परराष्ट्रमन्त्री नारायण खड्का व चिनियाँ विदेशमन्त्री वाङ यी दथुइ टेलिफोन सम्वाद जुगु दु।

मंगलबाः जुगु खँल्हाबल्हाय् चिनियाँ विदेशमन्त्री यी न थप २० लाख डोज खोप अनुदान बिइगु घोषणा याउगु दु धका मन्त्रालयं जारी याउगु प्रेस विज्ञप्तिइ उल्लेख याउगु दु।

यी न परराष्ट्रमन्त्री खड्कायात चीन भ्रमणया निमन्त्राण न बिउगु दु। मन्त्रालयया कथं टेलिफोन खँल्हाबल्हाय् खड्का व यी दथुइ निगु पक्षीय सम्बन्ध, कोभिड–१९ विरुद्धया खोपय् सहकार्य, व्यापार व विकास समन्वय व सीमा व्यवस्थापनया विषय छलफल जुगु खः।

थौं जुगु टेलिफोन सम्वादय् तातोपानी व रसुवागढी नाकापाखे थप कन्टेनर हयेगु विषय न छलफल जुगु दु धका धाउगु दु।

चितवनया नारायणी खुसिया ताँ तिंन्हुयाः छम्ह मनू बेपत्ता जूगु दु।

नवलपुरया गैंडाकोटपाखें नारायणी ताँ वःम्ह थ्यंमथ्यं ५५ दँया मिजं नं तांया दथू तिंन्हुयाः बेपत्ता जूगु धका प्रहरीं जानकारी बिउगु दु। वडा प्रहरी ज्याकुथि नारायणगढया प्रमुख प्रहरी निरीक्षक रघुसिंह विष्टया कथं तिंन्हुया वंम्ह मिजंया मालेगु ज्या जुयाच्वंसां नं आःतकं लुयावःगु मदुनि ।

खुसिइ लः अप्वःगु व बुलुसे नं च्वंगुलिं आःतक उद्धार ज्या जुयाच्वंसां नं लुयामवःगु विष्टं धाःगु दु । वं तिंन्हुइ न्ह्यः तांमय् तपुली, गञ्जी व निद्वःव स्वसः तका दां त्वःताथकूगु तर मेगु म्हसीका सिइदूगु छुं नं प्रमाण लुयामवःगु प्रहरी निरीक्षक विष्टं धाःगु दु ।

बझाङय् स्वन्हु यकं वाः वया चलः वंगु दु।

जिल्लाया थलारा गाउँपालिका–४ या डिख्लाय् मंगलबाः सुथय् चलः वया प्यंगु परिवारया सदस्य सम्पर्कविहीन जुगु दु।

जिल्ला प्रशासन कार्यालय व जिल्ला प्रहरी कार्यालय, बझाङं घटनाबारे पुष्टि याउगु मदुनि। गाउँपालिकाया प्रशासकीय अधिकृत पदमबहादुर ओलीं धाउगु दु, ‘गामय् आः टेलिफोन सम्पर्कविच्छेद जुयाच्वंगु दु सा इलय् ब्यलय् सम्पर्क जुयाच्वंगु दु।’ 

शेयर बजाः परिसूचक नेप्से थौं मङ्गलवाः न तधःगु ल्याखं घटे जुगु दु।

म्हिगः झन्डै ७० अङ्कं घटे जुगु नेप्से थौं ७७ दशमलव ३३ अङ्कं घटे जुया २ हजार ५१० दशमलव ७३ विन्दुइ कुहावंगु दु।

थौं छु ई नेप्से १०० अङ्कय् कुहावया २५ सय विन्दुइ थ्यःगु खःसा बन्द जुगु इलय् २५ सय विन्दुइ स्वया अप्वो थ्यंगु खः। थौं दक्को समूहया शेयर घटे जूसा जलविद्युत्, विकास बैंक, बीमा, उत्पादन व माइक्रोफाइनान्स समूहया शेयर उच्च अङ्कं घटे जुग दु।

२२१ गु कम्पनीया शेयर कारोबार जुगुलि २११ गु कम्पनीया शेयर घटे जुगु दु। नेपाल हाइड्रो डेभलपर्स व नेशनल हाइड्रोपावर कम्पनीया शेयर ९ प्रतिशत स्वया अप्वो घटे जुगु खः।

समग्र बजार घटे जुगु सा माहुली सामुदायिक व मानुषी लघुवित्त कम्पनीयो शेयर ४ प्रतिशत स्वया अप्वो थहावंगु दु।

थौं ९५ लाख ७२ हजार कित्ता शेयर ३ अर्ब ७७ करोड रुपैयाँ कारोबार जुगु दु।

सक्रमण स्वास्थ्य मन्त्रालयया कथं थौं दकलय् अप्वो येँ २४३ म्हेसित कोरोना सक्रमण जुगु दु।

चितवनय् १५३, यलय् ८७, झापाय् ७२, रुपन्देहीइ ६४ म्हेसित कोरोना संक्रमण पुष्टि जुगु दु