लुँया भाः थौ तोलां स्वस थहावंगु दु ।

म्हिगः सोमवाः ९२ हजार रुपैयाँ तोलां कारोबार जुगु खःसा थौं छापावाल लुँ मंगलवाः ९२ हजार तीन सय रुपैयाँ कायम जूगु दु धका नेपाल सुनचाँदी व्यवसायी महासंघं धागु दु ।

थौं तेजाबी लुँ तोला मूल्य ९१ हजार आठ सय रुपैयाँ थ्यंगु दु। अथेहे वहः तोलां १५ रुपैयाँ कुहावंगु दु ।

थौं झीन्यातका कुहावया १३ सय ४५ रुपैयाँ कारोबार जुगु दु धका महासंघ धागु दु  ।

नेकपा मसालया महामन्त्री मोहन विक्रम सिंह कोरोना भाइरस संक्रमित जुगु दु ।

८६ दँ दुम्ह सिंह येँय् थःगु निवासय् होम आइसोलेसनय् च्वना च्वगु दु ।

परिवारया सदस्यपिनिगु प्रत्यक्ष रेखदेखय् सिंहया उपचार जुयाच्वंगु दु मसालया प्रवक्ता रामप्रकाश पुरीं धागु दु ।

पुरीया कथं वयागु स्वास्थ्य सुधार जुयाच्वंगु दु ।

सिंहयात ज्वरो वगुलि पीसीआर परीक्षण यागुलि वैशाख २६ गते कोरोना संक्रमण पुष्टि जूगु ख।

बाँकेया थीथी अस्पतालय् उपचार याना च्वपि १२ म्ह कोरोना संक्रमितपिनिगु ज्याना वंगु दु ।

सोमवा ४ बजे निसे मंगलवाः सुथ ४ बजे तक संत्रक्रमि सीगु खः। जिल्लास्तरीय कोरोना संकट व्यवस्थापन केन्द्रया फोकल पर्सन तेज ओलीया कथं सीपि न्याम्ह बाँके, खुम्ह बर्दिया व छम्ह रुकुम पूर्वयाम्ह खः।

भेरी अस्पताल नेपालगन्जय् उपचार याना च्वम्ह नेपालगञ्ज–१० या ६८ दँ दुम्ह मिजंम्ह सोमवाः बहनि ५ः४० बजे, बाँकेया खजुरा गाउँपालिका–३ या ५२ दँ दुम्ह मिजंम्ह मंगलवाः सुथय् ४ बजे, बाँकेया जानकी गाउँपालिका–४ या ४५ दँ दुम्ह मिसाम्ह मंगलवाः सुथय् ४ बजे मदुगु खः ।

अथेहे, कोहलपुर– ८ या ६२ दँ दुम्ह मिजंम्ह नेपालगञ्ज मेडिकल कलेज कोहलपुरय् सोमवाः चान्हयः ७ः१५ बजे व खजुरा– २ या ८८ दँ दुम्ह मिजंम्ह होम आइसोलेसनय् हे सोमवाः चान्ह्य ११ः१० बजे मदुगु खः धका कोरोना फोकल पर्सन ओलीं जानकारी बिगु दु ।

अथेहे, भेरी अस्पतालय वैशाख २६ गते निसे उपचार यानाच्वम्ह सिस्ने गाउँपालिका–३ रुकुम पूर्वया ५३ दँ दुम्ह मिजंम्ह सोमवाः चान्ह्य ८ बजे मदुगु खः । अथेहे, भेरी अस्पतालय् उपचार याना च्वम्ह बर्दिया बाँसगढीया ७३ दँँ दुम्ह मिजंम्ह ४ः३० बजे, गुलरिया नगरपालिका–६ या २१ दँ दुम्ह मिजंम्ह बहनि ६ बजे, बारबर्दिया– ६ या ६३ दँ दुम्ह मिसाम्ह सोमवाः चान्ह्य १० बजे, बढैयाताल– ३ बर्दिया या ७८ दँ दुम्ह मिसाम्ह मंगलवाः सुथय् ५ः३० बजे, बाँसगढी नगरपालिका– ५ बर्दियाया ६० दुम्ह मिजंम्ह सोमवाः चान्ह्य १० बजे मदुगु  खःसा बढैयाताल बर्दियाया ३० दँ दुम्ह मिजंम्ह मंगलवाः सुथय् ४ बजे मदुगु धका धागु दु ।

बाँकेय् वंगु २४ घण्टाया दुने थप ८४३ म्हेसित कोरोना संक्रमण पुष्टि जूगु दु ।

बाँकेया कोरोना फोकल पर्सन तेज ओलीया कथं जिल्लाया स्वंगु प्रयोगशालाय् यागु ११०७ म्हेसिगु नमुना परीक्षणय् ८४३ म्हेसित संक्रमण पुष्टि जुगु दु ।

उकि मध्ये बाँकेय् जक २५० म्ह मिसा व ३२१ म्ह मिजपि याना ५७१ म्हेसित पुष्टि जूगु खः। अथेहे पिने जिल्लाय् च्वीप १२० म्ह मिसा व १५२ म्ह मिजंपि याना २७२ म्ह संक्रमित जूगु दु ।