मंगलबार अधिकांश कम्पनी यागु सेयर भाः थहावंगु दु ।

नेप्से परिसूचक २७ दशमलव ४७ अंकं थहावना २ हजार ६ सय ७३ दशमलव ३१ अंकय् थ्यंगु दु ।

‘क’ वगया कम्पनीपिनिगु भाः कारोबार मापन याइगु सेन्सेटिभ इन्डेक्स न ३ दशमलव १२ अंकं थहा वंगु दु । कारोबार रकम न करिब ६ अर्ब रुपैयाँ थ्यंगु दु ।

थौं ६२ हजार ६५९ कारोबारपाखे २२० कम्पनीया १ करोड ८ लाख कित्ता स्वया अप्वो सेयर किनबेच जूगु दु ।

उगु कारोबार रकम ५ अर्ब ८१ करोड ६ लाख ७३ हजार रुपैयाँ थ्यंगु दु । नेप्सेय् कारोबार जूगु दक्को समूहया सबइन्डेक्सय् थहा वंगु दु ।

दकलय् अप्वो व्यापार समूहया इन्डेक्स ५ दशमलव ७९ प्रतिशतं थहावंगु दु।

वंगु २४ घण्टाया दुने स्वनिगलय् थप ३९२७ म्हेसित कोरोना संक्रमण पुष्टि जूगु दु ।

स्वास्थ्य तथा जनसंख्या मन्त्रालयया कथं येँ जक २७८८ म्हेसित कोरोना सक्रमित जूगु दु ।

अथहे ख्वपय् ५३७ म्ह व यलय् ६०२ म्हेसित कोरोना संक्रमित जुगु दु धका धागु दु । अथहे देयन्यक २४ घण्टाय् ९४८३ म्हेसित कोरोना संक्रमण पुष्टि जूगु दु ।

अथेके २२५ म्ह सीउगु दु ।

कोरोना भाइरस संक्रमणं छन्हु हे २२५ म्हेसिगु ज्यान वंगु दु ।

स्वास्थ्य तथा जनसंख्या मन्त्रालयया कथं नेपाली सेनां २२५ म्हेसिगु शव व्यवस्थापन यागु दु ।

थ्व नाप आःतक नेपालय् कोरोना संक्रमणं सीपि ४ हजार ८४ म्ह थ्यंगु दु । वंगु २४ घण्टाय् २१ हजार ३१६ म्हेसिगु नमुना परीक्षणय् ९४८३ म्ह संक्रमण पुष्टि जूगु दु ।

थ्व नाप सक्रिय संक्रमितप ९७ हजार ८ म्ह थ्यंगु दु। अथेहे वंगु २४ घण्टाय् ५२२५ म्ह संक्रमणमुक्त जुगु दु । 

आ पसः सुथय् १० बजे तक उपभोग्य वस्तुया पसः चायके दइगु जुगु दु ।

ये, यल, व ख्वपया जिल्ला प्रमुख जिल्ला अधिकारीपिनिगु बैठकं उपभोग्य वस्तुयो पसः १० बजे तक सञ्चालन याये दइगु दिने निर्णय यागु दु।

थ्व स्वया न्ह्यः वैशाख २२ गते निसे २९ गते ९ बजे तक पस चायके दइगु निषेधाज्ञाया आदेश जारी यागु खः ।

मंगलवाः च्वंगु प्रमुख जिल्ला अधिकारीपिनिगु बैठकं जेठ १३ गते तक निषेधाज्ञा थप यागु खः ।