लुम्बिनी प्रदेश अन्तर्गत राष्ट्रियसभा सदस्यया लागि जुगु उपनिर्वाचनय् नेपाली कांग्रेसका दृगनाराण पाण्डे निर्वाचित जुगु दु।

पाण्डें नेकपा एमालेया उम्मेदवार चन्द्रबहादुर खड्कायात पराजित यागु खः। पाण्डे न ४१४० मतभार व खड्काया ३६१२ मतभार दुगु खः।

पाण्डेयात नेकपा माओवादी केन्द्र, जनता समाजवादी पार्टी (जसपा) व राष्ट्रिय जनमोर्चापाखे उम्मेदवार जुगु खः ।

आइतवाः तसकं बालागु होइड्रोपावर कम्पनीपिनिगु सेयर भाः थौं सोमवाः क्वहावंगु दु।

सोमवाः सेयर कारोबार मापक नेप्से परिसूचक ४५ अंक स्वया अप्वो घटे जुगु दु। समग्र बजाः हाइड्रोपावर समूहया सबइन्डेक्स ४ दशमलव ३१ प्रतिशत अर्थात १२९ दशमलव ९३ अंकं कुहावंगु दु। थुगु समूहया सेयर दकलय् अप्वो कम जुगु खः।

नेपाल राष्ट्र बैंकया मौद्रिक नीति तेस्रो त्रैमासिक समीक्षाय् कार्यान्वयनया लागि बिगु निर्देशन लिपा हाइड्रोपावर सेयर मूल्यय् आकर्षण खनेदुगु खः। सोमवाः यक्को गुमे यागु कम्पनी मथ्ये १० गु दक्को हे जलविद्युत् कम्पनीपि जुगु दु । अय्न, राधी जलविद्युत् कम्पनी धासा अपवाद जुगु खः। थुगु सेयरया भाः करिब १० प्रतिशत थहा वंगु दु। सोमवाः नेप्से परिसूचक ४५ दशमलव २५ अंकले घटे जुया २ हजार ७ सय ८२ दशमलव ६८ अंकय् क्वहावंगु दु।

सेयर कारोबार रकम आइतवाः स्वया कम खने दुगु दु। थौं ३ अर्ब ९० करोड ९१ लाख रुपैयाँ स्वया अप्वोया सेयर कारोबार जुगु। आइतवाः १७ अर्ब स्वया अप्वो कारोबार रकमया न्हुगु रेकर्ड कायम जुगु दु।

लुम्बिनी प्रदेशय् राष्ट्रियसभा उपनिर्वाचनय् २९७ मत कुहा वंगु दु। स्थानीय तहया प्रमुख व उपप्रमुख याना २१४ मतदान कुहावंगु खः।

लुम्बिनी प्रदेशसभाया दक्को ८३ सदस्यपिन्स मतदान यागु दु। उगु उपनिर्वाचनय् ३०० म्ह मतदातापि दुगु खः। नेकपा माओवादी केन्द्रया राष्ट्रियसभा सदस्यय् निर्वाचित जुम्ह अर्घाखाँचीया चन्द्रबहादुर खड्का एमाले प्रवेश यायेवं पदमुक्त जुगु खः।

उगु खाली जुगु पदय् नेकपा एमालेपाखे खड्का हे उम्मेदवार जुगु खःसा नेपाली कांग्रेस, नेकपा माओवादी केन्द्र, जनता समाजवादी पार्टी, राष्ट्रिय जनमोर्चाया समर्थनय् कांग्रेसया दृगनारायण पाण्डेय उम्मेदवार जुगु खः।

मतदान क्वचायेवं छु ईलिपा हे मत ल्याखायेगु याइ धका धागु दु।

राष्ट्रियसभाय् खाली जुगु छगु पदया लागि लुम्बिनी प्रदेशया उपनिर्वाचन शुरु जुगु दु।

माओवादी केन्द्रपाखे विजयी अर्घाखाँचीया चन्द्रबहादुर खड्का एमाले प्रवेश लिपा पार्टी न कारबाही यागुलि खाली पदय् उपनिर्वाचन जुगु ख।

प्रदेश राजधानी दाङया कर्मचारी मिलन केन्द्र थौं मतदान जारी दु । मतदातापिनिगु कायम याना मतदान केन्द्रय् लामबद्ध जुगु दु । राष्ट्रिय सभा सदस्य उपनिर्वाचनय् निम्ह उम्मेदवार दु ।

कांग्रेस, माओवादी केन्द्र, जनता समाजवादी पार्टी व राष्ट्रिय जनमोर्चाया पाखे दृगनारायण पाण्डे व एमाले चन्द्रबहादुर खड्का प्रतिस्पर्धाय् दु।

उपनिर्वाचनय् लुम्बिनी प्रदेशसभा सदस्य ८३ म्ह व लुम्बिनी प्रदेशअन्तर्गतया पालिका प्रमुख व उपप्रमुखपि २१७ म्ह याना जम्मा ३०० म्ह मतदाता दु।

मेट्रो एफएमया संचारकःमि नाप गायिका रीता महर्जनया तःधिकःम्ह किजा कोभिड १९ कोरोना भाइरस संक्रमण ईन्जिनीयर कविन्द्र महर्जन थौं आइतवाः सुथय् आकाझाकां मन्त ।

मदुम्ह महर्जनयात वंगु स्ववाः न्ह्यःनिसें मनमोहन अस्पतालय् वासः याकाः च्वंगु खःसा छवाः न्ह्यः जक ग्राण्डी अस्पतालय् यंकाः वासः याकुगु खः।

मदुम्ह ईन्जिनीयर कविन्द्र महर्जनया तता गायिका रीता महर्जन खःसा अबु किपूया समाजसेवी नाप नेपा राष्ट्रिय पार्टीया महासचिव कृष्णहरी महर्जन खः।