड १० लाख रुपैयाँया शेयर किनबेच जुगु दु।

थौं सर्पोट माइक्रोफानान्सया शेयर दकलय् अप्वो ८ प्रतिशतं घटे जुगु खः। समग्र बजार घटे जूसा आईसीएफसी फाइनान्स, साहस ऊर्जा, तेह्रथुम पावर कम्पनी व मानुषी लघुवित्त कम्पनीया शेयर १० प्रतिशत थहावंगु दु।

चीनं नेपाली सेनायात ३ लाख डोज कोभिड–१९ विरुद्धया खोप बिउगु दु।

चिनियाँ जनमुक्ति सेनापाखे नेपाली सेनायात लल्हागु खोप नेपालया लागि चिनियाँ राजदूत होउ यान्छी न प्रधानसेनापति प्रभुराम शर्मायात हस्तान्तरण याउगु खः।

खोप नाप झीगः भेन्टिलेटर व सच्छिगः अक्सिजन कन्सन्ट्रेटर न नेपाली सेनायात लल्हाःगु खः। नेपाली सेनां सोमबाः प्रेस विज्ञप्ति जारी यासे थज्याउगु ग्वाहालि निगु देय् दथुइ याउगु सम्बन्ध अझ बल्लाइगु भलसा काउगु दु।

२०७२ या भुखाचं जिर्ण जुगु ठेचोया नवदुर्गा देगः पुनर्निर्माण सम्पन्न जुगु दु।

देगः पुनर्निर्माण यायेत पुरात्तत्व विभागं २ करोड १६ लाख ६३ हजार रुपैया“ (भ्याट बाहेक) छुटे याउगु खः।

उगु ज्याझ्वलय् गोदावरी नगरपालिकाया मेयर गजेन्द्र महर्जनं नवदुर्गा १२ वर्षे जात्रा सञ्चालन यायेत स्थापित ३० लाख रुपैया अक्षयकोष रकम सम्झौता पत्र न हस्तान्तरण याउगु खः। नवदुर्गा भवानी देवी गुठीया अध्यक्ष धर्मराज मालीं  देगः पुनर्निर्माण यायेत न्यादँ तक निरन्तर संर्घष यानागु धका धयादीगु खः। ‘देगःण सतः संग्रहालयया रुपं विकास यायेगु योजना दु,’ धका वयकलं धयादीगु दु।

नवदुर्गा गुठीपाखे सञ्चालन याइगु प्याखँ दँय दसं यलया लायकूलि च्वंगू मूलचूक, सुनाकोठी कोतघर डबली, ठेचो, चापागाउ“ व योमरी पुन्हि कुन्हु ठेचाय् प्याखँ क्यनेगु परम्परा दु। उगु ज्याझ्वलय् ऊर्जा, जलस्रोत तथा सिचाई मन्त्री पम्फा भुसाल, प्रदेश सभासद राजकाजी महर्जन, यल महानगरया मेयर चिरीबाबु महर्जन, गोदावरी नगरपालिकाया मेयर गजेन्द्र महर्जनं संस्कृति सम्पदा संरक्षण प्रवद्र्धन यायेत थःथःगु थासं कुतः यायेगु प्रतिबद्धता क्यनादीगु खः।

ज्याझ्वलय् केन्द्रिय गुठी संस्थानया प्रशासक किरण शाक्य, पाटन संग्रहालय अधिकृत सुरेश लाखे, ललितपुर उद्योग वाणिज्य संघ, पाटन दरवार क्षेत्रस्थित लिच्छवीकालिन मू छे“ आ“ग छेँया मूल गुठीयारपिनिगु न उपस्थित दुगु खः।

स्वन्ति लिपा न्हापागु कारोबारया दिं थौं सोमबाः प्रि–ओपन सेसनय् नेप्से सामान्य वृद्धि जुगु दु।

प्रि–ओपन सेसनय् नेप्से ५.५३ अंकं थहावना २८५४.३४ अंकय् थ्यंगु दु।

प्रि–ओपन सेसनय् ३५ गु कम्पनीया ८१८० कित्ता सेयर किनबेच जुगुलि ५८ लाख ५१ हजार ७९५ रुपैयाँ बराबरया कारोबार जुगु खः।

प्रि–ओपन सेसनय् निर्जिवन बिमा व होटेल नाप पर्यटन उपसूचक गिरावट जुगु दु सा मेमेगु व जीवन बिमा उप–सूचक धासा थहावंगु दु।